$باکووری کوردستان$
- ئاژانسی فەرمی تورکیا بڵاوی کردەوە، دوێنی گەریلاکانی پارتی کرێکارانی کوردستان-#پەکەکە# لە ناوچە شاخاوییەکانی شارۆچکەی چەلێ لە پارێزگای #جۆلەمێرگ# بە چەکی قورس هێرشیان کردووەتەسەر کاروانێکی سەربازی سوپای تورکیا و بەوهۆیەوە 6 سەرباز برینداربوون.[1][2]
$باشووری کوردستان$
- هەریەک لە یەکێتی نەتەوەیی کوردستان، پارتی کرێکاران و ڕەنجدەرانی کوردستان و حزبی سۆسیالیست دیموکراتی کوردستان هاوپەیمانیمان بۆ هەڵبژاردنی پەرلەمانی کوردستان پێکهێنا.[4]
- ئەمشەو دوو فڕۆکەی جەنگیی دەوڵەتی تورک، گوندەکانی لیلکان، گۆڕەشان، ناو مێرگان و بەرزاییەکانی خواکوڕک و چیادێڵ و گەلی ڕەش-یان بە چڕیی بۆردوومان کرد. بۆردوومانکە زیانێکی زۆری بە ژینگەی ناوچەکە گەیاندووە و ڕووبەرێکی زۆر لە زەوی ناوچەکەی سوتاندووە.[2]
- چالاکوانانی کۆمەڵگەی مەدەنیی شاری #هەولێر# داوا لە نەتەوە یەکگرتووەکان دەکەن، کە فشار بخاتە سەر حکومەتی ئێران بۆ هەڵوەشاندنەوەی سزای سێدارەی #ڕامین حسین پەناهی#.[4]
- بەهۆی پێکدادانی دوو ئۆتۆمبێل لەسەر ڕێگەی #کەرکووک# - #چەمچەماڵ#، هەشت کەسی بنەماڵەیەک بوونە قوربانی، دووانیان گیانیان لەدەستدا، دووانی دیکەشیان برینەکانیان سەختە.[1]
- ئەمڕۆ 13یەمین ڕۆژی چالاکیی قەڵغانی زیندووی گەنجانی باشوری کوردستان لەدژی داگیرکارییە، لە چوارچێوەی ئەو چالاکییەدا ڕێپێوانێکی بە مەشخەڵ ئەنجامدرا.[2]
- هاوپەیمانی بۆ دیموکراسی و دادپەریی، پشتیوانیی خۆی بۆ بەرەی نیشتمانیی دژی داگیرکاریی ڕاگەیاند و جەختیان کردووەتەوە، کە هەرچییەکیان لەدەستبێ دژی دەوڵەتی تورک ئەنجامی دەدەن.[2]
$دەرەوەی کوردستان$
- ئەنجومەنی پیرانی ئەمریکا پڕۆژەیاسای بودجەی ساڵی 2019 وڵاتەکەی پەسەندکرد، بەپێی ئه و پڕۆژە یاسایە ڕێگەنادرێت ئەمریکا فڕۆکەی F-35 بە تورکیا بفرۆشێت.[3]
- ئەمڕۆ 12 ئەندامی هەدەپە لە ئیزمیر و 4 ئەندامی هەدەپە لە هاتای-ی تورکیا دەستگیرکران.[4]
- لە گەڕەکی کارابۆیونی عوسمانیە، چەند کەسێک بە چەک هێرشیان کردە سەر ناوەندی هەڵبژاردنی #هەدەپە# لەو شارە.[2]
- سەرلەنوێ‌ خۆپیشاندانی هاووڵاتیان لە شاری تاران-ی پایتەختی ئێران دەستیپێکردەوە وەک ناڕەزاییەک بەرامبەر بە گرانبوونی ڕۆژبەڕۆژی نرخی پێداویستیەکانی ژیانی ئاسایی خەڵک و خۆپیشاندەران هیچ گوێ‌ نادەن بەو هەڕەشەکانەی کە دەسەڵات لێیان دەکات بۆ سەرکوتکردنی هەر گردبوونەوەیەکی ناڕەازایی.[3]

ناوەندی ڕاگەیاندنی #هەپەگە# دەربارەی شەڕ لە #جولەمێرگ#، #دەرسیم# و #بەدلیس# ڕاگەیەندراوێکی بڵاو کردەوە.
ڕاگەیەندراوەکی هەپەگە ئاوەهایە:
' لە جولەمێر 5 سەرباز کوژران'
لە چوارچێوەی هەلمەتی شۆڕشگێڕانەی شەهید پیرۆز و شەهید ئاگریدا هێزەکانمان لە ڕێکەوتی 18ی حوزەیران/28ی جۆزەردان لە جولەمێرگ لەدژی سوپای داگیرکەری تورکیا چالاکییان ئەنجامدا.
گەریلاکانی یەژاستار کاتژمێر 13:40 خولەک لە گردی کوردینە-ی چەلێ-ی جولەمێرگ لە دژی سوپای داگیرکەری تورکیا چالاکییان ئەنجامدا. لەو چالاکییەدا سەنگەرەکان و حەشارگەکانی دوژمن کرانە ئامانج و ژمارەی کوژراوو بریندارانی دوژمن نەزانراوە. دوابەدوای ئەو چالاکییەدا هێزەکانمان لە کاتژمێر 14:00 جارێکی دیکە گەریلاکان لەگردی کوردینەدا سوپای دوژمنیان کرد ئامانج، لەو چالاکییەدا تا ئەو جێگەی کە پشتڕاس کراوەتەوە 5 سەربازی سوپای تورکیا کوژراون.
' زرێپۆشێکی سەربازی تێکشکا، 10 سەرباز کوژران'
کاروانێکی سەربازی سوپای تورکیا کە لە جولەمێرگ بەروە چەلێ دەچوو لە نزیک گوندی چەمێ-ی بەدەل لە کاتژمێر 20: 45 خولەکدا لە لایەن گەریلاکانمانەوە کرایە ئامانج. لەو چالاکییەدا زرێپۆشێکی سەربازی تێکشکا و 10 سەربازی دوژمن کوژران.
دوای ئەو چالاکییە سوپای تورکیا بە چەکی قورس ناوچەکەی کرد ئامانج و دواتر کوژراوەکانی خۆیان گواستەوە.
' هەلیکۆپتەرێک گورزی بەرکەوت و ناچار بوو پاشەکشێ بکات'
لە چوارچێوەی هەڵمەتی شۆڕشگێڕانەی شەهید ئۆزان وشەهید ڕۆزا-ی دەرسیم هێزەکانمان لە ڕێکەوتی 17ی حوزەیران/27ی جۆزەردان لە کاتژمێر 17:300 هەلیکۆپتەرێکی سوپای تورکیا لە جۆری(سکۆرسک-ی)یان کە لە خۆزاتا-ی دەرسیم لە ناوچەی شەهید جەسوور بەرەو بنکەی سەربازی ئاموکیتا خەریکی هێرش کردن بوو کردە ئامانج. ئەو هەلیکۆپتەرە گورزی سەختی بەرکەوت وبە ناچاری ناوچەکەی بەجێهێشت. دوای ئەو چالاکییە هێرشەکانی دوژمن کەم بەیەوە.
' لە بەدلیس 3 سەربازی سوپای تورکیا کوژران'
لە ڕێکەوتی 17ی حوزەیران/27ی جۆزەردان گەریلاکانمان لە نزیک گوندی عەزێ-ی تەتوانا-ی بەدلیس لە دژی یەکێکی سوپای تورکیای داگیرکەر کە بەنیاز بوون لە ناوچەی کورتەکدا جێگیرببن، چالاکییەکیان ئەنجامدا. لەو چالاکییەدا 3 سەربازی سوپای تورکیا کوژران و 2 سەربازی دیکەش بریندار بوون.[1]
#19-06-2018#