$رۆژهەڵاتی کوردستان$
- سەرلەبەیانی ئەمڕۆ، حوکمی ئێعدامی سێ زیندانیی، بە ناوەکانی سەلمان خان‌عەلیلو، زەینەب سکانوەند و حەسەن حاجیلوو، لە زیندانی #ورمێ# جێبەجێ کرا.[4]
$باشووری کوردستان$
- لە سەرجەم خوێندنگاکانی هەرێمی کوردستان بەبەشداری زیاتر لە ملیۆنێک و 700 هەزار خوێندکار زەنگی دەستپێکی ساڵی نوێی خوێندن لێدرا.[1]=KTML_Photo_Begin=https://www.kurdipedia.org/files/relatedfiles/2018/155148/0005.JPG=KTML_Photo_Alt=لە تۆڕە کۆمەڵایەتییەکانەوە: 02-10-2018، قوتابخانەی بانە بەوشێوەیە پێشوازی لە مناڵە چاوگەشەکانی کرد بۆ ئەمساڵی خوێند=KTML_Style=width:30%;height:20%;float:right;=KTML_Photo_Target_Link=https://www.kurdipedia.org/files/relatedfiles/2018/155148/0005.JPG=KTML_Photo_End=
- گوتەبێژی کۆمیسیۆنی باڵای هەڵبژاردن و ڕاپرسی دەڵێت، لە هەر شوێنێک ئیرادەی دەنگدەر لەژێر هەڕەشە و گوشاردا بووبێت، دەنگی ئەو بنکەیە پووچەڵدەکرێتەوە. دەشڵێت، ئەمڕۆ فۆرمی سەرجەم پارێزگاکان گەیشتوونەتە کۆمیسیۆن و لە داتابەیس تۆماردەکرێن بۆ ئەوەی بتوانین ئەنجامی بەرایی ڕابگەیێنین.[3]
- وتەبێژی دەزگای هەڵبژاردنی یەکێتی ڕایگەیاند، بەپێی ئه و ئامارانەی دەست ئێمە کەوتووە یەکێتی 24 بۆ 26 کورسی پەرلەمان بەدەستدەهێنێت و ئەگەر کۆمسیۆن بە وردی لەسکاڵاکانمان بکۆڵێتەوە گومانمان نیە کە ڕێژەی کورسییەکانمان زیاددەبێت.[5]
- فڕۆکەیەکی بێفڕۆکەوانی سوپای تورکیای داگیرکەر لە هەرێمەکانی پاراستنی مەدیا لەلایەن هێزەکانی گەریلاوە خرایە خوارەوە.[7]
- ​​​​​​​بۆ جاری یەکەم لە شارۆچکەی #کەلار#، بەناونیشانی 'مافی خۆمە خەونەکانم بەدی بهێنم' شانۆیەکی سەرشەقام نمایشکرا.[6]
- بەهۆی تەقەی خۆشییەوە لە شارۆچکەی #چەمچەماڵ# پیاوێکی تەمەن 47 ساڵ گیانی لەدەستدا و لە شارەزوریش گەنجێک برینداربوو.[2]
$دەرەوەی کوردستان$=KTML_Photo_Begin=https://www.kurdipedia.org/files/relatedfiles/2018/155148/0019.JPG=KTML_Photo_Alt=پەڕڵەمانی ئێڕاق بەرهەم ئەحمەد ساڵح-ی وەک سەرۆک کۆماری نوێ هەڵبژارد=KTML_Style=width:30%;height:20%;float:left;=KTML_Photo_Target_Link=https://www.kurdipedia.org/files/relatedfiles/2018/155148/0019.JPG=KTML_Photo_End=
- کۆماری ئیسلامی ئێران داوای لە پارتی و یەکێتی کردووە لەسەر یەک کاندید بۆ پۆستی سەرکۆماری عێراق ڕێکبکەون باشترە، ئەگەر نا ئەو پرسە لە پەرلەمانی عێراق یەکلایی بکرێتەوە.[2]
- بەهۆی ململانێی پارتی و یەکێتی لەسەر پۆستی سەرۆک کۆمار، پەڕڵەمانی ئێڕاق دانیشتنی خۆیی دواخست بۆ کاژێر 8ی ئێوارە.[1]
- لە کۆنگرەیەکی ڕۆژنامەنووسیدا، لە نێو ئەنجومەنی نوێنەرانی عێراق، فراکسیۆنی پ-د-ک،ڕایگەیاند، کە کاندیدی سەرۆک کۆماری خۆیان دەکێشنەوە و ئەو پڕۆسەیە مایەی قبوڵ نییە.[6]
- ئێوارەی ئەمڕۆ، #بەرهەم ئەحمەد ساڵح# بە زۆرینەی دەنگەکانی پەڕڵەمانی ئێڕاق بە سەرۆک کۆماری ئێڕاق هەڵبژێردرا.[1]

یەکینەکانی پاراستنی گەل-#یەپەگە# ڕایگەیاند کە #شەڕڤان#انی ئەوان لە ڕۆژی 30ی ئەیلوول/8ی ڕەزبەرلە ناوچەی ڕاجۆی #عەفرین# لە دژی سەربازانی سوپای تورکیا جالاکییەکیان ئەنجامداوە وئەنجامی ئەوچالاکییەدا سەربازێکی سوپای تورکیای داگیرکەری تورکیا کوژراوە.
ناوەندی ڕاگەیاندنی یەپەگە دەستنیشانی کرد کە لە چوارچیوەی هەڵمەتی دوویەمینی بەرخۆدانی سەردەمدا لە عەفرین، هێزەکانیان چالاکییەکانیان لەدژی سوپای داگیرکەری تورکیا وچەتەکان بەردەوامە.
یەپەگە ئەو زانیارییەی بڵاوکردەوە: لە ڕۆژی 30ی ئەیلوول یەکینەیەکی ئێمە لە ناوچەی ڕاجۆی عەفرین چالاکییەکیان لەدژی سەربازانی سوپای تورکیا ئەنجامدا. لەو چالاکییەدا سەربازێکی سوپای تورکیا کوژرا.[1]
#02-10-2018#