برای بەڕێزمان کاک محەمەدی حاجی مەحموود سکرتێری گشتیی حزبی سۆسیالیست دیموکراتی کوردستان
سڵاوێکی برایانەی گەرم....
بەخەم و پەژارەیەکی زۆرەوە هەواڵی شەهیدبوونی کاکە (عەتا)ی کوڕی جەنابتانمان پێگەیشت، کەوا دوێنێ ئێوارە لە سەنگەری بەرگریکردن لە خاکی پیرۆزی کوردستان و لە شەڕی ڕاماڵینی هێزی تاریکی شەهید بوو، بەمەیش کاکە (عەتا) بووە سیمبۆڵی لاوانی وڵاتپارێزی کوردستان، بەناوی خۆمان و ئەندامانی مەکتەبی سیاسی و کۆمیتەی سەرکردایەتی و تەواوی ئەندامانی یەکێتی نەتەوەیی دیموکراتی کوردستان YNDK پرسەو سەرەخۆشی گەرمی خۆمان ئاراستەی جەنابتان و بنەماڵە سەربەرزەکەتان و سەرکردایەتی حزبی سۆسیالیست دیموکراتی کوردستان دەکەین و خۆمان بە هاوبەشی خەمتان دەزانین و، ئومێد دەکەین ئەوە دواناخۆشیتان بێت و، لە یەزدانی مەزن دەپاڕێینەوە شەهید بخاتە بەر دلۆڤانی خۆی و دڵنەوایی و ئارامیش بە هەموو لایەک ببەخشێت.
_ نەمری و سەربەرزی بۆ شەهید (عەتا) و تەواوی شەهیدانی ڕێی ئازادی و سەرخۆبوونی کوردستان.
_ مردن و ڕووڕەشی بۆ تیرۆریستان و دوژمنانی گەلی کوردستان.
براتان
غەفوور مەخمووری
سکرتێری گشتیی
یەکێتی نەتەوەیی دیموکراتی کوردستان YNDK
27-11-2014 هەولێر _ کوردستان
This item has been written in (کوردیی ناوەڕاست) language, click on icon
to open the item in the original language!
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
بکە بۆ کردنەوەی بابەتەکە بەو زمانەی کە پێی نووسراوە!
This item has been viewed 12,850 times
Write your comment about this item!