- هێزی پێشمەرگەی کوردستان بەرەبەیانی ئەمڕۆ لە میحوەرەکانی تلسقۆف و ناوەران و باشیک هێرشی بۆ سەر داعش دەستپێکرد، لە چوارەم ڕۆژی ئۆپەراسیۆنی ڕزگارکردنی موسڵدا نزیکەی 20 هەزار پێشمەرگە بەشدارە.
- هێزی پێشمەرگەی کوردستان گەیشتە ناو گوندی ناوەران و فڕۆکەیەکی بێ فڕۆکەوانی داعشیشی لەو میحوەرە خستە خوارەوە.
- بەهۆی تەقینەوەی بۆمبێکی چێنراو ئەفسەرێکی هێزەکانی پێشمەرگەی زێرەڤانی بە ناوی (حەمید پیرۆموس) بە پلەی عەقید و پاسەوانێکی لە میحوەری ناوەران شەهیدبوون.
- لەکاتی ڕووماڵکردنی ئۆپەراسیۆنی هێزەکانی پێشمەرگە لە دژی داعش لە میحوەری تلسقوف پەیامنێرێ کەناڵی وار بەناوی (ئاریان بەرواری) برینداربوو، بەلام برینەکەی سەخت نییە.
- پەکەکە لەنزیک شارۆچکەی چەلێ هێرشیان کردەسەر کۆمەڵێک سەربازی تورکیا کە خۆیان بۆ ئەنجامدانی ئۆپەراسیۆنی سەربازی لە ناوچەکە ئامادەدەکرد. لەو هێرشەدا 2 سەربازی تورکیا کوژران و 5 سەربازی دیکەش برینداربوون.
- فڕۆکە جەنگییەکانی تورکیا لە باکوری شاری حەلەب ناوچەکانی ژێر کۆنتڕۆڵی شەرڤانانی هێزەکانی سوریای دیموکراتی بۆردومانکردو بەوتەی سوپای ئه و وڵاتە بەهۆیەوە 160 بۆ 200 شەڕڤان گیانیان لەدەستداوە.
- لەکاتی تەقینەوەی ئۆتۆمبێلێکی بۆمبڕێژکراوی داعش لە میحوەری ناوەران پەیامنێری کەناڵی سپێدە (یاسر عەبدولرەحمان) و وێنەگرەکەی (هەجەر بەرواری) لەگەڵ چەند پێشمەرگەیەک برینداربوون.
- شەوی ڕابردوو چەتەکانی داعش حەوت گوندیان لە سنوری شارەدێی گیارە و شارۆچکەی مەخمور چۆڵکرد و پاشەکشەیان کرد.
- تۆپخانەکانی سوپای تورکیا کە لەسەر سنوری کانتۆنی عەفرین لە ڕۆژئاوای کوردستان جێگرکراون لە شەوی ڕابردووەوە تا بەیانی ئەمڕۆ چەندین گوندیان لەو سنوری تۆپباران کردووە.
- ئەمڕۆ لە چوارەم ڕۆژی ئۆپەراسیۆنی موسڵ-دا، کە هێزی پێشمەرگە لە میحوەری باشیک و تەلسقۆف لە باکوری موسڵەوە دەستیپێکرد، چوار پێشمەرگەی خەڵکی شارۆچکەی سۆران شەهیدبوون.
- حکومەتی هەرێمی کوردستان وەڵامی ڕێکخراوی ئەمنستی ئینتەرناشناڵ دەداتەوە کە هەرێمی تۆمەتبارکردبوو بە ئەنجامدانی "پێشێلکاری ترسناک" بەرانبەر ئەو کەسانەی لەدەستی داعش هەڵدێن.
- عەبدولواحید محەمەد ساڵح، دکتۆر و بانخوازی ئیسلامی ئەمڕۆ لە هەولێر، لە هۆتێل ڕۆتانا، لە کۆنفراسێک کە سەبارەت بە شێرپەنجە ساز کرابوو، وەدەر نرا، چونکە بۆ ڕێزلێنان لە خوێنی شەهیدان و لە مارشی ئەی ڕەقیب هەڵنەسابووە سەر پێ.
کوردیپێدیا، ڕۆژانە (بێلایەنانە) مێژووی کوردستان تۆماردەکات...