زمانی جەستەی نێچیرڤان بارزانی
1. کە تەماشای عەردی دەکا، دەکا متمانەبەخۆبوونی نییە، توڕەیە، و ملکەچ (sunmissive)ە.
2. دەستەکانی لە جەستەی نێزیکن، دەرخەری سێ ڕاستین، نەبوونی هێز، نەبوونی متمانەبەخۆبوون، و لە باری بەرگریدایە.
3. لە دواوەی عەبادی دەڕوا، دەکا، خۆی لە ئاستی وی نابینی، خۆی پێ لاوازترە، توانای ئەوەی نییە لە تەنیشتی بڕوا، و ناتوانی ئەوە نیشان دا کە هاوتا و هاوهێزی وییە.
4. نەینۆکبوونی تەواوی نییە. نەینۆکبوون (mirroring) واتا کەسەک لاسایی ئاماژە و جوولە جەستەی کەسەکی دی بکاتەوە. نێچیرڤان بارزانی هەمان هەنگاو_هاوێشتنی هەیە، بەڵام نەیتوانییە دەستەکان و سەربڵندکردنی وەکوو عەبادی بی کە نیشانەی هێز و هێڕشکردن و دەسەڵاتن. نەینۆکبوون ئاماژەی هەبوونی پەیام و گفتوگۆیە، بەڵام دیارە کە سەرۆکەکەی لەمەڕ خۆمان پەیامی ناردنی هێز و دەسەڵاتی، لە مێشکی، لۆ عەبادی، پێ نەبووە.
زمانی جەستەی حەیدەر عەبادی
1. دەستەکانی کراوەن و لە جەستەی دوورن نیشانەی هەبوونی سێ چشتن، ئەوانیش متمانەبەخۆبوون و هێز و هێرشکردنن. لە هەمان کاتدا، نماییشی هێز و دەسەڵات و هێرشبردنیش دەکا.
2. ڕووبەڕوو-تەماشاکردن (Eye-to-eye contact)ی هەیە و تەماشای عەردی ناکا، ئەوەشیان دەرخەری متمانەبەخۆبوونە.
3. عەبادی مەودایەک لە پێشەوەی نێچیرڤان بارزانی دەڕوا، دەکا، خۆی پێ لە وی بەهێزترە، خۆی پێ لە وی لەپێشترە، و ئەویش بە شیاوی ئەوە نازانی لە تەکی بی و هاوتای وی بی.
4. دیقەت بدەن، عەبادی بەیەکسانی ڕایەخە و لاکێشە سۆرەکەی لەگەر نێچیرڤان بارزانی دابەش نەکردییە، زیادتر بەرەو ناوەندێ هاتییە، ئەوەش نیشانەی ئەوەیە کە عەبادی دەیەوێ ئەوە بە نێچیرڤان بارزانی بڵێ کە مەودا و بوار و هێز و دەسەڵاتی لە ئی وی زیادترە و ئەو بە هاوشانی خۆی نازانی. هەروەها، ئەگەرچی وێنەکە ئی هەولێرە، بەڵام بەو ڕەفتارە عەبادی دەیەوێ ئەوە نیشان بدا کە هەولێریش لەژێر هێز و دەسەڵاتی خۆیەتی.
لێرەدا ئەوە لەسەر نێچیرڤان بارزانیش پاسادان دەبی کە خۆی بە شیاوی دابەشکردنی هێز و دەسەڵات نازانی لەگەر عەبادی. بەوە، ناخۆشبەختانە و بەناچاری، دەسەڵاتی زۆرینەی لۆ عەبادی بەجی هێشتییە.
زمناکۆ خەسرەو
Kurdipedia is not responsible for the content of this item. We recorded it for archival purposes.
This item has been written in (کوردیی ناوەڕاست) language, click on icon
to open the item in the original language!
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
بکە بۆ کردنەوەی بابەتەکە بەو زمانەی کە پێی نووسراوە!
This item has been viewed 4,723 times
Write your comment about this item!