ساڵی(1917ز.) لە گوندی دەوەشاری سەربە شاری #مەهاباد# ڕۆژهەڵاتی کوردستان لەدایک بووە.. چالاکی سیاسی و زیندانی سیاسی، بەڕێوەبەری چاپخانەی #کوردستان# لە کۆماری کوردستان، کەسێکی نزیکی ڕابەرانی کۆمار بووە.
سەعید ناکام، لە ناوەڕاستی سییەکانی سەدەی بیست لە ڕێی #حسێن حوزنی موکریانی#یەوە لە موکریانەوە بۆ یەکەمجار دێتە باشوور. پاشان لە سلێمانی نیشتەجێ دەبێت و لەگەڵ خاتوو مەلیح ڕەشید ئەمینی جۆڵا هاوسەرگیریی دەکات. لە خاتوو مەلیح (5) منداڵی دەبێت بەناوەکانی شێرکۆ، نەرمین، شەرمین، سمکۆ و پشکۆ.[1]
لە کاتی دامەزراندنی کۆماری کوردستان لە ڕێی #ئیبراهیم ئەحمەد#ەوە دەگەڕێتەوە بۆ مەهاباد و تا ڕووخانی کۆمار لەوێ دەمێنێتەوە.
پاش ڕووخانی کۆمار بەیەکجاری کۆچ دەکات بۆ باشووری کوردستان و لە شاری #سلێمانی# نیشتەجێ دەبێت، ماوەیەکی زۆر لەوێ دەمێنێتەوە، پاشان دووردەخرێتەوە بۆ باشووری ئێراق. خاوەنی کۆمەڵێک نووسین و وەرگێڕانی گرنگە.
ساڵانی دواییی تەمەنی لە شارۆچکەی #شەقڵاوە# بەسەر بردووە. ڕۆژی #02-02-2011#ز. کۆچی دوایی کردووە.
سەعید ناکام (بەپێی لێدوانی پشکۆی کوڕی) لەسەر وەسیەتی خۆی دەیەوێت لە سلێمانی بنێژرێت، بەڵام ئەو وەسیەتەی ناهێنرێتەدی.
This item has been written in (کوردیی ناوەڕاست) language, click on icon
to open the item in the original language!
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
بکە بۆ کردنەوەی بابەتەکە بەو زمانەی کە پێی نووسراوە!
This item has been viewed 723,391 times
Write your comment about this item!