سوپاس و پێزانین…
بە بۆنەی گیان لەدەستدانی “جەبار مستەفا”ی ئازیزمانەوە ژمارەیەکی یەکجار زۆر لە دۆستان، خۆشەویستان و هاورێیانی ئازیزمان، هەروەها چەند لایەنێکی سیاسی، لە ڕێگای جۆراوجۆرەوە: بەسەردانیکردنمان بۆ ماڵەوە لە شاری سیدنی ئوسترالیا، دەرکردنی ڕاگەیاندن، نووسینی نامە، پەیوەندی تەلەفۆنی و بەشداریکردن لە ڕێوڕەسمی بەخاکسپاردن و مەراسیمەکانی ڕێزلێنان لەشاری سیدنی ئوسترالیا، سلێمانی، سوید، بریتانیا، نەرویج و فنلەندا خەم وپەژارەی لەدەستدانی ئەم ئازیزەیان لەگەڵ بەشکردین.
بەبێ هاودەردی و هاوخەمی ئەم ئازیزانە بەرگەگرتنی ئەم کۆستە بۆ ئێمە زۆر سەخت بوو.
سەرەڕای هەموو ئەمانە، هەر لێرەدا دەمانەوێ سوپاس و پێزانینی خۆمان ئاراستەی هەموو ئەو هاوڕێ و دۆستە ئازیزانەش بکەین، کە لەماوەی 18 مانگی ڕابردوودا چ لەماڵ و چ لە نەخۆشخانە بەردەوام ئێمەیان بەسەرکردۆتەوە و وورەو خۆڕاگریان بە ئێمەو جەباری ئازیزمان بەخشیووە. پالێپشتی و شەونخوونی ئێوە بەدیارمانەوە لە ڕۆژانی ئەخیردا هەرگیز لەیادناکەین و بۆ هەمیشە لەبیرەوەریماندا دەمێنێتەوە.
سوپاسی تایبەتیمان بۆ هاوڕێیانی هەردوو حیزبی کۆمۆنیستی کرێکاریی کوردستان و عێراق بۆ دڵسۆزی و هاوخەمی و ئەرک و ماندووبوونیان لە بەرپاکردنی مەراسیمەکانی ڕێزلێنان لە جەباری ئازیزمان لە وڵاتە جیاجیاکاندا.
ئێمە بەکردەوە بینیمان کە جەبار تەنها لە ئێمە نەڕۆیشت، خانەوادەکەی ئەو زۆر لە خانەوادە بچووکەکەی (هاوژین و مناڵەکانی) گەورەترە. ئێمە شانازی بەوەوە دەکەین کە دۆست و هاوڕێی دڵسۆزی وەکو ئێوەمان هەیە.
دووبارە سوپاستان دەکەین.
شیرین (هاوژینی جەبار مستەفا)
زاریا، ماردین و لیزا (کچەکانی جەبار مستەفا)
#15-01-2019#
This item has been written in (کوردیی ناوەڕاست - Central Kurdish) language, click on icon
![](https://www.kurdipedia.org/images/flags/ku.png)
to open the item in the original language!
ئەم بابەتە بەزمانی (کوردیی ناوەڕاست - Central Kurdish) نووسراوە، کلیک لە ئایکۆنی
![](https://www.kurdipedia.org/images/flags/ku.png)
بکە بۆ کردنەوەی بابەتەکە بەو زمانەی کە پێی نووسراوە!
This item has been viewed 2,514 times
Write your comment about this item!