یاڎەوەریەکېم
بەشەی ویس و هەشتەمە
ئی لاروگېڕە ئەوەن؛ هوروژیان؟! هورپېچیان... لوان پەی وېش. پا خیابانەرە...ئەپا کووچەوکۊڵانێرە...پاجۊگېرە... لوا گوم بینە! ئانە ئەو بېنە؟! سکووتی ماچوو! ئەرې سکووت.
نەزانام بە وېم چڵاکیانېرە...سۆح بیەبێوە...شەفەق پێویا.وەرەزەردە گجییەکەش کەوت بەروە. ڕۆجیار ئاما و کەوت جبەر...سۆح بیوە... لاشەش گوم بی ونەمەن!لوان، تۊریان.گرم و قاڵ هورئاما.حەیف و خەسار نەوینام، دەنگش جارێوتەرنەژنەویم. فرە دلې وېشنە بې. خېیاڵێنە بې. دەنگش چنیابێ...چنیا. هیچم نەژنەوی. مەژگمەنە نەمەن. سکووتی ماچوو؛ سکووتی موتڵەق...موتڵەق...قیامەت هورس!نەزاناما حەشرکریایمێ.گردکەس لایێوەرە پژگیا!
بەشێوە کۆتا جە پەخشانەو: سکووتی_موتڵەق
بورهان ئەختەر. [1]