بۆ دوو کوڕەکەی مام جەلال..
#توانا ئەمین#
ئەم پیاوە ئیختیارە سەروڕیش چەرمووانەی ناو وێنەکە هەر یەکەیان 40 ساڵ خزمەتی ئەم وڵاتەیان کردووە، کە ئێستا بەڕوبەحر و خێروبێری بۆ ئێوەیە، ئەم مامە بەڕێزە دەست قڵیشاوانە ئەمڕۆ لە گەرمای سەرو 40 پلەی #سلێمانی#دا ئاوها مووچەی خانەنشینییەکەیان بۆ جەژن وەردەگرن (کە وەریشیان نەگرت)!
ئەملاولا و خۆدزینەوەی ناوێت، من لەو نووسەرانە نیم سەفسەتە بکەم و سەرکزبم، ئەوەی حکومی سلێمانی دەکات ئێوە دوو کوڕەکەی مام جەلالن، کە هیچتان لە ژیانتاندا گەرمای سەرو 40تان نەبینیووە مەگەر لەسەر دەریا!
خەڵکی سلێمانی حەقێتی بپرسێ بۆ لە #هەولێر# و #دهۆک# ئەم سوکایەتییە بە خانەنشینان ناکرێت و لە سلێمانی دەکرێت؟!
بەم گەرمای چلەی هاوینە سێ ڕۆژە لە پێنجی بەیانییەوە باوکم دەچێت لە ڕاکەڕاک و هۆسەی سەرەدا چکە خانەنشینییەکەی وەربگرێت ئێوارە دێتەوە و وەری نەگرتووە!!
ئەم کەرامەت شکاندنەی خەڵک تاکەی..؟ ئێوە عەیب ناکەن..؟ لەوە گەورەتر دەبن..؟!
[1]
Kurdipedia is not responsible for the content of this item. We recorded it for archival purposes.
This item has been written in (کوردیی ناوەڕاست) language, click on icon
to open the item in the original language!
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
بکە بۆ کردنەوەی بابەتەکە بەو زمانەی کە پێی نووسراوە!
This item has been viewed 1,228 times
Write your comment about this item!