تۆرا #لالش# یا ڕاگەهاندنێ : ڕێناس دنایى
سترانبێژێ گەنج(نزار میرزا) بەرنیاسە ب نزار شنگالى،ڤەکۆلینەکا مەزن ل ژێر ناسناڤێ (بەشێن ئەدەبێ فلکلۆرێ دەڤەرا شنگالێ) ئەنجام دایە،د دیدارەکێ دا بۆ دەنگێ لالش دیارکر، ئیرۆ ل سەر مللێن سترانبێژێن گەنج ب ئەرکێ خۆ ڕابن، داکو ئەڤ فلکلۆرە هندا نەبت و ژناڤ نەچت، ژبەرکو ئەڤ ستران و کەلتۆرێ مە یێ ماى بەشەکێ مەزنن ژ دیرۆکا ئێزدیان و ب ڕێیا سترانێ دئێنە پاراستن.
نزارى گۆت: ئه و دەرچوویێ پشکا زمانێ کوردى یە ل کولیژا زمانان ل زانکۆیا دهۆکێ، پشتى ژ زانکۆیێ دەرچوویى دەست ب ڤەکۆلین و لێکۆلینان ل دۆر فلکلۆرێ دەڤەرا شنگالێ کریە و ڤەکۆلینەکا مەزن ل ژێر ناسناڤێ (بەشێن ئەدەبێ فلکلۆرێ دەڤەرا شنگالێ) ئەنجام دایە، پشتى کو زانست ژێک هاتینە جوداکرن و ڤەکۆلەر و زانایا زانست ژ ئێک جوداکرین و هەر زانستەکى سەربەخۆیەک وەرگرت فلکلۆر ژى ئێک ژ وان زانستایە کو ژ داهێنانا خەلکى یە ڕامانا وێ ژى ژ دوو برگێن زمانێ ئینگلیزى پێک دئێت(folk u lore)کو جارا ئێکێ ل ئێک ژ ڕۆژنامێن بریتانى هاتیە بەلاڤکرن،سترانێ ژى گەلەک جۆر هەینە و هەر مللەتەک لگۆر فلکلۆر و کەلتۆرێ خۆ سترانا خۆ دابەش دکن، جۆرێن سترانێن مە ئێزدیا وەک (خزێمۆک پایزۆک ڕوبارۆک سترانێ ئەڤینێ و پەستە و پێگۆتن)ن، دابەشکرنا سترانێ دگەل ئەدەبى سترانا فلکلۆرى پێکڤە سترانەکا خۆمالى یە هەموو بەرهەمێ جڤاکێ مەیە و کارتێکرنا هیچ نەژادەکى لێنەبوویە لێ پشتى هاتنا دیانەتێن دى و زمانێن جودا جودا و مللەتێن جودا هاتینە دەڤەرێ ئه و مللەت بوونە ئەگەر کو گەلەک ژ کەلتۆرێ مللەتێ کورد و ب تایبەت ئێزدیان هندا ببن،وان مللەتا گەلەک ژێ تالانکر و ئەدەب و کەلتۆرێ خۆ ل سەر مللەتێ ئێزدى سەپاندن، دەما فەرمانەک یان جینۆسایدەک ب سەر مللەتەکى دا دئێت نەکو ب تنێ ژلایێ تالانکرن و کوشتنێ بەلکو زمان و جلوبەرگێن وى نەژادى ژى دئێنە گهۆرین هەتاکو خوارن و ڤەخوارن ژى گهۆرین ب سەردا دئێن.
زێدەتر گۆت:ئەڤ فلکلۆرێ هندە مەزن ب مخابنى ڤە ژ هەر لایەکى ڤەهاتیە پشتگوه هاڤێتن و هەتاکو ژلایێ قوتابى و ڤەکۆلەر و نڤیسکارێن مەژى ڤە پشتگوه هاڤێتیە،ئەگەر ژى بۆ کاودانێن ئابوورى یان ژى ژلایێ کەسى ب خۆژى دزڤرن، ئیرۆ ل سەر مللێن سترانبێژێن مە یێن گەنج ب هەر شێوەکى چ ب نڤیسین یان گۆتن ب ئەرکێ خۆ ڕابن،داکو ئەڤ فلکلۆرە هندا نەبت و ژناڤ نەچت،ژبەرکو مە ئێزدیا چ زانستێن دى نەبووینە وەک مللەتێ یۆنانیا و ڕۆمانیا،زانستێ کو ب تنێ ئەم دکارین ل جەم خۆ بهێلین ئەڤ ستران و کەلتۆرێ مە یێ ماى بەشەکێ مەزنە ژ دیرۆکا ئێزدیان و ب ڕێیا سترانێ دئێنە پاراستن.
س.س[1]
Kurdipedia is not responsible for the content of this item. We recorded it for archival purposes.
This item has been written in (کرمانجی) language, click on icon
to open the item in the original language!
ئەڤ بابەت ب زمانێ (کرمانجی) هاتیە نڤیساندن، کلیک ل ئایکۆنا
بکە ژ بو ڤەکرنا ڤی بابەتی ب وی زمانێ کو پێ هاتیە نڤیساندن!
This item has been viewed 2,021 times
Write your comment about this item!