نامۍ: محەمەڎ سەعید
نازنام: ناکام
نامۊ تاتەی: حەسەن
ساڵەو پېڎابییەی: 1917
ڕۊ مەرڎەی: #02-02-2011#
یاگۊ پېڎابییەی: #دەوەشار _ سابڵاخ#
یاگۊ مەرڎەی: #شەقڵاوې#
$ژیۋاینامە$
سەعیڎ ناکام، نامې تەمامەش؛ محەمەڎ سەعیڎ حەسەن ناکام. ساڵەو (1917) دلې دەگاو (دەوەشار) سەر بە شارو سابڵاخ (مەهاباد)ی وەرکۆتو کورڎەسانی ئامان پېڎا. کەسێ ڕامیار و کۊششکار بییەن، زیڼانی کریان. ڕاوەبەرو چاپخانەو #کوردستان# دلې کۊمارو مەهابادینە، کەسێ فرە نزیکو ڕابەرانو کۊماری بییەن.
سەعیڎ ناکام، دلېڕاسەو سیەکانو سەڎەی ویسەمینە جە ڕاو #حسێن حوزنی موکریانی# جە موکریانۆ ئامان پەی پانیشتو کورڎەسانی، دماتەر دلې شارو سلېمانینە نیشتەجا بییەن، چەنی خاتو مەلېحە ڕەشیڎ ئەمینی جۊڵای هامسەرگیریش کەردەن، بەرهەمو هامسەرگیریشان پەڼج زاروڵې بە نامەکانو: شېرکۊ، نەرمینە، شەرمینە، سمکۊ، پشکۊ. سەروەختو مەرزیارەی کۊمارو مەهابادی، چەنی #ئیبراهیم ئەحمەڎ#ی مەگېڵانۆ پەی مەهابادی تاکو وڕارەی کۊماری چاگە مەنەنۆ.
ئیتر بە یەکجاری کۊچش کەردەن پەی پانیشتو کورڎەسانی و جە شارو سلېمانی نیشتەجا بییەن، ماوێ فرە چېگە مەنەنۆو دماتەر دوور وزیانۆ پەی پانیشتو ئېراقی، کۊمەڵێ نویستې و هۊرگېڵنێش هەنې.
ساڵەکانو کۊتا تەمەنیش دلې شارەکڵەو شەقڵاوې گوزەرنان، تاریخو #02-02-2011# کۊچی دمایینش کەردەن. [1]