کورد دلې چەرخەکا تاریخینە
هۊرگېڵنای و ئاماڎەکەرڎەی: ئەسعەد ڕەشید
بەشەی: چوارسەڎ و حەفتا و چوارەمە
* تاریخو (#03-04-1991#ز.) دەمئەژمار (5:00) ساعبی، نزیکەو (12) دواڼزە کوردا باڵیۊزخانەو داگیرکاری ئېراقیشان پەی ماوەو (5) پەڼج دەمئەژمارا جە (بەلژیک) گېرت، ئانې کە بەشداریشان ئەچا ژڵېوەنە کەرد بە فەرمانو داڎگای بەلجیکی یەرې ساڵې زیڼانی دریێ گەر تاکو (5) پەڼج ساڵې تەر گولانەتەرین هەڵەت بکەران. شایانو باسیەن ئەچی ڕوانە قیڼیې ئاوارەبییەی بە کۊمەڵی خەڵکو کورڎەسانی ژمارێ تەرې باڵیۊزخانې ئېراقی دلې وڵاتانو ئۆروپاینە کۆتې وەرو پەلامارەو تووڕەیی کوردەکا.
* تاریخو (#04-04-1991#ز.) داگیرکەرڎەیۆ شارو سلېمانی بە دەسو دژمەنی و ئاوارەبییەی خەڵکو شارەکەی پەی کەش و کۊ و مەرزەکا و ئاو و هەواو ئا چن ڕۊیچە گەلێ ناوەش بې کە خەڵکی چېرو واران و سەردا و سلۊوەینە نەزانېنې سەرە بکەران کۊگەرە، چەنی ناهەمواری ئاو و هەواکەیچ خەڵکی واردەمەنیش مشتە نەگنې کە بی بە مایې نەوەشی و ئاورایی و گیانئەسپارای گەلێ زاروڵا.
* تاریخو (#04-04-1991#ز.) لیژنەو هامکاری کوردە ئاوارەکانی جە هۆڵەندا، بانگەوازێش پەی خەڵکی بەرەکەرڎە، تاکو یاردی کوردە ئاوارەکانو پانیشتی بڎان.
* تاریخو (#04-04-1991#ز.) بەرەی کورڎەسانی و ئوپوزسیۊنی ئېراقی، دلې شارو لاهای هۊڵەنداینە، وېنیشاندایێشان وەردەمو باڵیۊزخانەو ئەمەریکاینە سازکەرد، وېنیشاندەرې داواشان وەنەکەردې یاردی خەڵکی خېزیاو کوردەسان و ئېراقی بڎان.
* تاریخو (#05-04-1991#ز.) ئەنجومەنو ئاساییشی، قەرارو (688)یش بە قازانجو ئاوارە کوردەکا بەرشنی، پەی ئانەی واردەمەنی و داو و دەرمان و یاگې مەنەیۆشان پەی ئاماڎې بکەران، هەم هەڕەشېچش ئەو داگیرکاری ئېراقی کەردې تاکو دەس جە سەرکوتکەرڎەی خەڵکی خېزیای هوربگېرۊن، ئا قەرارە نامېش نریا پروسەو کیاستەی سەرڕەحەتی (ئاسووڎەیی).
* تاریخو (#06-04-1991#ز.) کۊمەڵەو هەرمانبەرا کورڎەسانی، دلې شارو لاهای هۊڵەندینە، ڕاپیمایێشا دژو داگیرکاری ئېراقی سازنا، کە زیاتەر جە هەزار کەسا بەشدارې بېنې چەنەش.
* تاریخو (#16-04-1991#ز.) سەردارو ئەمەریکای جۆرج بۆش قەرارێش پەی سوپاو ئەمەریکای بەرکەرڎە، کە یاردی ئاوارە کوردەکانو پانیشتی بڎان.
* تاریخو (#17-04-1991#ز.) هۊتەرەو پېشمەرگەکانو پەکەکەی پەی سەرو سوپاو ئېراقی جە زاخۊ، کە ئەنجامەنە چڼیین سەربازېشان کوشتې و (8) هەشت ئاربیجیې و (1601) کڵاشینکۊفې و (4) چوار تۊپی ئاسمانیې و گەلێ جبەخانېشا دەسکۆتې و (57) ماشینېچشان سۊچنێ.
* تاریخو (#19-04-1991#ز.) هامپەیمانەکې، عاسمانو بەشێ پانیشتو کورڎەسانیشان جە باڵەپڕەکانو ئېراقی قەڎەغە کەرد، کە پاو ئانەی هېڵەو سەرنیشتو (36) پانی بی بە سنوورو (نۆ فڵای زۆن)ی و هامپەیمانەکې بە باڵەپڕې دلې باڵەپڕخانەو ئینچەرلیکیۆ دیڎەوانی مەکەرېنې.
* تاریخو (#25-04-1991#ز.)هونەرکارو کوردی شڤان پەروەر، ئاهەنگێش دلې مێڎانو باڵەپڕخانەو شارەکڵەو دیانای جە پانیشتو کورڎەسانی گېڵنا، کە دەیان هەزار کوردې و پېشمەرگې کورڎەسانی بەشداریشان دلېنە کەرد.
* تاریخو (#30-04-1991#ز.) ئارۊ ژمارێ جە خەڵکو ناوچەو دیانای پانیشتو کورڎەسانی سەرو جادەو گەلی عەلی بەگیشان گېرت، تاکو ڕا جە مەسعود بارزانی بگېران و نازان بلۊن پەی بەغڎای پەی واتە و واچی.
* تاریخو (#00-05-1991#ز.) بەرەی کورڎەسانی، داڎگا تاییبەتەکېش ناستې و یاگېشانە داڎگاو میحوەریش وەشەکەرڎە، کە ژمارەشان (4) چوار دانې بېنې، پەی گردو شارەکانو کوردەسانو پانیشتی، کە شارەکانو سلېمانی و هۆلېر و دهۊک و کەرکوکی بېنې.
بەشێ جە کتېبو هاوڕێنامەی، نویستەی هاوڕێ باخەوان، هۊرگېڵنای پەی سەرو زوانی هۆرامی: ئەسعەد ڕەشید. [1]