$باشوورێ کوردستانێ$
- مۆرکرنا بەیانا #11ی ئازار# دناڤبەرا ڕژێما ئیراق و #پارتی دیموکراتی کوردستان# یا ئیراقێ، کو ب ئەگەرا ئەڤێ ڕێککەتنێ کوردان ل باشوورێ کوردستانێ، چەند مافەکێن کێم وەرگرتن.[1]
- یاریکرنا شانۆگەرییا کێچ ل #سلێمانی#. [2]

$باشووری کوردستان$
- مۆرکردنی بەیانی #11ی ئازار# لەنێوان ڕژێمی ئێراق و #پارتی دیموکراتی کوردستان#ی ئێراقدا، کە بەهۆیەوە کورد لە باشووری.ک، چەند مافێکی کەمی وەرگرت.[1]
- یاریکردنی شانۆگەریی کێچ لە #سلێمانی#.[2]

ئەمڕۆ لە ڕۆژژمێری پڕ لە شانازی بۆنەکانی ئادار و نەورۆزدا یادی یۆبیلی زێڕینی ڕێککەوتننامەی (11ی ئاداری 1970) دەکەینەوە، ئەو ڕێککەوتننامەیەی لە مێژووی خەباتی ڕزگاریخوازی کوردستاندا بایەخێکی ئێگجار گرنگی هەیە، لەبەرئەوەی یەکەمجار بوو حکومەتی ناوەندی عێراق دان بنێت بە مافە سیاسی و نەتەوەیی و ئیداریی و کولتوورییەکانی گەلی کورد و چارەسەرکردنی کێشەی کورد بە ڕێگەی ئاشتیانە و گفتوگۆ.
ڕێککەوتننامەی (11ی ئادار) کە بەر لە (50)ساڵ لەنێوان حکومەتی عێراق و سەرکردایەتی سیاسی شۆڕشی کورد بەڕابەرایەتی بارزانی نەمر مۆرکرا، پاش ساڵەهای ساڵی تێکۆشان و فیداکاریی پێشمەرگە دلێرەکان هاتەدەست، هەروەها ڕووداوێکی گرنگی مێژوویی ئەوتۆ بوو لە ڕووی دیموکراسی و چەسپاندنی ئارامیی و سەقامگیریی لە عێراق و ناوچەکەدا.
ڕێککەوتننامەکە وەک بەڵگەنامەیەکی مێژوویی، کاریگەری خۆی هەبوو بەسەر ڕەوتی بزاڤی ڕزگاریخوازی و نەتەوەییمان و بەدیهاتنی ئامانجە نەتەوەیی و نیشتیمانیەکانمان، هەروەها لاپەڕەیەکی دیکەی ئەو سەروەریانە بوو لە مێژووی کورد و پارتیمان بە سەرۆکایەتی بارزانی نەمر بۆ پێداگریی لەسەر گەیشتن بە مافە ڕەواکانمان.
ڕێککەوتننامەی (11ی ئادار) زەوینەی ئاشتەوایی و سەقامگیریی و ئاوەدانکردنەوەی لە عێراق ڕەخساند، ئەمەش دەلالەتی حیکمەت و دووربینی و پلانڕێژیی سیاسەتی بارزانی نەمر و سەرکردایەتیی پارتی بوو، کە حکومەتی عێراقی ئەوسای ناچارکرد بەپێی ناوەڕۆکی ئەو ڕێککەوتننامەیە ملکەچ بکات بۆ داوا و مافەرەواکانی گەلی کورد و بزووتنەوە ڕزگاریخوازەکەی.
رێکەوتننامەی (11ی ئادار) بایەخی مێژوویی لەوەدایە بە یەکەم بەڵگەنامە دادەنرێ لەرووی یاساییەوە کە بۆ یەکەمجار تیایدا بە ڕەسمی دان نراوە بە مافە نەتەوەیییەکانی گەلی کورد و بڕیاردان لەسەر مافی ئۆتۆنۆمی لە کوردستانی عێراق و زمانی کوردیش دووەم زمانی فەرمی بێ لە عێراقدا و جگە لە چەندین دەسکەوتی گرنگی ئیداری و فەرهەنگی و ڕۆشنبیریی و، نەتەوەیی و نیشتمانی دیکە.
رێککەوتننامەی (11ئادار1970) لە ڕێگەی دانوستانی ئاشتیانە و دیموکراسیانە بناغەیەکی ڕاست و دروستی بۆ چارەسەرکردنی کێشەی کورد بە پێی هەلومەرجی ئەوسا داڕشت، مەبەست لەو هەنگاوەش تەنیا کۆتایی هێنان نەبوو بە شەڕ و کوشتار و ململانەی خوێناوی، بەڵکو چەند بڕیارێکی مەبدەئی و ڕاستیشی دا سەبارەت بە مەسەلەی نەتەوایەتیی لە عێراق و دواڕۆژی کێشە نەتەوایەتییە چارەنووسسازەکان چەسپاند، هەروەها دەروازەیەکی دیکەی گرنگیش بوو بۆ دەستەبەرکردنی ماف و داخوازییەکانی پێکهاتە و نەتەوەکانی دیکەی وەک تورکمان و کلدان سریان ئاشووری.
ئەو ڕێککەوتننامەیە، کە دەسکەوتێکی بایەخداری شۆڕشی ئەیلوولی مەزن بوو، هەرچەندە لە هەر دوو لایەنی ناوەخۆ و دەرەکییەوە دژایەتی کرا، بەڵام لە سەر هەردوو ئاستدا سەدا و دەنگدانەوەی خۆی هەبوو، لەسەر ئاستی ناوخۆوە دەسکەوتێکی دیکە بوو بۆ دەنگە ئازاد و دیموکراسی و پێشکەوتنخوازەکان بۆیە پێشوازیەکی گەرمی لێکراو لەسەر ئاستی دەرەوەشدا ڕای گشتی جیهانی وروژاند و نێوەندە عەرەبی و جیهانیەکان بە هەنگاوێکی گرنگ و بەسوودیان بۆ گەلان و نەتەوەکانی عێراق لەقەڵەم دا.
سەرکردایەتی سیاسی پارتی ئەوسا سوور بوو لەسەر جێبەجێکردنی بەندەکانی ڕێککەوتننامەکە و پێی وابوو سەرەتای قۆناغێکی نوێیە بەرەو گۆڕانکاری ئەوتۆ لە ڕەوشەکە و ژیانی هاووڵاتیان و پێشکەوتن و گوزەرانیان، کەچی ڕژێمی بەعس بە پێچەوانەوە تادەهات لە بەندەکانی پاشگەزدەبۆوە لەوانەش نکوڵیکردن لە شوناسی نەتەوەیی و کوردستانیبوونی #کەرکووک#ی دڵی کوردستان و ئەنجامدانی سەرژمێریی دانیشتوان لەو ناوچانەی زۆربەی دانیشتوانەکەی کوردن، کە دەبوایە بەپێی ڕێککەوتنەکە سەرژمێریان تیا ئەنجام بدرایە، لەگەڵ ئەوەشدا ئەو ڕێککەوتننامەیە بوو بەبناغەیەک بۆ تەواوی پرۆسەکانی دیالۆگ و گفتوگۆ، کە شۆڕشی کورد لەگەڵ حکومەتی عێراق کردوویەتی و بوو سەرچاوەیەکی بەهێزی ڕاپەڕینە شکۆدارەکەی ساڵی (1991)یش بوو.
رێکەوتی ڕاگەیاندنی ڕێککەوتننامەی (11ئادار1970) هاوکاتە لەگەڵ ڕۆژژمێری ئازادکردنی شاری #هەولێر# لە (11ی ئاداری 1991) هەر بەو بۆنەیەوەش پیرۆزباییەکی گەرم و ئەمەکدارانە لە ڕۆڵە خۆراگرەکانی شاری دێرینی هەولێر، شاری برایەتی و لێبووردەیی و وەفاداریی دەکەین، شاری شارستانیەت و ڕەسەنایەتی و پێشکەوتن لەگشت بوارێکدا.
بەو بۆنەیەوە و وێرای جارێکی دیکە پیرۆزباییمان لە خانەوادە و کەسوکاری سەربەرزی شەهیدان و پێشمەرگە نەبەزەکانی شۆڕشی ئەیلول و گوڵان و گەلی کوردستان، دووپاتی دەکەینەوە کە ئێمە وەک #پارتی دیموکراتی کوردستان# وەکو هەمیشە بەردەوام دەبین لەسەرهەمان ڕێبازی کوردایەتی و بارزانی نەمر و پارتایەتیمان بۆ چارەسەرکردنی کێشەکان و پێدادەگرین لەسەر یەکڕیزی و تەبایی نێوماڵی کوردستانی و دابینکردنی تەواوی مافەکانی گەلی کوردستان لە هەرێمی کوردستان، کە بەپێی دەستوور دانیان پیانراوە و چەسپاون، لەسەر ئاستی ناوچەکە و جیهانیش زیاتر پێویستیمان بە کار و کۆششی بەردەوام هەیە لەرووی سیاسی و دیپلۆماسییەوە بۆ پتەوکردن و بەهێزکردن و پاراستن و داکۆکیکردن لەو قەوارە سیاسییە شەرعییەی هەرێمی کوردستان و ئەو ئەزموونە و دەسکەوتەکانمان.
سڵاو لەبیرەوەری یۆبیلی زێڕینی ڕێککەوتننامەی (11)ی ئاداری مێژوویی..
نەمریی و سەربەرزیی بۆ شەهیدانی ڕێگای ڕزگاریی کوردو کوردستان..
سڵاو لە گیانی پاکی بارزانی نەمرو کاکە ئیدریسی هەمیشە زیندوو..
بەرز و شەکاوە بێت ئاڵای پیرۆزی کوردستان..
مەکتەبی سیاسی
پارتی دیموکراتی کوردستان
#11-03-2020#

شوێن: #سەنگەسەر#
رۆژ یان ساڵی گیرانی وێنەکە: 11-03-1970
وێنەکە: سەنگەسەر، سەر ڕێگای گوندی ئاشوران[1]

شوێن: #هەریر#
رۆژ یان ساڵی گیرانی وێنەکە: #11-03-1970#
پێناسی وێنە: هەریر 11-03-1970 گروپی (سرودی نیشتمانی) لە پێشوازی گەڕانەوەی وەفدی شۆڕشی کوردستان بوون لە سەروبەندی گەڵاڵەکردنی بەیاننامەی 11 ئازاری مێژوویی دان نانی حکومەتی ئەوکاتەی عێراق بە مافە نەتەوەییەکانی گەلی کورد و سەندنی ئۆتۆنۆمی یان بەڕێوەبەری خۆسەر بۆ کورد
‎لە ئاداری 1970 ئەوکات دکتۆر مەحمود عوسمان وتارێکی پێشکەش کرد، سەیری وێنەکە بکە ئەوکات تیپەکە پێکهاتبوو لە 11 کوڕ بەرامبەر 7 کچ لە یەک تیپی شارۆچکەیەکی بچوکی وەک هەریر بەڕاستی ئەوکات ڕۆڵی کچان و ژنان لە کایە ڕۆشنبیریەکان زۆر لە ئێستا زیاتربوو
شوێنی وێنەکە ناو باغی هەریرە شوێنی پیاوانی مەترانی فەلەکان بوو.[1]