کورد دلې چەرخەکا تاریخینە
هۊرئەوەگېڵنای و ئاماڎەکەرڎەی: ئەسعەد ڕەشید
بەشەی: چوارسەڎ و ویس و دوەمە
* تاریخو (#15-08-1976#ز.) شەهیڎکەرڎەی هەژدە پېشمەرگا مەفرەزەکەو ئیبراهیم عەزۆی بە دەسو پارتی، ئانې سەرکردایەتی کە ئی براکوشیەشا کەرد ئینې بېنې: عەبدوڵڵا ڕەمەزان، محەمەد گۆیی و یوسف گۆیی.
* تاریخو (#21-08-1976#ز.) سەدام حوسێن دلې ئەنجومەنو نیشتیمانینە بڕیارو فاڕایۆ دەگا سەرسنوورییەکانو کوردەسانیش دا بە قووڵی (29) کیلومەترا.
* تاریخو (#30-08-1976#ز.) پەلامارەو پارتی بە فەرماندەیی محەمەڎ خالید پەی سەرو مەفرەزێوە یەکیەتی سەرو هانێوە ساراو سندیی نزیک بە زاخۊی کە خەریکې چای واردەی بېنې، ئەنجامەنە جەبارو مەڵڵا غەڼی کە فەرماندەو مەفرەزەکەو یەکیەتی بې چەنی یەرې پېشمەرگاتەری شەهیڎې کریێ، چوار پېشمەرگېشا ڕزگارشا بی کە یۊشا نامېش ئۆڕەحمان حەسەن شەنگاری بې، بەڵام کۆتې دلې کەمینو مەفرەزێ جاشا ئېراقی بە سەرپەرەشتی جەعفەر بێسفکی و هەر چوارشان دێوە دەسو داگیرکاری ئېراقی و دمای ماوێ جە زیڼانو موسڵی قەنارە دریێ، ئی مەفرەزە دمایین دەسەو مەفرەزەکەو ئیبراهیم عەزۆی بې.
* مانگەو (09) ئی ساڵې، وەڵاکەرڎەیۆ پاڕەو و پروگرامو یەکیەتی نیشتیمانی کورڎەسانی کە بە دەسو جەلال تاڵەبانی، کەمال فوئاد، فوئاد مەعسوم، نۊشیروان مستەفای نویسیابې.
* مانگەو (10) ئی ساڵې، گېڵایۆ دکتور خالید و دەسێوە جە پېشمەرگەکا ناوچەو باڵەکایەتی جە سوریاوە پەی کورڎەسانی.
* تاریخو (#24-10-1976#ز.) کۊچی دمایینو ئەحمەد موختار بابان جە شارو بۆنی ئەڵمانی.
* مانگەو (11) ئی ساڵې، گېڵایۆ یەرې دەسې جە پېشمەرگەکانو یەکیەتی نیشتیمای کورڎەسانی جە سوریاوە پەی کورڎەسانی، بەڵام ئاماکەیشان سەرکۆتە نەبی، تەرسەو پارتی و خەڵکو ناوچەکەینە گېڵێنێ، ئانې سەرداری ئا دەسا کەرېنې ئینې بېنې: نۊشیروان مسەفا، حەسەن خۆشناو، فوئاد عومەر، سەی کەریم، سەردار دەلۊیی و فەرهاد شاکەلی.
* مانگەو (11) ئی ساڵې، کۆتەی بوومەلەرزێ جە ناوچەو موڕادیەو سەرنیشتو ڤانی، کە زەرەرێ گیانی و ماڵی فرەش چەنە کۆتۆ.
* تاریخو (#21-11-1976#ز.) داگیرکاری ئېراقی باعزێ جە ڕابەرانو کۊمەڵە و یەکیەتیش قەنارە دێ، کە ئینې بېنې: شېخ شەهاب، جەعفەر و ئەنوەر. ئینې یەکۆمین دەسە بېنې کە دلې ژڵېوەی تازەینە قەنارە بڎریان.
* تاریخو (#23-11-1976#ز.) هۊتەرەو داگیرکاری ئېراقی پەی سەرو ناوچەو دۊڵەو باڵەییانی، ئەنجامەنە زەرەرێ فرە ئۆ داگیرکاری کوت.
* تاریخو (#27-11-1976#ز.) گېڵایۆ دکتور قاسملۊی پەی ئۆرووپای، شایانو باسین کە فرەو ئەندامانو حیزبو دیموکراتو کوردەسانو ئېرانی پەی ئی گېڵایۆ ناڕازیې بېنې.
* تاریخو (#02-12-1976#ز.) کۊچی دمایینو نویسەر غەفور ڕەشید داراغای.
* تاریخو (#15-12-1976#ز.) داگیرکاری ئېراقی فەرمانو قەنارەدایش پەی ئەندامانو ڕېکۋزیاو هەڵۊی سووری ئیمزا کەرد، دمایی قەنارە دریێ.
* تاریخو (#17-12-1976#ز.) هۊتەرەو داگیرکار ئېراقی پەی سەرو ناوچەو دۊڵەو باڵەیانی، ئەنجامەنە زەرەرێ فرە یاوا بە داگیرکاری ئېراقی.
* ساڵەو (1977ز.)٫ چن تۊمارێ پېوەس پەی ساڵېوە ئینێ وەردەسەنە:
* سەرئەژمارو نیشتەجایا ئېراقی بە پانیشتو کورڎەسانیچۆ، ڕژېم بە زۊر خانەوادە کوردەکا شارو کەرکووکی و ناوچەکانو چواردۆریش بە عەرەب مەنویسې.
* وەهارو ئی ساڵېنە، داگیرکاری ئېراقی هۊتەرێ فراوانەش کەرڎە سەرو پانیشتو کورڎەسانی پەی دایوەنەو هېزو پېشمەرگەی، کە نزیکەو (45) چل و پەن هەزار سەربازې و تانک و باڵەفڕې و چەکې قورسېشان بەکارئاردې.
* پەی یەکۆمین جاری دماو هەرەسەو شۊڕشو ئەیلوولی، ژڵېوەی تازە جە ناوچەو قەندیلی پەی ماوەو چن ڕوێ جەنگی بەرەییش چەنی داگیرکاری ئېراقی کەرد.
* هوروەشنایۆ تیپو شانۊیی جوانا جە سلېمانی بە فەرمانو داگیرکاری ئېراقی بە مەڵامەتو نماییشکەرڎەی شانۊیی (داماگەکا).
* کۊچی دمایینو خەتوەش سەی موحسین.
بەشێ جە کتېبو هاوڕێنامەی، نویستەی هاوڕێ باخەوان، هۊرگېڵنای پەی سەرو زوانی هۆرامی: ئەسعەد ڕەشید.[1]