کورد دلې چەرخەکا تاریخینە
هۊرگېڵنای و ئاماڎەکەرڎەی: ئەسعەد ڕەشید
بەشەی پەڼج سەڎ و پاڼزەهەمە
* تاریخو (06-05-1995ز.) ڕېکوستەی کۊنیشتێ پەی نۊشیروان مستەفای جە لەندەن، جە بارەو بار و دۊخو کوردەسانی، دلې کۊنیشتەکېنە کەسێ بە نامې شېخ مەنسووری حەفید پەرسێش ئەو نۊشیروانی کەردە، ئاڎیچ جوابشەنە ماچۊ: کوردەسانی گۆرە تەنیا ئینا دلې ئەندېشەو شاعېرەکانە.
* تاریخو (24-05-1995ز.) وەرپەرسیارو کۊمیتەو ئاماڎەکەردەی یەرەمین کۊنگرەی نیشتیمانی کوردەسانی، مەڵبەندو هێلسنکی، چەنی وەرپەرسو کۊمیتەو مافو مروڤو پەرلەمانو فینلاندی و سکرتېرو کۊمیتەی نیشتەرە، ئەنجامەنە بڕیار دریا، کە کۊمیتەو مافو مرۊڤی نامێوە ئاراسەو شالیارگاو بەرو فینلاندی بکەرۊ و داوا بکەرۊ بەشداری نیمە بە نیمەو بودجەو خەرجی کۊنگرەی چەنی نەتەوە یۊگېرتەکا بگېرانە گەردەن.
* تاریخو (28-05-1995ز.) کۊچی دمایینو هونەرکاری گۊرانیواچ تەحسین تەها جە هۊڵەندا.
* تاریخو (29-05-1995ز.) سازدای کۊنیشتێ سەرو ترازیای مەکتەبی سیاسی جە پارتی و جەڼگی براکوشی پەی ئاری هەرسینی جە شارو گرۆنینگنی.
* تاریخو (31-05-1995ز.)، ساییق تەیارێ ئېرانی، بە وېش و تەیارەکەیشۆ، شارو سلېمانی نیشتۆ و داواو مافو پەنابەریش جە بارەگاو نەتەوە یۊگېرتەکا کەرد.
* تاریخو (00-06-1995ز.) کوشتەی (300) یەرەسەڎ ئەفسەر و سەربازې و پیێ نامڎارې هۊزو دلێمی، بە دەسو هېزەکانو ڕژېمو ئېراق. ئا هۊزە و ئەفسەرەکېشا نیازشان بې کۊدەکا سەرو ڕژېمیرە بکەران.
* تاریخو (00-06-1995ز.) ئەمەریکا یاردیەکې وېش پەی داگیرکاری ترکی جە (46) ملیۊن دۊلارې پەی (21) ملیۊن دۊلارا وەزنارە.
* تاریخو (00-06-1995ز.) پارتی تۊپوارانو ئوردوگاو بنەسڵاوایش کەرد.
* تاریخو (00-06-1995ز.) بە پاو ڕۊنامەو کوردەسانی نوێ سەر بە یەکیەتی نیشتیمانی کوردەسانی، چېرو چەمڎاری نەچیرەوان بارزانینە (20500) تەن خەلە دریان بە داگیرکاری ئېراقی.
* تاریخو (00-06-1995ز.) زنیەیۆ چن بنەیانێ کوردی دلې شارو کەرکوکی، بە فەرمانو داگیرکاری ئېراقی، بە بەهانې ئانەی کە کەس و کارەکەشا دلې کوردەسانی ئازاڎکریاینە مەژیوان.
* تاریخو (00-06-1995ز.) پەرلەمانتارەی کوردە لەیلا زانا، دلې زیڼانینە فشارو ونېش بەرز بییۆ و بریا پەی نەوەشخانەی.
* تاریخو (01-06-1995ز.) کۊمەڵەو مافوازانو کوردی جە کوردەسان، ڕاپۊرتێش سەرو پاشېلکەردەی مافو مروڤی بە دەسو پارتی و یەکیەتی وەڵاکەردۆ.
* تاریخو (01-06-1995ز.) پېشکەش کەردەی سیمینارێ جە لاو فاروق ڕەفیقی، دلې زانکۊ کەنەدای، بە نامې بنەرەتایەتی فەندەمەنتالیزم پېسە هېزێ کارای.
* تاریخو (03-06-1995ز.) شالیارو بەرو ئەمەریکای، یاوناش: کە داگیرکاری ترکی، مافو مروڤو کوردی جە ترکیانە پاشېل مەکەرۊ.
* تاریخو (08-06-1995ز.) داگیرکاری ترکی فەرمانش بە دەسەو باڵاو فەتواکا دا، تاکو فەتوێوە دژو وەڵاکەردەیۆ قورئانی بە کوردی و چەنەکۊڵیای و شەرح کەردەیێ سەرش بڎان.
* تاریخو (11-06-1995ز.) بەستەی کۊڕێ سەرو مەسەلې کوردی و پەکەکەی جە ساڵەو (1995) پەی هەردوە هەڤاڵا پەکەکەی تەحسین و گوندی جە شارو گرۆنینگی، نامبریێ پاسەشان نیشانە دا کە مەسەلې کوردی و ژڵېوەکەش جە مەرزنارەی پەکەکەیۆ دەسش پەنەکەردەن.
* تاریخو (14-06-1995ز.) ژەنەراڵێ دلێمی جە ناوچەو ئەبو غرێبی، نزیک بە بەغڎای، بەرپڕایێ سەربازیش دژو ڕژېمی سازدا، کە دلېشەنە هەردوې لێ تانک و کۊپتەر و چەکې قورسېشان بەکارئاردې، بەڵام سەرکوت کریا. شایانو باسین وەڵتەر دلێمیەکې بە نیازو ئینقیلابێ ملو ڕژېمیرە حۆلېشا دێ، بەڵام سەرنەکۆتې و زیاتەر جە یەرەسەڎ سەربازې پلەدارېشا گېریێ و قەنارە دریێ.
* تاریخو (18-06-1995ز.) بەشداریکەردی هونەرکار سیروان ڕەئوف بە شش بەرهەما سیرامیکی، دلې ڤیستیڤاڵو مۆندیال دۆننی جە شارو برێدای هۊڵەندی.
بەشێ جە کتېبو هاوڕێنامەی، نویستەی #هاوڕێ باخەوان#، هۊرگېڵنای پەی سەرو زوانی هۆرامی: #ئەسعەد ڕەشید#. [1]