کورد دلې چەرخەکا تاریخینە
هۊرگېڵنای و ئاماڎەکەرڎەی: #ئەسعەد ڕەشید#
بەشەی پەڼج سەڎ و دەهەمە
* تاریخو (31-01-1995ز.) ئارۊ، ڕۊنامەو حوڕیەتی ترکی، ئانەش نویست کە جەلال تاڵەبانی بە ترکیایش واتەن کە میانجی ڕەسمی جەنگو میانو یەکیەتی نیشتیمانی کورڎەسانی و پارتو دیموکراتو کورڎەسانی بکەرۊن. سامی عەبدولڕەحمانیچ بە عەینو ڕۊنامەیش واتەن کە جەلال تاڵەبانی دیکتاتۊرێن پېسە سەدام حسێنی.
* تاریخو (31-01-1995ز.) مەسعود بەرزانی جوابو نامەکې جەمال نەبەزیش داوە.
* تاریخو (00-02-1995ز.) بەرشیەی ڕاپۊرتێ ئەمنستی بە زوانی ئینگلیزی سەرو پانیشتو کورڎەسانی، کە دلېشەنە تاوانە نامروڤیەکانو پارتە کورڎەسانیەکانیش وستەبې وەرو چەنەکۊڵیای.
* تاریخو (01-02-1995ز.) قسەکەرێ ڕەسمی بە نامې ئەمەریکا و تورکیای یاوناش، کە ئەگەر جەنگو میانو پارتی و یەکیەتی سەرەمڕە بۊن، ئانە پارېزنای ئاسمانی سەرو پانیشتو کورڎەسانی لامەبەران.
* تاریخو (02-02-1995ز.) ڕێبین ئەحمەڎ هەردی، دلې هۊڵو ڕۊشنویری شارو سلېمانی، وتارێش بە نامې (جەنگ _ حېزب، شۊرتەیۆ کۊمەڵگای شارەسانی) پېشکەش کەردە.
* تاریخو (02-02-1995ز.) خانمەو میتیرانی کە وەرپەرسەو ڕېکوزیاو سەربەستینە و کلاوس کینگل سالیارو بەرو ئەڵمانیای و (22) ویس و دوې ئەندام پەرلەمانې بەریتانیای، داواشان جە یەکیەتی نیشتیمانی کورڎەسانی و پارتو دیموکراتو کورڎەسانی کەردە کە جەنگی براکوشی مدرنان.
* تاریخو (04-02-1995ز.) کۊمەڵێ زینانیې کوردی جە ترکیا، پەی مانگێ دلې زینانینە مانشان جە واردەی گېرت، پەی ئانەی ژیوای دلې زیڼانیشان خاستەر بۊن و چێولای فەلاقە نەکریان و بە ئازاڎی زیڼانیەکانو تەری بوینان و چەمداری نەوزیۊ سەو ئا ناما کە مەیانە دلې زیڼانی.
* تاریخو (05-02-1995ز.) تورکیا داواو (175) سەڎ و حەفتا و پەنج ملیۊن پاوەنې جە ئەنجومەنو ئۆروپای کەردەن، گوایا پەی بنیاڎنیایۆ دەگا کوردنشینەکانی، کە وېش وڕنێنې.
* تاریخو (05-02-1995ز.) کۊمەڵەو هامکاری جە ئەڵمانیا، سیمینارێش سەرو گېرتەی کۊنگرەی نەتەوەیی کورڎەسانی (کنک) جە شارو ڤەسەلین ڕېلوست.
* تاریخو (05-02-1995ز.) کۊمەڵەو هامکاری جە ئەڵمانیا، نامێوەش پەی سەردارو پەرلەمانو پانیشتو کورڎەسانی سەرو جەنگی براکوشی کیاستە.
* تاریخو (11-02-1995ز.) چن چەکدارێ کە پېسە ماچان سەر بە یەکیەتی نیشتیمانی کورڎەسانینې، دکتور سەعدی بەرزنجی هەواڎارو پارتیشا ئەڕفان و دمای فەلاقەو ئېش پەنەیاونای چېرو فشارو دلې و بەرینە ئازادشان کەرد، نامبریا سەرۆکو کۊلیژو یاسای زانکۊ هۆلېری بې.
* تاریخو (12-02-1995ز.) دکتور جەمال نەبەز جوابو نامەکې مەسعود بەرزانی و جەلال تاڵەبانیش داوە.
* تاریخو (13-02-1995ز.) کۊنگرەی نەتەوەیی کوردی، بە سەرداری دکتور نەجمەدین کەریم، ئارۊ نیشتەرێش دلې ویلایەتو ڤرجینیای ئەمەریکی سازکەرد دژو جەنگی براکوشی میانو پارتی و یەکیەتی و تۊکاری بارو دۊخو کورڎەسانی.
* تاریخو (14-02-1995ز.) ئارۊ جەلال تاڵەبانی دلې ڕۊنامەو ئەلحەیاتی لەندەنینە واتش کە مەشۊم کوردەسان جە پارتی پاک بکریۊوە و یەکیەتی هۊتەرێ گۆرې مەکەرۊ سەرو پارتی، چوونکوم تاکو پارتی دلې کورڎەسانینە بۊن، ئاشتی پېکنمێ.
* تاریخو (14-02-1995ز.) ئارۊ پارتی ئاشکەراش کەرد کە ئەگەر یەکیەتی ئی جەنگەیە بە زوویی نەمدرنۊ، ئانە ئېمەیچ جەنگی سەراسەری دەسپەنەکەرمېن.
* تاریخو (15-02-1995ز.) بنکەی زانستی چەنەکۊڵیای کوردی جە مۆسکۆ، نامێوەش ئاراسەو سەرکۊمارو فینلاندی (مارتی ئاهاتیساری) کەردە، پەی ئانەی فیلاند ڕا بە کۊنگرەی نیشتیمانی کورڎەسانی بڎۊن، چاگە ببەسیۊن.
* تاریخو (20-02-1995ز.) بە پاو چەنەدوایێ کۊسرەت ڕەسول عەلی پەی تەلەفزیۊنو (ئێم. بی. سی)، دەمئەژمار (06) وېرەگای بە کاتو هۆلېری، جە ناوچەکانو ڕەواندوز و دۆروبەریشەنە، جەڼگ میانو یەکیەتی نیشتیمانی کورڎەسانی و پارتو دیموکراتو کورڎەسانی فرە گەرمەن.
بەشێ جە کتېبو هاوڕێنامەی، نویستەی #هاوڕێ باخەوان#، هۊرگېڵنای پەی سەرو زوانی هۆرامی: #ئەسعەد ڕەشید#. [1]