$باکووری کوردستان$
- لە شاری #ئامەد#، خۆپیشاندانێکی جەماوەری بۆ ئازادیی #عەبدوڵڵا ئۆجەلان#، ڕێبەری #پەکەکە# بەبۆنەی ڕۆژی جیهانیی ئاشتییەوە بەڕێوەدەچێت.[1]=KTML_Photo_Begin=https://www.kurdipedia.org/files/relatedfiles/2018/152230/0010.JPG=KTML_Photo_Alt=ئامەد، خۆپیشاندانێکی جەماوەری بۆ ئازادیی عەبدوڵڵا ئۆجەلان بەڕێوەدەچێت=KTML_Style=width:30%;height:20%;float:right;=KTML_Photo_Target_Link=https://www.kurdipedia.org/files/relatedfiles/2018/152230/0010.JPG=KTML_Photo_End=
- پلاتفۆرمی ڕەنج و دیموکراسیی چەولیک کە حیزب و ڕێکخراوە مەدەنییەکان و ژوورە پیشەیی و سەندیکاکانی تیادا ئەندامە، لە کاتی چوونیان بۆ بەشداریکردن لە کۆبوونەوەی جەماوەریی 1ی ئەیلول ڕۆژی جیهانی ئاشتی لە ئامەد، ڕێگرییان لێکرا.[6]
$رۆژهەڵاتی کوردستان$
- ئەمڕۆ 13هەمین فێستیڤاڵی شانۆی سەرشەقام-ی #مەریوان# دەستی پێکرد.[1]
- ئێوارەی دوێنێ ئاگر بەردرایە دارستانەکانی کەبیر کوی #ئیلام#. سەر لەبەیانیی ئەمڕۆ ئاگرەکە کۆنترۆڵ کراوە، بەڵام مەترسیی ئاگرکەوتنەوەی تر لە ئارادایە. لەو ئاگرەدا ڕووبەڕێکی بەرفراوان لە دارستانە چڕەکانی ناوچەی مەلەکشاهی سوتاوە.[6]
- کۆڵبەرێکی کوردی خەڵکی شاری #بانە#، بە تەقەی هێزە نیزامییەکانی حکوومەتی بوو بە قوربانیی ژیان. شوناسی ئەو کۆڵبەرە کوردە، بە ناوی #مەحمود کتابی#، تەمەن 30 ساڵ، خەڵکی شاری بانە، ڕاگەیەندراوە.[7]
$باشووری کوردستان$
- لە ڕێوڕەسمێکدا پرووسکی 13 ئەنفالکراو لە قەڵای نزارکێ لە #دهۆک# دەنێژرێن.[1]=KTML_Photo_Begin=https://www.kurdipedia.org/files/relatedfiles/2018/152230/0001.JPG=KTML_Photo_Alt=لە چالاکییەکانی ئەمڕۆ: 01-09-2018=KTML_Style=width:30%;height:20%;float:right;=KTML_Photo_Target_Link=https://www.kurdipedia.org/files/relatedfiles/2018/152230/0001.JPG=KTML_Photo_End=
- شەوی ڕابردوو، بوومەلەرزەیەک بە گوڕی 4.5 بە پێوەری ڕێختەری شاری #قەسری شیرین#ی لە پارێزگای #کرماشان# لە ڕۆژهەڵاتی کوردستان هەژاند. لەلایەکی ترەوە بەرەبەیانی ئەمڕۆ بوومەلەرزەیەک بە گوڕی 4.9 سنوور تازەئابادی لە کرماشان هەژاند.[2]
- ئەمڕۆ کاتژمێر 9:15 خولەک جارێکی دیکە فڕۆکە جەنگییەکانی دەوڵەتی تورک دەستی بە بۆردوومانکردنی ناوچەکانی (ئاڤاشین، گەلی باڵندە، کوڕەژارۆ)ی هەرێمی بادینان-ی سەر بە هەرێمەکانی پاراستنی مەدیایان کرد.[3]=KTML_Photo_Begin=https://www.kurdipedia.org/files/relatedfiles/2018/152230/0002.JPG=KTML_Photo_Alt=لە چالاکییەکانی ئەمڕۆ: 01-09-2018=KTML_Style=width:20%;height:20%;float:left;=KTML_Photo_Target_Link=https://www.kurdipedia.org/files/relatedfiles/2018/152230/0002.JPG=KTML_Photo_End=
- باڵەخانەیەکی بازرگانی لە #هەولێر# گڕیگرت.[1]
- بەبۆنەی ڕۆژی جیهانیی ئاشتییەوە لە شاری هەولێر و شارەدێی #تەقتەق# چالاکیی بەڕێوەچوون و تیایدا گۆشەگیریی سەر عەبدوڵا ئۆجالان، ڕێبەری پەکەکە شەرمەزارکرا و داوای ئازادکردنیشی کرا.[3]
- ڕێکخراوی هۆریزن، بە هاوکاری کۆمەڵێک گەنجی خۆبەخش، پڕۆژەی هەزار خەندەیان لە شاری #سلێمانی# ڕاگەیاند، بەمەبەستی کۆکردنەوەی هاوکاری بۆ پێدانەوەی قەرزی هەزار ماڵی کەمدەرامەت. بۆ ئەم چالاکییەش چین و توێژە جیاجیاکان پاڵپشتی خۆیان نیشانداوە.[5]
$رۆژئاوای کوردستان$
- لە بەردەم ناوەندێکی چەتەکان لە شاری عەزاز ئۆتۆمبێلێکی بۆمبڕێژکراو تەقییەوە، ئەنجامەکەی کوژراو و برینداری لێکەوتەوە.[3]
- لە دەروازەی چوونە ژوورەوە بۆ #عەفرین# ئۆتۆمبێلێکی بۆمبڕێژکراو تەقیوەتەوە. بەهۆی تەقینەوەی ئۆتۆمبێلە بۆمبڕێژکراوەکە زیانێکی زۆر بە ناوچەکە گەیشتووە.[6]
$دەرەوەی کوردستان$
- میدیاکانی ئیسرائیل ئاشکرایانکرد، سوپای ئیسرائیل چەند هەفتەیەکە ئاگاداری گواستنەوەی موشەکە لە ئێرانەوە بۆ عێراق.[4]
- ئاژانسی هەواڵی ڕۆیتەرز بڵاویکردۆتەوە، حکومەتی توکیا بەنیازە لەمڕۆوە بڕی نرخی کارەبا بۆ کەرتە پیشەسازییەکان 14% و بۆ هاوڵاتیانیش 9% زیادبکرێت.[4]

ناوەندی ڕاگەیاندن و چاپەمەنیی هێزەکانی پاراستنی گەل (#هەپەگە#) بڵاویکردەوە، گەریلاکانیان لە ناوچەی گەڤەری جۆلەمێرگ 2 چالاکیی سابوتاژ و چالاکییەکی تریشیان بە قەناس ئەنجامداوە و بە لانیکەمەوە لەو چالاکییانەدا 2 سەرباز کوژراون.
راشیگەیاندووە، سوپای تورکیا لە چەندین ناوچەی جۆلەمێرگ و شرنەخ دەستی بە ئەنجامدانی ئۆپراسیۆن کردووە. لە دژی هەندێک ناوچەی #دهۆک# لە باشووری کوردستان و هەرێمەکانی پاراستنی مەدیاش هێرشی ئاسمانی ئەنجام دەدات.
دەقی ڕاگەیاندراوەکەی هەپەگە
'2 چالاکیی سابوتاژ و چالاکییەکی یەکەی قەناس بەدەست'
هێزەکانمان لە چوارچێوەی هەڵمەتی شەهید پیرۆز و شەهید ئاگریدا نیوەڕۆی ڕۆژی 31ی ئابی 2018 لە نێوان بنکەی سەربازیی خرڤات و مەیدان بەلەک لە ناوچەی گەڤەری جۆلەمێرگ و لە کاتی تێپەڕبوونی ئۆتۆمبێلێکی سەربازیدا، چالاکییەکی سابوتاژیان ئەنجامدا و بەلانیکەمەوە لەو چالاکییەدا سەربازێک کوژرا. دوای ئەو چالاکییە و کاتێک هێزەکانی سوپای تورکیا هێزی پشتیوانیان بەرەو شوێنی ئۆپراسیۆنی بەرێڤارک ڕەوانەکردووە و لەو کاتەشدا گەریلا چالاکییەکی تری سابوتاژی لە دژیان ئەنجامدا. لەو چالاکییەشدا سەربازێکی دوژمن کوژرا و چەندین سەربازی تریش برینداربوون.
هەر لەو ڕۆژەدا و کاتژمێر 09:10 دا هێزەکانمان لە چوارچێوەی هەڵمەتی شۆڕشگێڕیدا لە چارچێلا لە دژی سەربازانی تورکیا لە گردی مەجلیس چالاکییەکیان بە قەناس ئەنجامدا و بەو هۆیەوە سەربازێک کوژرا.
2 کەس ڕادەستی هێزەکانی تورکیا بوون
29ی ئابی 2018 و لە کاتژمێر 12:30 دا لە گوندی هەرنکێ لە ناوچەی گەڤەری جۆلەمێرگ 2 کەس بە ناوی خوێنڕێژ (عیسا ئەشکان) و فرات (فۆژدان کارکەر) خۆیان ڕادەستی هێزەکانی دوژمن کردووە.
ئۆپراسیۆنی سەربازی و هێرشی ئاسمانی
سوپای کۆماری تورکیای داگیرکەر ڕۆژی 24ی ئاب لە بەرێڤارک لە بێشەبابی شرنەخ، لە فاراشین، لە چالیان و ترشین لە پایزئاڤای وان و لە دۆڵی لێڤنێ لە جۆلەمێرگ دەستی بە ئەنجامدانی ئۆپراسیۆن کردووە و تاوەکو ئێستاش ئۆپراسیۆنەکان بەردەوامەن.
فڕۆکە جەنگییەکانی سوپای کۆماری تورکیای داگیرکەر هێرشی ئاسمانییان کردە سەر ناوچەکانی پاراستنی مەدیا. ڕۆژی 31ی ئاب و لە کاتژمێر 13:00 بۆ 14:00 لە هەرێمی زاپ گوندەکانی ساجا، ڕەنچبەر ئاغا، ئاگرێ نەکیپ و هەروەها ناوچەی خواکورکیان بۆردومانکرد.
هەر لەو ڕۆژەدا و لە کاتژمێر 16:30 فڕۆکە جەنگییەکانی تورکیا دەورووبەری گوندی زاوێتێ لە دهۆک و ناوچەی قیامەت-یان بۆردومانکرد. بەهۆی ئەو بۆردومانەوە ئاگر بەربوویە باخ و ڕەز و لەوەڕگە و پاوانەی ناوچەکە و ئەو ئاگرەش تاوەکو ئێستا بەردەوامیی هەیە.[1]
#01-09-2018#