$باشووری کوردستان$
- ڕوودانی شەڕی #بەردەرکی سەرا# لە شاری #سلێمانی#، کە لە ئەنجامی خۆپیشاندانێکەوە بوو و بووە هۆی کوژرانی چەند کەسێک، لەوانە #عەولە سیسی چایچی#، #عەلە گون سووتاوی چایچی#، #حەمە قالەی ئەشغال#، #محەی خولە درێژ#، #ئەحە ڕەشی حەسەنی دەروێش#، #مستەفا بەگی فەتاح بەگ#، #سەعید حەمەی ئامێ#، #عەزیزی مامە حەمە#، #حەمە چاوشین#، #عەلی سیوجگەر#، ئەحمەد نێوێک و #هەلۆ بەگ#. هەندێکیش گیران لەوانە #بێکەس#ی شاعیر، تۆفیق قەزاز، عەزمی بەگی بابان، شێخ قادر شێخ سەعید حەفید، عیزەت بەگی وەسمان پاشا، شێخ محەمەدی گوڵانی، حەمەئاغای ئەورەحمان ئاغا، حەمەێاڵح بەگی حەمە عەلی بەگ، مەجید ئەفەندی، ڕەمزی فەتاح، عەبدولرەحمان ئاغای ئەحمەد پاشا، فایەق بەگ. بەهۆی ئەم خۆپیشاندانەوە بارودۆخی سلێمانی و دەوروبەری بۆ ماوەیەک تێکچوو.[1][2][3][4][5][6]

ناونیشانی پەڕتووک: پەندەکانی ڕاپەڕینە خوێناوییەکەی 06-09-1930
ناوی نووسەر: #حوسێن محەمەد عەزیز#
شوێنی چاپ: #سلێمانی#
ساڵی چاپ: چاپی یەکەم 2022

بەرهەمێکی نوێی نووسەر کەوتە بازاڕەوە!
ئەم بەرهەمە نوێیە، لە دووتوێی (82) لاپەڕە دایە. شایانی باسە، ئەمە نوێترین بەرهەمی ئەم ساڵی (2022) نووسەرە. تا ئێستەش بە گشتیی، (48) بەرهەمی لە بوارە جیاجیاکانی (زمانەوانیی، وێژەیی، ڕۆژنامەوانیی، یاد و بیرەوەریی، ساتیر، مێژوو، جوگرافیا و جیۆپۆلێتیک، کۆمەڵایەتی، ڕامیاریی و نەتەوەیی)دا بڵاوکردووەتەوە، بە هەمووشی (318. 11) لاپەڕەی نووسیوە.
بەرهەمەکە باسێکی کورتی، هۆ و ئەنجامەکانی ڕاپەڕینە مێژووییە خوێناوییەکەی، کۆمەڵانی خەڵکی شاری (سولەیمانیی) دەکا، ساڵی (1930)، لەبەردەرکی سەرای شار ڕوویداوە، دژی هەردوو دەسەڵاتی داگیرکەری ئینگلیز و دەوڵەتی (عێراق) بەرپابووە.
بە شێوەیەکی گشتیی، ئەم زنجیرە باسەی لە دووتوێی ئەم پەرتووکە دایە، پێوەندییەکی گرنگی توندوتۆڵ و ڕاستەوخۆی، بە باری ژیانی کۆمەڵانی خەڵک، ڕەوشی نەتەوەیی و ڕامیاریی (کوردستان)ەوە هەیە. بۆیە چەن پرسیارێ خۆی دەسەپێنێ:
ئەم ڕاپەڕینە بۆچی ڕوویدا؟ کێ هانی ڕۆڵەکانی گەلی دا ڕاپەڕن؟! کێ سەرپەرشتیکرد؟! کێ بەشداریی تێدا کرد؟! داوای چییان دەکرد؟! ئەنجامەکەی چی بوو؟!
هەڵبەتە ئەم بەرهەمە، زۆر بەڕاشکاویی، وەڵامی هەموو ئەو پرسیارانە دەداتەوە.
لێرەدا بەشێکی پێشەکی بەرهەمەکەتان پێشکەشدەکەین.
(شاری سولەیمانیی، وەک دڵە گەورەکەی کوردستان وایە. چونکە کانگەی کوردایەتیی و خەباتە. هەر وەک هۆنەری نیشتمانپەروەری کوردیش کامەران موکری گوتوویەتی: شاری هەڵمەت و قوربانییە. بەردەرکی سەرای شاریش، گۆڕەپانی گردبوونەوە و خۆپیشاندانەکانە، لەنێو دڵە گەورەکەی شاردا دەژی، تەواوکەری یەکدین و بێ یەکدی هەڵ ناکەن! بۆیە تا شاری سولەیمانیی و کورد بمێنێ، بەردەرکی سەراش، بە خۆی و ڕووداوە خۆش و ناخۆشەکانییەوە، بە خۆی و هەڵمەت و قوربانییەکانییەوە، بە خۆی ڕۆژە سوورە خوێناوییەکانییەوە، ناوی لە لاپەڕەکانی مێژوودا ناکوژێتەوە!)
تێبینی:
ئەم بەرهەمە، لە پەرتووکخانەکانی (ڕەهەند، غەزەلنووس، جەمال عیرفان) و هێندێ کیوێسکی بەردەرکی سەرا دەسدەکەوێ. [1]