$باکووری کوردستان$
- میدیاکانی تورکیا بڵاویانکردەوە، گەریلاکانی #هەپەگە# لە دژی بنکەی جەندرمە لە گۆکلو لە ناوچەی خەلفەتیی پارێزگای ڕحا چالاکییەکیان ئەنجامداوە و لەو چالاکییەدا 2 سەرباز بریندار بوون.[2]
$باشووری کوردستان$
- کۆمیتەی شەهیدانی #پەکەکە#، کۆمەڵکوژکراوانی هەولێر بەبیردەهێنێتەوە و دەڵێت: 21 ساڵ داواکاریی بێ وەڵام لەبارەی بێ سەروشوێنبوونی ئەو هەڤاڵانەمانەوە، ئەوە دەگەیەنێت، کە دامودەزگاکانی حکومەت هیچ توانایەکیان نییە و ئەم دەسەڵاتەش لە خزمەتی هێزەکانی داگیرکەراندانیە.[1]=KTML_Photo_Begin=https://www.kurdipedia.org/files/relatedfiles/2018/147933/0006.JPG=KTML_Photo_Alt=مۆزەخانەی هونەری هاوچەرخ لە سلێمانی دەکرێتەوە=KTML_Style=width:30%;height:20%;float:right;=KTML_Photo_Target_Link=https://www.kurdipedia.org/files/relatedfiles/2018/147933/0006.JPG=KTML_Photo_End=
- شەوی ڕابردوو لەگەڕەکی شۆرجەی کەرکووک لەکاتی ئاهەنگگێڕانی هاوڵاتیانی کورد بەبۆنەی بەدەستهێنانی زۆرینەی دەنگەکانی شارەکە، هێزەکانی دژەتیرۆری عێراق تەقەی هەڕەمەکیان لە ئاهەنگگێڕان کرد و بەهۆیەوە منداڵێک بەناوی هەرێم غەمگین تەمەنی 6 ساڵ گیانی لەدەستدا، باوکیشی بەسەختی برینداربوو.[3]
- #ئایدن مەعروف# پەرلەمانتاری #بەرەی تورکمانی# لە پەرلەمانی کوردستان لەکۆنگرەیەکی ڕۆژنامەوانیدا ڕایگەیاند هەڵبژاردن ساختەکاری تێدا کراوه و داواکاری ئێمە ڕەتکردنەوەی هەڵبژاردن نییە، بەڵکو هەژمارکردنەوەی دەنگەکانە بەدەستی، لەهەرێمی کوردستان و #کەرکووک#یش.[3]
- وتەبێژی #بزووتنەوەی گۆڕان# ڕایگەیاند، ئەگەر ئەنجامی هەڵبژاردنەکان هەڵنەوەشێتەوە و هەڵبژاردن دووبارەنەکرێتەوە، ئەوا لە پڕۆسەی سیاسی عێراق دەکشێنەوە.[3]
- #نێچیرڤان بارزانی# لەبارەی نیگەرانی شەش لایەنی کوردستانی لە ئەنجامی هەڵبژاردن گوتی: ئەو شەش لایەنەی نیگەرانی خۆیان دەربڕیەوە لەپرسی هەڵبژاردن لە سلێمانی و کەرکووک، بۆ تەواوکردنی قافیەی شیعرەکەیان هەولێر و دهۆکیشیان تێخستووە، بەڵام هەر نیگەرانییەک هەیە دەبێت بڕەوێتەوە، نیگەرانی ئەو شەش لایەنە بە جدی وەردەگرین و وەک سەرۆکوەزیران داوا لە کۆمیسیۆن دەکەم زۆر بە جدی کاری لەسەر بکات.[4]
- ئەنجومەنی کۆمسیارانی کۆمسیۆنی باڵای سەربەخۆی هەڵبژاردنەکان لە عێراق ئەمڕۆ لە بەیاننامەیەکدا ڕایگەیاند، کۆمسیار دکتۆر #سەعید کاکەیی# هەڕەشەی کوشتن لە خۆی و خێزانەکەی کراوە لەلایەن یەکێک لە لایەنە سیاسیە زەرەرمەندەکان لە ئەنجامی هەڵبژاردنەکان. دەشڵێت، بەپێی یاسا دەنگەکان بەدەست هەژمارناکرێن.[3]
- لیستە کوردییەکانی پارێزگای دیالە نزیکەی 45 هەزار دەنگیان لە #خانەقین# و دەوروبەری بەدەستهێناوە، بەڵام بەهۆی ئەوەی کە دەنگەکانیان بەسەر کۆمەڵێک لیستی جیاوازدا دابەشبووە، مەترسی ئەوە هەیە بەهۆی سیستەمی سانتلیگۆ کورد نەتوانێت لەو پارێزگایە هیچ کورسییەک بەدەستبخات.[4]
- ڕاوێژکارێکی #وەزارەتی ناوخۆ# ڕایگەیاند، تاوەکو ئێستا بزووتنەوەی گۆڕان داوای مۆڵەتی دروستکردنی هێزی چەکداری نەکردووە. گوتیشی دروستکردنی هێزی چەکداری لەلایەن هەر هێزێکەوە بێت ڕێگەپێدراو نییە.[4]
$رۆژئاوای کوردستان$
- شەوی ڕابردوو لەسەر سنوورەکانی نێوان ڕۆژئاوا و باکوری کوردستان لە نزیک #قامیشلۆ#، ئۆتۆمبێلێک تەقییەوە، بەگوێرەی زانیارییەکان شۆفیری ئۆتۆمبێلەکە و هاوڵاتییەکی دیکە گیانیان لە دەستدا.[1]
کوردیپێدیا، ڕۆژانە (بێلایەنانە) مێژووی کوردستان تۆماردەکات...