$باکووری کوردستان$
- ئەمڕۆ پۆلیسی تورکیا هەڵیکوتایە سەر چەندین ماڵی هاووڵاتییان و سیاسەتمەدارانی کورد لە قەرس و چەندین کەسی دەستگیرکرد. ناوی سیاسەتمەدارە دەستگیرکراوەکان: شافاک ئۆزالن پەرلەمانتاری پێشووی #هەدەپە#، جەنگیز ئالانی هاوسەرۆکی دەبەپە لە شاری قەرس، ئەکرەم ساڤجی هاوسەرۆکی هەدەپە لە شاری قەرس، جەنگیز تۆپباشی هاوسەرۆکی پێشووی هەدەپە لە شاری قەرس، حەیاتی مەتمەت ئۆغڵو ڕاوێژکاری ئایهان بیلگەن سەرۆکی فراکسیۆنی هەدەپە لە پەرلەمانی تورکیا. ئەو کەسە دەستگیرکراوانە براون بۆ بەڕێوەبەرایەتیی ئاسایشی شاری قەرس.[5]
- لە #ئامەد# کۆنگرەی، ئامەد: کۆمەڵگە، مێژوو و ئابووری بەڕێوەدەچیت. لە کۆنگرەکەدا 130 پسپۆڕ و مامۆستای زانکۆ لە هەشت وڵاتی جیاواز تاوتوێی تایبەتمەندییەکانی ئامەد دەکەن.[2]
$رۆژهەڵاتی کوردستان$
- #کۆڵبەر#ێکی کورد بە ناوی ئەدیب حوسێنی خەڵکی گوندی بلوجوک سەر بە ناوچەی قوتوور لە شاری خۆی بە تەقەی ڕاستەوخۆی هێزە نیزامییەکانی حکوومەتی گیانی لە دەست دا.[7]
- کۆڵبەرێکی کورد بە ناوی موزەفەر حوسێنی تەمەن 35 ساڵ کوڕی عەلی خەڵکی گوندی گسیان سەر بە ناوچەی مەرگەوەڕی #ورمێ# لە کاتی کۆڵبەریدا بە هۆی سەرمابردوویی گیانی لە دەست دا.[7]
- پاش هەڵوەشاندنەوەی فێستیڤاڵی هەنار لە بەشی باینگان، ئەم جارەش فێستیڤاڵی هەنار لە گوندی داریان بە هۆی گوشاری پێشنوێژی هەینیی #پاوە# و ناوەندە حکوومەتییەکان هەڵوەشایەوە. ئەو ڕێوەرەسمە بڕیاربوو، ئەمڕۆ بەڕێوە بچێت و شوێنی ڕێوەڕەسمەکە نگین هورامان کە بەرپرسایەتی بەڕێوەچوونی ئەم ڕێورەسمە لە ئەستۆدا بووە، بە بڵاوکردنەوەی ڕاگەیاندراوێک، ڕایگەیاند: بە هۆی سرنج و تێبینیی هێندێک لە کەسایەتییەکان و نەدانی مۆڵەتی پێویست لە لایەن فەرمانداریی شاری پاوە و دەزگا پەیوەندییدارەکان، فێستیڤاڵی هەناری داریان هەڵوەشایەوە.[7]
$باشووری کوردستان$
- لە شەوی ڕابردووەوە، بەهۆی بارینی بارانێکی بەخوڕ لافاو لە شارەدێی #سمیلان# ڕوویدا و بەهۆیەوە بە دەیان کەس لە دانیشتووانی ناوچەکە ماڵەکانیان جێهێشت و پەیوەندی 14 گوندیش لەگەڵ سەنتەری ناحیەکە پچڕاوە.[1]=KTML_Photo_Begin=https://www.kurdipedia.org/files/relatedfiles/2018/155169/0008.JPG=KTML_Photo_Alt=حەوتەمین ماراسۆنی نێودەوڵەتی هەولێر بەرێوەچوو=KTML_Style=width:30%;height:20%;float:left;=KTML_Photo_Target_Link=https://www.kurdipedia.org/files/relatedfiles/2018/155169/0008.JPG=KTML_Photo_End=
- لە سنوری شارۆچکەی پشدەر لەکاتی سەرقاڵبوونی هاوڵاتیەک بە کۆکردنەوەی دار، لافاو لەگەڵ خۆیدا بردی و دوای دوو کاتژمێر و بردنی بۆ مەودای یەک کیلۆمەتر هاوڵاتیەکە ڕزگار کرا.[3]
- لە سنوری شارەدێی #سیدەکان# تەرمی دوو هاووڵاتی دۆزانەوە کە لافاو هێناونی و یەکێکیشیان ژنە. تەرمەکان نەناسراونەتەوەو ناشزانرێت کێن، چونکە بەهۆی لافاوەکەوە هیچ کەسێک لەناوچەکە گیانی لەدەستنەداوە، بەڵام پێدەچێت تەرمی ئەو کەسانە بێت کە پێشتر بەهۆی بۆردومانەکانی تورکیاوە شەهید بوون.[4]
- لافاوێکی بەهێز دۆڵی سورەدێی لە بناری #قەندیل#ی گرتەوە و هاوسەرۆکی شارەوانی بناری قەندیلیش دەڵێتلافاوەکە زیاتر 15 خانووی وێران کردووە دوو پردوو و دوو ئۆتۆمبێلیشی ڕاماڵیوە.[3]
- خاوەنی ئەو دوکانانەی بازاڕی لەنگەی #هەولێر# کە دوێنێ دوکانەکانیان سوتا، خۆپیشاندانیان دەستپێکردو داوا دەکەن بەهۆی ئەو زیانە زۆرەی بەریان کەوتووە قەرەبوو بکرێنەوە.[4]
- بەپێی ڕاپۆرتێک کە سایتی The daily mealی بریتانی بڵاو کردووتەوە شاری هەولیر پێنجەم شاری ئارامی جیهانە لە ڕووی سەردانی گەشتیارەوە لە کۆی 50 شاری ئارام لەسەرانسەری جیهاندا.[3]
- ئەمڕۆ ماراسۆنی نێودەوڵەتی هەولێر، لە ژێر درووشمی ئاشتی و ئارامی و ئاوەدانی لە ناوەندی هەولێر بە بەشداریی هەزاران کەس بەڕێوەچوو. ماراسۆنەکە لە سێ پێشبڕکێ پێکهات، پێشبڕکێی 42 کیلۆمەتری لە شەقامی 60 مەتری، دوو پێشبڕکێی دیکەش لە دەوری پارکی سامی عەبدولڕەحمان بە 12 کیلۆمەتری و چوار کیلۆمەتری بەڕێوەچوو. هاوکات دەیان ڕاکەری بیانی بەشدارییان لە ماراسۆنەکەدا کردووە، کە حەوتەمین ساڵە لە هەرێمی کوردستان ئەنجام دەدرێت.[6]
- سەرجەم گەشتەکانی فڕۆکەخانەی نێودەڵەوتی #سلێمانی# وەستان و بەڕێوەبەری ئه و فڕۆکەخانەیەش دەڵێت :بەهۆی خراپی کەشوهەواوە ناچاربووین سەرجەم گەشتەکان بوەستێنین.[3]
- بەڕێوەبەری فڕۆکەخانەی نێودەوڵەتی هەولێر لەبارەی ڕاگرتن و دووبارە دەستپێکردنەوەی گەشتەکان ڕاگەیاند، بەهۆی خۆڵبارینەوە بۆ ماوەی چەند کاژێرێک گەشتکردن لە فڕۆکەخانەکەمان وەستا و دواتر دەستیپێکردەوە.[2]
- بەڕێوەبەرایەتی هاتووچۆی هەولێر ئاگادارییەک بۆ هاونیشتمانیان و بە تایبەت شۆفێران بڵاودەکاتەوە و ڕایدەگەیێنێت، بەهۆی ڕەشەباوە یەکێک له تاوەرە سەرەکییەکانی کارەبای هەولێر لەڕێگەی سەرەکی هەولێر - #مەخموور# لە نزیک گوندی منارە کەوتووەتە خوارەوە و بەهۆیەوە یەکێک له سایدەکانی ڕێگە‌کە گیراوە، بەڵام وەکو چارەسەرێکی کاتی دیوەکەی دیکەی شەقامەکە کراوەته و شۆفێران دەتوانن بە وریاییەوە هاتووچۆ بکەن.[2]
- ئێوارەی ئەمرۆ لە گوندی گوڵمکەوە-ی سەر بەشارەدێی شوان-ی پارێزگای #کەرکووک#، شوانێکی بەنەتەوە عەرەب، کە تەمەنی 15 ساڵەو ناوی 'محمود فازل خەڵەف-ە' خنکا.[6]
- ئەمشەو، لەناو بازاڕی ئیسکانی شاری هەولێر تەقە لە ژن و مێردێک کراو پیاوەکە کوژرا.[3]
$دەرەوەی کوردستان$
- هەژدەمین جڤاتی گشتیی کەنەکە لە شاری بارلۆ-ی هۆڵەندا بەڕێوەدەچێت. کۆبوونەوەکە 3 ڕۆژ بەردەوام دەبێت و لە کوردستان و ئەوروو#پاوە# سەدان ئەندام بەشدارییان تێدا کردووە.[1]
- سەرۆکی ئەمریکا دەڵێت، هەنگاوەکانی ئیدارەکەی لە بەرامبەر حکومەتی ئێراندا کاریگەری گەورەیان هەبووە و گوتی: لە 5ی تشرینی دووەمدا تەواوی سزاکان بە سەر ئێراندا دەسەپێنینەوە.[2]
کوردیپێدیا، ڕۆژانە (بێلایەنانە) مێژووی کوردستان تۆماردەکات...