$رۆژهەڵاتی کوردستان$
- حوکمی سێدارەی محێدین ئیبراهیمی، زیندانیی سیاسیی کوردی خەڵکی گوندی ئاڵکاوێی شاری #شنۆ#، لە لقی 19ی دیوانی باڵای وڵات پشتڕاست کرایەوە.[3]
- هاووڵاتییەکی کورد بە ناوی نادر فەیازی فەر کوڕی محەممەد خەڵکی گوندی مەلاعیسا سەر بە ناوچەی دەشتەبێڵی شنۆ، بۆ جێبەجێکردنی حوکمەکەی ڕەوانەی زیندانی #نەغەدە# کرا.[3]
- لە گوندی میراوای سەر بە شاری #بانە#، سێ جووتیار لەسەر نۆرەی ئاو بە شەڕ هاتن، یەکێک لە جووتیارەکان کوڕی جووتیارێکی دیکەی بە داس کوشت و جووتیارەکەشی بریندارکرد.[1]
- بەهۆی ئاگرکەوتنەوە لە دارستانەکانی ناوچەی بیلەنگە و گوڵی نێرگس لە داڵاهۆ، نزیک بە 150 هێکتار لە دارستانەکانی ئەو ناوچەیە سووتان.[3]
- مەلا عەبدولکەریم تاران، پێشنوێژی هەینیی گوندی برایم ئابادی شاری #میاندواو#، لەگەڵ خالق بەرجستە، کامەران توان و سلێمان زەند، لە ئەندامانی شورای ئەو گوندە بانگهێشتی ئیدارەی ئیتلاعات و دەسبەسەر کراون.[3]
- هێزەکانی سوپای پاسداران لە بەرزاییەکانی #قەندیل# لە سنووری #پیرانشار# تەقەیان لە چێودارێکی خەڵکی هەرێمی کوردستان کردووە وکوشتوویانە. هەواڵنێری هەنگاو لە پیرانشار ناسنامەی ئەو چێودارەی ”یووسف محەمەد عەبدوڵڵا ڕەش“ خەڵکی هەرێمی کوردستان ڕاگەیاندووە کە بە مەبەستی کڕینی مەڕ و ماڵات ڕووی لەو شوێنە کردبوو.[8]
$باشووری کوردستان$
- #وەزارەتی تەندروستی# حکومەتی هەرێم ڕایدەگەیەنێت، لەماوەی یەک هەفتەی ڕابردوودا 163 توشبووی #کۆرۆنا# لە هەرێم گیانیان لەدەستداوە.[2]
- وەزارەتی تەندروستیی هەرێمی کوردستان ئاماری تووشبوون و گیانلەدەستدانی بە ڤایرۆسی کۆرۆنا بڵاوکردەوە و ڕایگەیاندووە، 523 تووشبووی نوێ و 17 گیانلەدەستدان بە ڤایرۆسەکە تۆمارکراون.[1]=KTML_ImageCaption_Begin==KTML_StyleDiv=width:30%;height:20%;float:right;=KTML_ImageCaption_Target_Link=https://www.kurdipedia.org/files/relatedfiles/2020/385283/0001.JPG=KTML_ImageCaption_Title=پاش خۆپیشاندان، لە دەربەند دوو گەنجی خۆبەخش دەستیانکرد بە پاککردنەوەی شەقامەکان=KTML_ImageCaption_CaptionStyle=000000=KTML_ImageCaption_Caption=پاش خۆپیشاندان، لە دەربەند دوو گەنجی خۆبەخش دەستیانکرد بە پاککردنەوەی شەقامەکان=KTML_ImageCaption_End=
- بەڕێوەبەری پۆلیسی #هەڵەبجە# ڕایگەیاند لە خۆپیشاندانەکەی شەوی ڕابردووی هەڵەبجە، فەرمانگەی هاتووچۆی ناو شار و بەشێکی لە شارەوانیی هەڵەبجە سووتێنرا ون، بەرپرسی لقی پارتیش لە شارەکە دەڵێت تەقە لە بارەگاکەیان کراوە.[1]
- لە #چەمچەماڵ# خۆپیشاندان ڕوویدا و ئاگر لە شوێنە گشتییەکان کرایەوە.[8]
- #عەبدوڵڵا مەلا نوری# ڕایگەیاند، دەزگا ئەمنی و حیزبیەکانی دەسەڵات لە #گەرمیان# بە چەند چالاکێکی خۆپیشاندانەکانیان وتوە، کە لە #کەلار# گرژیی دروست دەبێت، واتا خودی دەسەڵات پلانیان بۆ دروستکردنی گرژیەکان داناوە.[2]
- بەڕێوەبەری هاتووچۆی پارێزگای هەڵەبجە ڕایگەیاند، بەهۆی سووتانی باڵەخانەی هاتووچۆی ناو شاری هەڵەبجە، زیاتر لە 30 ملیۆن دینار زیانیان پێگەیشتووە، سکاڵا لەسەر ئەو کەسانە تۆمار دەکەن کە باڵەخانەکەیان سووتاندووە.[1]
- بەرپرسی لقی 12ی #پارتی دیموکراتی کوردستان# ڕایگەیاند، ئەوانەی شەوی ڕابردوو هێرشیان کردووەتە سەر بارەگاکەیان خۆپیشاندەر نەبوون، بەڵکو چەکداربوون و چەندین جۆری چەکیان پێ بووە.[2]
- 24 ئەندامی پەرلەمانی کوردستان لەیاداشتێکدا داوا دەکەن سەرۆکی حکومەت جێگرەکەی و وەزیری داریی لەبەردەم پەرلەمانی کوردستان ئامادە بن بە مەبەستی لێپرسینەوەیان لەسەر لێبڕینی موچە.[2]
- لەکۆبوونەوەیەکی سەرۆکایەتی حکومەتدا تایبەت بە#وەزارەتی پێشمەرگە# بڕیار لەبارەی پلە بەرزکردنەوەی پێشمەرگە درا.[5]
- #قوباد تاڵەبانی# جێگری سەرۆکی ئەنجومەنی وەزیران، لە ڕێگەی ڤیدیۆ کۆنفرانسەوە، سەرپەرشتی کۆبوونەوەی لیژنەی باڵای پڕۆژەی گەشتیاری #دوکان#-ی کرد، کە پڕۆژەیەکی گەشتیاری ستراتیجییە و دە کە وێتە قە زای دوکانی سە ڕ بە پارێزگای سلێمانی. لە کۆبوونەوەکەدا، کە #فاروق مەلا مستەفا# خاوەنی کۆمپانیاکانی فاروق گروپ لەگەڵ لایەنە پەیوەندیدارەکان، بەشداربوون، گفتووگۆ کرا لەبارەی چۆنییەتی بەڕێکردنی ڕێکارە یاسایی و کارگێڕییەکان بۆ ئەوەی بتوانرێت لەماوەی داهاتوودا دەستبکرێت بە جێبەجێ کردنی ئەو پڕۆژە ستراتیجییە نیشتمانییە.[6]
- نەریمان ئەحمەد، ئەندامی دەستەی هاوسەرۆکایەتیی #تەڤگەری ئازادیی کۆمەڵگەی کوردستان# ڕایگەیاند: ماوەی چوار ڕۆژە ئەندامێکمان لە شاری #هەولێر# بەناوی ماهیر عەزیز بێسەروشوێن بوو، دوای ئەنجامدانی لێکۆڵینەوە بۆمان دەرکەوت لەلایەن ئاسایشی پارتییەوە دەستگیرکراوە.[7]
- ڕێکخراوی تەندروستی جیهانی بەهەماهەنگی بەڕێوەبەرایەتی تەندروستی #سلێمانی# 300 هەزار ماسک دەبەخشێتە هاوڵاتییان.[2]
- تەقینەوەیەک لەگەڕەکی قادسیەی #کەرکووک# ڕوویداو بەهۆیەوە ژمارەیەک هاووڵاتی برینداربوون.[5]
- فەرماندەی ئۆپەراسیۆنە هاوبەشەکانی کەرکووک بانگهێشتی عەمید هەڤاڵ عەبدولموحسین بەرزنجی، بەڕێوەبەری بنکەی پۆلیسی عرووبەی کرد و دوای ڕۆیشتنی بۆلای فەرماندەییەکه، بە پاساوی کەمتەرخەمیی لەو تەقینەوەی ئەمڕۆ لە کەرکووک ڕوویداوە دەستبەسەر کرا.[6]
- #مەسرور بارزانی#، سەرۆکی حکومەتی هەرێم لە پەیوەندییەکی تەلەفۆنیدا لەگەڵ سەرپەرشتیاری ئیدارەی گەرمیان، ڕایگەیاند: کەسانێک هانی خەڵک دەدەن بۆ تێکدان و سوتاندنی موڵکی گشتی و نانەوەی پشێوی، ئەو ڕەفتارانەش تاوانن و پێویستە ڕێکاری یاسایی بەرامبەر بە ئەنجامدەرانیان بگیرێتەبەر.[2]
- ژمارەیەک پەرلەمانتاران لەداواکارییەکدا داوای پرساندنی سەرۆکایەتی حکومەتی هەرێمی کوردستان و وەزیری دارایی دەکەن.[5](بڕوانە فایلی پەیوەندیدار)
- کاتژمێر (6:30)ی ئێوارەی ئەمڕۆ لەگەڕەکی بارزان لە#سۆران# ئاگرێک لەماڵێک کەوتەوە و زیانی گیانی و ماڵی بەدواوەبوو. ئافرەتێکی ماڵەکە بەناوی ڕووناک محەممەد (تەمەن 30) ساڵ گیانی لەدەستدا و زیانێکی زۆری ماڵیشی لێکەوتەوە.[6]
$رۆژئاوای کوردستان$
- دەستەی تەندروستیی بەڕێوەبرایەتیی خۆسەر لە ڕۆژئاوای کوردستان ئاماری ڕۆژانەی تایبەت بە ڤایرۆسی کۆرۆنای بڵاوکردەوە و ڕایەگەیاند، سێ تووشبووی دیکەی ڤایرۆسەکە گیانیان لەدەستداوە.[1]
- سوپای تورک و چەتەکانی بەردەوامی بە هێرشەکانی بۆ سەر خەڵکی مەدەنی #عەفرین# دەدات. داگیرکەران 11 هاوڵاتی مەدەنیان ڕفاند.[4]
$دەرەوەی کوردستان$
- ناوەندیی ئاماری ئێران، داتاکانی پەیوەست بە ڕێژەی هەڵاوسانی لە مانگی خەرمانان (21ی تەممووز تاوەکو 22ی ئاب)، بڵاوکردەوە. بەپێی ناوەندەکە ڕێژەی هەڵاوسان لە خەرمانانی ئەمساڵ بەراورد بە خەرمانانی ساڵی ڕابردوو بە ڕێژەی ٪30.4 بەرزبووەتەوە.[1]
- هێزەکانی ئەمریکا لە بنکەی سەربازیی تاجی دەکشێنەوە. ئەو هەنگاوە بەشێکە لە بەرنامەی ئەمریکا بۆ کەمکردنەوەی هێزەکانی لە عێراق.