$باکووری کوردستان$
- سەرەڕای گەمارۆکانی پۆلیس بە سەدان ئەندامی #هەدەپە# و هاووڵاتیانی ئامەد بەیانی ئەمڕۆ کۆبوونەوەیان ئەنجامدا. گەل خۆیان گەیاندە بەندەکانی کۆنتڕۆڵی پۆلیس کە لەسەر ڕێگەی شارەوانی دانرابوون و بە وتنەوەی دروشم ناڕەزایەتی خۆیان نیشاندا. پۆلیسی تورکیش هێرشی کردەسەر چالاکوانان.[2]
$رۆژهەڵاتی کوردستان$
- لقی 102ی دادگای کەیفەریی 2ی شاری #پیرانشار#، هاووڵاتییەکی بە ناوی سەید ئیدریس کەسرەوی، خەڵکی گوندی نەمنجێ و دانیشتووی شاری پیرانشار، بە 7 ساڵ زیندانیی تەعزیری مەحکووم کرد.[4]=KTML_ImageCaption_Begin==KTML_StyleDiv=width:30%;height:20%;float:right;=KTML_ImageCaption_Target_Link=https://www.kurdipedia.org/files/relatedfiles/2019/346229/0011.JPG=KTML_ImageCaption_Title=سەید ئیدریس کەسرەوی=KTML_ImageCaption_CaptionStyle=000000=KTML_ImageCaption_Caption=سەید ئیدریس کەسرەوی=KTML_ImageCaption_End=
- کاسبکارێکی کورد بە ناوی محەممەد حەمیزادە کوڕی یوونس، خەڵکی گوندی ماتەخرپەی شاری #سەڵماس#، بە تەقەی هێزەکانی سپای پاسداران، لە بەرزاییەکانی کێلەشێندا گیانی لەدەست دا.[4]
$باشووری کوردستان$
- شاندێک کە لە ئەندامێکی پارتی SUP، چالاکوانێک، چالاکوانێکی بواری ژینگە و پارێزەرێکی هەرێمی کەتەلۆنیایی وڵاتی ئیسپانیا پێکهاتبوون سەردانی کامپی پەنابەرانی #مەخموور#یان کرد و لەلایەن ڕێکخراوی پەیوەندییەکانی دەرەوەی کامپەکە، ئەنجومەنی عەشتار و ئەنجومەنی مەخمور پێشوازییان لێکرا. شاندەکەی کەتەلۆنیا لە گەڵ ئەندامانی ڕێکخراوی پەیوەندییەکانی دەرەوەی کامپەکە لەسەر مێژوو، سیستمی کامپەکە، پەنابەری، هێرشەکان و گەمارۆی سەر کامپەکە گفتۆگویان کرد.[3]
$دەرەوەی کوردستان$
- یەکێتی ئەوروپا ڕایدەگەیێنێت، نیگەرانن لە دوورخستنەوەی سەرۆک شارەوانییەکانی #ئامەد#، #وان# و #مێردین# و ئەو کردەوەیە ڕێزگرتن لە ئەنجامی هەڵبژاردنەکانی 31ی ئادار دەخاتە ژێر پرسیارەوە.[1]
- سەرلەبەیانیی ئەمڕۆ پۆلیس لە ئیستانبول هەڵیانکوتایە سەر ماڵی #شەڤین ئالاجا# هاوسەرۆک شارەوانیی قەرس. ئالاجا لەوبارەیەوە ڕایگەیاند، پۆلیس ئەم بەیانییە هەڵیکوتایە سەر ماڵەکەم و تاوەکو ئێستاش هۆکاری هەڵکوتانەکەیان بۆ ڕوون نەکردوومەتەوە.[2]
کوردیپێدیا، ڕۆژانە (بێلایەنانە) مێژووی کوردستان تۆماردەکات...