$باشووری کوردستان$
- گەنجێک لە کەرکووک ئاڵای ئێڕاقی لەسەر ئوتومبیلێکی سەربازیی ئێڕاقی هێنایەخوارەوە و بووە دەستپێکی دووبارە هەڵکردنی ئاڵای کوردستان لە کەرکووک.[2]
- فەرماندەیەکی سەربازیی #حزبی شیوعی# لە شارۆچکەی #خورماتوو# ڕایدەگەیەنێت: سەرجەم پێشمەرگە دیلەکانمان لەلایەن چەکدارانی #حەشدی شەعبی#یەوە ئازادکران.[1]
- لەباڵەخانەی پەرلەمای کوردستان، ڕێورەسمێکی ماتەمینی بۆ کۆچی دوایی #شوان قەڵادزەیی#، بەڕێوەدەچێت.[2]
- وەزیری دەرەوەی ئەمریکا پشتیوانی واشنتنی بۆ هەنگاوەکانی حکومەتی ناوەندی بۆ سەپاندنی دەسەڵات ڕاگەیاند و جەختی لەوەکردەوە کە ئەمریکا داننانێت بە #ڕیفراندۆم#ی کوردستاندا.[2]
- وتەبێژی بزوتنەوەی نوجەبا ڕایدەگەیەنێت هیچ پرسێکی سیاسی نادەنە دەست ئه و کەسانەی ئارەزووی دابەشکردنی عێراقیان کردووە، دەڵێت دەبێت سەرۆکی هەرێمی کوردستان پێش دانوستان، بە بۆنەی هەڵکردنی ئاڵای ئیسرائیل داوای لێبوردن لەگەلی عێراق بکات.[3]
- قائیمقامی شارۆچکەی #پێنجوێن# ڕایدەگەیەنێت: نووسراوێکی فەرمی گەیشتووەتە مەرزی #باشماخ# بۆ دانانی 20 فەرمانبەری عەرەب لە مەرزی باشماخ لەلایەن حکومەتی ناوەندییەوە ئەوەش بە مەبەستی کۆنتڕۆڵکردنی داهاتی مەرزەکە.[1]
- ژمارەیەک گەنجی خورماتوو دەچنە بەردەم مەکتەبی سیاسی یەکێتی لە سلێمانی بۆ ناڕەزایی دەربڕین لەبارەی بەدەستەوەدانی شارۆچکەکەیان.[2]
- بەڕێوەبەری پۆلیسی #کەرکووک# ئاشکرای دەکات، سبەی 19-10-2017 تەواوی هێزە عێراقییەکان لەناوشاری کەرکووک دەکشێنەوه و پۆلیس ئەرکی پاراستنی شارەکە دەگرێتەئەستۆ.[3]
- دادگای کارگێڕی بەغدا بڕیاری لابردنی #نەجمەدین کەریم#ی لە پۆستی پارێزگاری کەرکووک پەسەند کرد.[2]
- #ئاسۆ مامەند#، ئەندامی مەکتەبی سیاسی یەکێتی نیشتمانی کوردستان لەکۆنگرەیەکی ڕۆژنامەوانیدا لەبارەی دۆخی کەرکووک ڕایگەیاند هەوڵدەدەن بە زوترین کات پارێزگارێکی نوێ بۆ کەرکووک دابنێین.[3]
- لەدوای ئەوەی دادگای ئیداریی عێراق دوورخستنەوەی نەجمەدین کەریم، پارێزگای کەرکووکی پەسەندکرد، #فوئاد مەعسوم#، سەرۆک کۆماری عێراق مەرسومی سەرۆکایەتی بۆ دەرکرد و دوورستنەوەکەی پەسەندکرد.[2]
- سەرلەبەیانیی ئەمڕۆ، دەستەیەک چەکداری نەناسراو هێرشیان کردە سەر دوو گوندی گۆبەل و بۆریک لە #شنگال#، هاوڵاتییانی ئێزدی وەڵامی ئەو هێرشانەیان دایەوە و هێرشەکانیان تێکشکاند.[1]
- ‌دانیشتنی پەرلەمانی کوردستان بۆ کاتێکی نادیار دواخرا.[2]
- هێز‌ێکی گەورەی حەشدی شەعبیی عەرەب چووەتە ناو شنگال و کێشەیان‌ بۆ هاووڵاتییان دروستکردووە و ‌قسە و ڕەفتاری زۆر ناشرین بەرامبەر هاووڵاتیانی کوردی ئێزدی دەکەن.[3]
- ئەنجومەنی کۆمسیاران بڕیاریدا بە ڕاگرتنی سەرجەم ڕێکارەکانی پرۆسەی هەڵبژاردنەکانی پەرلەمان و سەرۆکی هەرێم.[2]
- ئەندامانی ئەنجوومەنی ئاسایش نیگەرانی خۆیان دەردەبڕن بەرامبەر بە ڕاپۆرتەکانی ئەم دوواییەی شاری کەرکووک و لە ڕاگەیێندراوەکەیاندا داوایان لە هەولێر و بەغدا کردووە لە هەڕەشە و بەکاربردنی هێز دوور بکەونەوە.[2]
- شۆرش قادر کە لەسەر پشکی یەکێتی لە پۆستی نوێنەری حکومەتی هەرێم بوو لە وڵاتی سوید لە پەیجی تایبەتی خۆی لە تۆڕی کۆمەڵایەتی فەیسبووک ئاشکرایکردووە کە لە ڕێگەی فەرمانگەی پەیوەندییەکانی دەرەوە حکومەتی هەرێمی کوردستانی ئاگادار کردووەتەوە لەوەی کە دەستی لە پۆستەکەی کێشاوەتەوە.[2]
- هێزەکانی ئەمریکا کە لە #مەخموور# بوون، لە شوێنی خۆیان کشانەوە بەرەو هەولێر، لەگەڵ کشانەوەیاندا بارەگاکانی خۆیان تەقاندەوە.[1]
- #یەکێتی نیشتیمانی کوردستان# بەڕەسمی پاڵیوراوی خۆی بۆ پارێزگاری نوێی کەرکووک دیاریکرد کە #ڕزگار عەلی# ئەندامی مەکتەبی سیاسی ئەو حزبەیە.[2]

ناوەندی ڕاگەیاندنی هێزەکانی پاراستنی گەل- #هەپەگە#، سەبارەت بە چالاکیی گەریلاکانی لە #بەدلیس#، #سێرت# و #جولەمێرگ# ڕاگەیەندراوێکی بڵاوکردەوەو، کوژرانی 21 سەربازی تورکیای ڕاگەیاند
ئەمڕۆ ناوەندی ڕاگەیاندنی هەپەگە لە ماڵپەڕی فەرمییدا ڕاگەیەندراوێکی بڵاوکردەوە و تێیدا زانیاری و وردەکاریی چالاکیی گەریلاکانی ڕاگەیاند.
هەپەگە ڕایگەیاند: لە قۆناغی دووەمی هەنگاوی شۆڕشگێڕانەی شەهید بەدران گوندیکرامۆ و شەهید نالین مووشدا، گەریلاکانمان دژی سوپای تورک لە چەلێی سەربە جولەمێرگ و دەڤەری بارزان چالاکییان ئەنجامدا.
ڕاشیگەیاند: سەرلەبەیانیی دوێنێ کاتژمێر 06:30 خولەک گەریلاکانمان لە گردی کۆردینەی سەربە چەلێ چالاکییەکیان دژی هێزەکانی سوپای تورک ئەنجامدا، لەو چالاکییەدا پێنج سەربازی تورک کوژران، هەر ئەو ڕۆژە کاتژمێر 09:30 خولەک بارەگایەکی سەربازی سوپای تورک لە دەوربەری چەلێ بە 15 ڕۆکێت کرایە ئامانجی چالاکییەکی گەریلاکانمان، ئەنجامی ئەو چالاکییە نەزانراوە، کاتژمێر 01:30 خولەکی نیوەڕۆش لە دەڤەری بارزان، چالاکییەکی دیکە دژی سوپای تورک ئەنجامدرا، لەو چالاکییەشدا نەزانراوە چەند سەربازی تورک کوژران و برینداربوون.
هەرلەو ڕاگەیەندراوە هاتووە: هەر دوێنێ کاتژمێر 02:30 خولەک، لە ئەنجامی چالاکییەکی گەریلاکاندا نۆ سەربازی تورک کوژران و سەربازێکی دیکەش برینداربوو.
هەروەها ئاماژە بەوەشدراوە: سوپای تورک ڕۆژی 15ی مانگ کاتژمێر 07:00ی ئێوارە لە شەمزینانی سەربە جولەمێرگ ئۆپەراسیۆنێکی دەستپێکرد، دوێنێ کاتژمێر 05:00ی پاشنیوەڕۆ ئەو ئۆپەراسیۆنە کۆتایی پێهات و سوپای تورک لە ناوچەکە کشایەوە.
لە بەشێکی دیکەی ڕاگەیەندراوی هەپەگە دا هاتووە: ڕۆژی 14ی مانگ کاتژمێر 10:30 خولەکی سەرلەبەیانی، هێزەکانی سوپای تورک کرانە ئامانجی چالاکییەکی گەریلاکانمان، لەو چالاکییەی گەریلاکاندا حەوت سەربازی تورک کوژران و هەشتی دیکەش برینداربوون.
لە کۆتایی ڕاگەیەندراوەکەدا هاتووە: دوێنێ کاتژمێر 06:00ی ئێوارە لە ناوچەی شەهید مزگینی سەربە بەدلیس چالاکییەک لەلایەن گەریلاکانمانەوە دژی سوپای تورک ئەنجامدرا، ژمارەی کوژرا و بریندارەکانی سوپای تورک لەو چالاکییەدا نەزنارا.[1]
18-10-2017

[1]