کورد دلې چەرخەکا تاریخینە
هۊرئەوەگېڵنای و ئاماڎەکەرڎەی: ئەسعەد ڕەشید
بەشەی: چوارسەڎ و ویس و حۆتەمە
* تاریخو (#01-06-1978#ز.)، دەسکەرڎەی بە کۊچپەنەکەرڎەی و فاڕایۆ خەڵکو دەگایەکانو بیبینی مەرزی میانو ئېران و ئېراق و تورکیای بە فەرمانو داگیرکاری ئېراقی بە درېژی (20) ویس کیلومەترا.
* تاریخو (#01-06-1978#ز.)، قەنارەدای جەعفەر ئەسوەد، حسێن عەبدولڕەحمان، جەواد کەریم و کەمال واحد جە شارو موسڵی، ئینې ئا چوار پېشمەرگې بېنې کە جە تاریخو (#08-03-1978#ز.)دیلې کریێبېنې.
* تاریخو (#02-06-1978#ز.) کارەساتو هەکاری هەر مەنەن و نیمەشەوێنە هېزەکانو یەکیەتی دلې ناوچەو هەکارینە جە یۊی بڕیێرەو بڕێشا کۆتې دلې کەمینو پارتی و هېزەکانو ناوچەکەی.
* تاریخو (#05-06-1978#ز.) کۊچی دمایینو عەزیزی یوسفی.
* تاریخو (#09-06-1978#ز.)، دکتور کەمال خۆشناو و سالار نەجمەدین، یاوێ دلې شارو وانی جە سەرنیشتو کورڎەسانی، بە نیازو واتە و واچی چەنی سەردارانو دەدەکای (پارتێ سەرنیشتو ئا کاتەیە بییەن) بنیشارەو هېزەکانو یەکیەتی جە هەکاری ڕزگار بکەران و پاکشېشان پەنە بکەران، بەڵام ئاڎې هیچ نۊعە یاردیێ پېشکەش بە یەکیەتی نمەکەران.
* تاریخو (#21-06-1978#ز.) هۊتەرەو داگیرکاری ئېراقی پەی سەرو دەگاو (کانی بیشۆ) ناوچەو ماوەتی کە ئەنجامەنە (6) شش پېشمەرگې شەهیڎې بیې، کە دوېشان ئەندامې کۊمەڵەی بېنې بە نامەکانو: خانەی موعینی و ئەحمەڎ فەتحوڵڵا.
* مانگەو (07) ئی ساڵې، ئەرەمەرزنای ڕېکۋزیاو کۊششو کارگەرانو کورڎەسانی _ ئەرەکۊشنای.
* مانگەو (08) ئی ساڵې، نماییش کەرڎەی شانۊیی (ئۆتێللۆ) جە سلېمانی، بەرئاردەیش ئەحمەڎ سالار، ئی ئەکتەرېچە بەشڎاریشان دلېنە کەرد: هونەرمەڼ حەمەڕەشیڎ هەرەس، پەخشان کەریم، ئەحمەڎ سالار.
* مانگەو (09) ئی سالې، وەڵاکەردەیۆ نامیلې تاقیکەرڎەیۆ ویەردەی و کۊششو ئارۊو گەلەکەیمان بە قەڵەمو دکتور مەحمووڎ عوسمانی کە یەکیەتی پەی چاپکەرڎەبې.
* تاریخو (#07-09-1978#ز.) بە مەڵامەتو تېکشییەی باری دلېنەو ئېرانی و تەشەنەکەرڎەی ناڕەزایی و گلېرۆبییە جەماوەرییەکاوە، سوپاو ئېرانی دەسش جە کار و بارو دلې ئېرانی وەردا.
* تاریخو (#13-09-1978#ز.)، مەفرەزێ هەرېمو یەرې یەکیەتی نیشتیمای کورڎەسانی پەلامارەو سەنگەرەکانو دژمەنیشا دا جە بەردەسپیانو ماوەتی.
* تاریخو (#17-09-1978#ز.) داگیرکاری ئېراقی تۊقەو دەگاو (کاموسەکی)شدا، دمای جەنگێ دەسەو یەخەی چەنی پېشمەرگاکانو یەکیەتی، پېشمەرگێ بە نامې حەوێز هیرانی شەهیڎ بی.
* تاریخو (#18-09-1978#ز.) مەفرەزێ هەرېمی پارېزگاری یەکیەتی نیشتیمانی کورڎەسانی پەلامارەو فۆجەو (کۆمتان)یش داو زەرەرشان پەنە یاونا.
* تاریخو (#04-10-1978#ز.) کۊچی دمایینو پروفیسور کامەران عالی بەدرخانی جە شارو پاریسی.
* تاریخو (#07-10-1978#ز.) فاڕایۆ بارەگاو سەرکردایەتی یەکیەتی نیشتیمانی کورڎەسانی پەی (دەراوی گوێزی).
* تاریخو (#20-10-1978#ز.) فاڕایۆ بارەگاو سەرکردایەتی یەکیەتی نیشتیمانی کورڎەسانی پەی توژەڵەی، خڕی ناوزەنگ و زەڵێ.
* تاریخو (#27-10-1978#ز.) ئەرەمەرزیای پارتو کرېکارانو کورڎەسانی (پەکەکە) جە سەرنیشتو کورڎەسانی.
* تاریخو (#09-11-1978#ز.) هۊتەرەو داگیرکاری ئېراقی پەی سەرو ناوچەو شێنێ، نزیک بە قەڵادزې کە بنکەو هېزو پېشمەرگا کورڎەسانیش چەنەبې، ئەچا پەلامارېنە دژمەن هەزاران سەربازې و جاشې و سەڎەها تانک و تۊپې و باڵەپڕېش بەکارئاردې، جە کاتێنە ژمارەو پېشمەرگەکا تەنیا (600 _ 700) پېشمەرگا بېنې، داگیرکاری ئېرانیچ یاردیێ خاسو سوپاو ئېراقیش دا، بەڵام دماجار سوپاو دژمەنی مەڕیاو دەسکۆتې فرې کۆتې دەسو هېزو پېشمەرگا، ئەچا جەنگەنە تەنیا دوې پېشمەرگې زامڎارې بیې.
* تاریخو (#22-11-1978#ز.) ڕېکۋزیاو یونسکۆی داواش جە وڵاتانو ئۆرووپای کەرڎە کە ڕا وەشەبکەران پەی پارېزنای و دڎانېپۊرەنیای کەلتووری نەتەوەیی ئا ئاوارە کوردا کە ئینێ دلې وڵاتانو وەرنیشتو ئۆرووپای.
بەشێ جە کتېبو هاوڕێنامەی، نویستەی هاوڕێ باخەوان، هۊرگېڵنای پەی سەرو زوانی هۆرامی: ئەسعەد ڕەشید.[1]