- بە سەرپەرشتیی #شاسوار عەبدولواحید#، هەڵمەتی بانگەشەی (نەخێر)ی دژ بە سەربەخۆیی کوردستان بە فەرمی ڕاگەیاند و تێیدا #ڕابوون مەعرووف#، پەرلەمانتاری #بزووتنەوەی گۆڕان#یش بەشدار بوو.[1]
- سەرچاوە و پێگە هەواڵییەکانی ڕۆژهەڵاتی کوردستان بڵاویان کردووەتەوە، بەهۆی تۆپبارانی سوپای پاسداران، بەشێکی زۆر سروشتی کوێستانی #شاهۆ# سووتاوە.[2]
- #مەلا بەختیار#، لێپرسراوی دەستەی کارگێڕی مەکتەبی سیاسی یەکێتی دوای کۆبوونەوەی مەکتەبی سیاسی پارتی و یەکێتی ڕایگەیاند، بۆ ڕۆیشتن بەرەو قۆناخێکی باڵاتر لە بەرژەوەندی خەڵکی کوردستان پێویستمان بە ڕێککەوتنێکی نوێیە لەگەڵ پارتی.[3]
- سەرەڕای ئەوەی قەدەغەی هاتوچۆ لەو گوندانەی سەربە هەزرۆی #ئامەد# ڕانەگەیەندراوە، بەهۆی بۆردومانەکانی سوپای تورکەوە ئاگر لە دارستانەکان و باخ و باخچەکانی خەڵکی گوندەکان کەوتووەتەوە.
- مانگرتنی ئێشکگریی ویژدان و دادگەریی پەرلەمانتارانی پارتی دیموکراتی گەلان (#هەدەپە#) لە شاری #وان# دەستیپێکرد.[4]
- شەوی ڕابردوو بیست کۆڵبەری کورد کە خەڵکی گوندی (#دۆڵەبی#) سەر بە شاری #سەردەش#تن لەلایەن هێزە ئەمنییەکانی ئێرانەوە دەستبەسەر دەکرێن و ڕادەستی دادگا دەکرێن. ئاژانسی هەواڵی دۆچەڤێلە، بڵاویکردەوە، ئەو 20 کۆڵبەر دەستگیرکراون و سزا دراون بە پێدانی بڕی 500 هەزار تمەن و بەڵێننامەیان پێ واژۆکراوە کە بۆ ماوەی دووساڵ هاتوچوی سنوورەکان نەکەن.
- سەرۆک وەزیرانی عێراق ڕایدەگەیەنێت، حکومەتی ناوەند ئامادەیە گفتوگۆ لەبارەی #ڕیفراندۆم#ی جیابوونەوەی هەرێمی کوردستان بکات لەچوارچێوەی یاسا و دەستور.[5]
This item has been written in (کوردیی ناوەڕاست) language, click on icon
to open the item in the original language!
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
بکە بۆ کردنەوەی بابەتەکە بەو زمانەی کە پێی نووسراوە!
This item has been viewed 20,282 times
Write your comment about this item!