کورد دلې چەرخەکا تاریخینە
هۊرگېڵنای و ئاماڎەکەرڎەی: ئەسعەد ڕەشید
بەشەی: چوارسەڎ و نەوەڎهەمە
* تاریخو (04-09-1993ز.) پېڕێ جە ئەندامانو پەرلەمانو تورکیای، کە کوردې بېنې و سەر بە پارتو دیموکرات (دەپ) بېنې، لەیلا زانا و خەتیب دیجلە و محەمەڎ سنجار و نیزامەدین تونج، تووشې پەلامارێ چەکداری بیێ جە لاو چەکدارەکانو کۆنترا گەریللایۆ، کە تورکی فاشی هانی دێبېنې، جە کاتێنە ئا ئەندام پەرلەمانې دلې جادەو شارو باتمانی سەرنیشتو کورڎەسانی پیاسې کەرېن. ئا پەلامارې بییە بە مایې شەهیڎبییەی ئەندامو پەلەمانی محەمەڎ سنجاری کە کەسێ نیشتیمانی بې و هەم مەتین ئوزدەمیر کە ئەندامو لیژنەو کارگېڵنی پارتو دەپی بې. هەر ئەچا پەلامارېنە (نیزامەدین تونجی)چ کە ئەندامو پەرلەمانی بې زامڎار کریا.
* تاریخو (05-09-1993ز.) کۊچی دمایینو مامۊسا جەلال تەقی، کە بېجگە ئەچا نویسا و هورئەرەگېڵنە بە پېزا دلې ڕووپەلو ڕۊنامە و گۊڤارەکانە وەڵێش کەردېنێ، (10850) لاپەلېش چاپې کەردېنې و چەنی (20906) لاپەلې نویسیێ.
* تاریخو (08-09-1993ز.) دەسگیرکەرڎەی (70) کوردې بە فەرمانو مەڵڵاکا ئېرانی، بە تۊمەتو پۊشای جل و بەرگی کوردی.
* تاریخو (14-09-1993ز.) ئی شەوې، تۊپخانەکې داگیرکاری ئېرانی پەی ماوەو یەک دەمئەژماری دەگایەکانو ناوچەو پېنجوېنېشا تۊپواران کەردې.
* تاریخو (15-09-1993ز.) نیمەشەو، داگیرکاری ئېراقی تۊپوارانو دەگایەکانو (تۊمار و گورگان)ی سەر بە شارەکڵەو شوانیش کەردې.
* تاریخو (15-09-1993ز.) پەرلەمانو پانیشتو کورڎەسانی بڕیارێش پەی یۊۋستەی هېزو پېشمەرگەو کورڎەسانی بەرەکەرڎە.
* تاریخو (18-09-1993ز.) ئارۊ و سەوای، داگیرکاری ئېرانی تۊپوارانو دەگایەکانو ناوچەو قەڵادزې و پېنجوېنېشا کەرڎە.
* تاریخو (00-10-1993ز.) لیژنەی جەهانی مافو مروڤی، ڕاپۊرتێش سەرو پانیشتو کورڎەسانی بەرەکەرڎە، کە دلېشەنە ئامان: دلې کورڎەسانینە پاشېلکەرڎەی مافو مروڤی دیاردێ وەرچەمەن، خەڵکی سەرو جیاوازی ویر و ڕای ڕامیاریشان زیڼانی و فەلاقە و بېسەرو شۊنې مەکریان.
* تاریخو (00-10-1993ز.) ئەمنستی ئەنتەرناسیۊناڵ، چەنی مەسعود بارزانی و جەلال تاڵەبانی نیشتەرە، تاکو جەبارەو پاشېلکەرڎەی مافو مروڤی کوردەسانەنە واتە و واچ بکەران.
* تاریخو (00-10-1993ز.) هەرېمو پانیشتو کورڎەسانی، (95) چەنەکۊڵەرې داڎوەریېش دلې بنکەکانو پۊلیس و ئاساییشینە مەرزنێرە.
* تاریخو (00-10-1993ز.) ئەچی تاریخەنە حېزبو شوېعی ئېراقی کۊنگرەی پەڼجەمش بەست، ئەنجامەنە تاقمێ جە کومونیستە کوردەکا، پارتو کومونیستو کورڎەسانیشان پېکئارد.
* تاریخو (00-10-1993ز.) ترازیای تاقمەو حەمەو حاجی مەحمووڎی جە پارتو دیموکراتو کورڎەسانی، کە جارێتەر (حسک)شا وەشکەردۆ.
* تاریخو (00-10-1993ز.) گژیای یەکیەتی نیشتیمانی کورڎەسانی و بزوتنەوەی ئیسلامی و کوشییای (70) حەفتا کەسا.
* تاریخو (05-10-1993ز.) پەرلەمانو پانیشتو کورڎەسانی یاساو چەکیش بەرشنییە، کە ژمارە (16)و ساڵەو (1993ز.)، پەی ئانەی سنوورێ پەی دیاردەو چەکداری بنیۊرە.
* تاریخو (06-10-1993ز.) گېڵنایۆ تەرمو هردوە سەردارا کوردی مستەفا بارزانی و ئیدریسی کوڕیش پەی پانیشتو کورڎەسانی، کە یەکەم ڕۊ تەرمەکې پېڼجوېنۆ ئاریێوە پەی سلېمانی و شەوې دلې ئارامگاو حاجی کاک ئەحمەڎی شېخینە بیې و جەلال تاڵەبانی یاوناش کە تاکو ساعبێ پېسە پاسەوانی شەرەفی، هاگاڎارو تەرمەکانی مەبۊن، ئانەی شایانو باسیەن دنیێوە خەڵک لوابې پېوای تەرمەکاوە.
* تاریخو (07-10-1993ز.) بەردەی تەرمەکانو مستەفا بارزانی و ئیدریسی کوڕیش پەی شارو هۆلېری.
* تاریخو (08-10-1993ز.) بەخاک ئەسپارای تەرمەکانو مستەفا بارزانی و ئیدریسی کوڕیش دلې ماواو وېشان دەگاو بارزانی.
بەشێ جە کتېبو هاوڕێنامەی، نویستەی هاوڕێ باخەوان، هۊرگېڵنای پەی سەرو زوانی هۆرامی: ئەسعەد ڕەشید. [1]