پشکی یەکێتی لە پڕۆژەکانی وەبەرهێنان لەسەدا 10 بۆ سەدا 35 دەبێت
هەموو پڕۆژەیەکی وەبەرهێنان لە سنووری پارێزگای #سلێمانی# و #هەڵەبجە#، بەرلەوەی مۆڵەتی بۆ وەربگیرێت و بچێتە بواری جێبەجێکردن پێویستە پشکی یەکێتی تێدا دیاریبکرێت.
بەپێی زانیارییەکانی بوار، بەر لە ئەنجامدانی هەر پڕۆژەیەکی وەبەرهێنان لە سنووری پارێزگای سلێمانی و هەڵەبجه و ئیدارە سەربەخۆکان پێویستە وەبەرهێنەر ڕەزامەندی ئیدارەی گشتی یەکێتیی وەرگرێت و هیچ وەبەرهێنەرێک بەبێ وەرگرتنی کۆد و ژمارەی ئیداری گشتیی لە وەزارەتی شارەوانی لایەنە پەیوەندیدارەکان ڕەزامەندی لەسەر دەستپێکردنی پڕۆژەکەی پێنادرێت.
بەپێی بەدواداچوونەکانی بوار، پشکی ئیداری گشتیی لە هەر پڕۆژەیەکی وبەرهێنان لە نێوان سەدا 10 بۆ 35 دەبێت بە گوێرەی پڕۆژەکە، پشکی ئیدارەی گشتیش لە هەر پڕۆژەیەک، تەنها لە قازانجی پڕۆژەکە نییە، بەڵکو لە تەواوی پڕۆژەکە دەبێت.
هەربەپێی زانیارییەکان، #یەکێتیی نیشتمانی کوردستان# ڕێگە بە هیچ وەبەرهێنەرێک و سەرمایەدارێک نادات لەبڕی بەڕێکردنی مامەڵەکانیان پارە بدرێت بە بەرپرسانی حزبی و حکومەتی و بەڕێوبەرە گشتییەکان، بەڵکو لە بڕی ئەوە دەبێت هەر وەبەرهێنەر بەشێک لە پشکەکانی بدات بە ئیداری گشتیی یەکێتیی نیشتمانی کوردستان. [1]
Kurdipedia is not responsible for the content of this item. We recorded it for archival purposes.
This item has been written in (کوردیی ناوەڕاست) language, click on icon
to open the item in the original language!
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
بکە بۆ کردنەوەی بابەتەکە بەو زمانەی کە پێی نووسراوە!
This item has been viewed 1,243 times
Write your comment about this item!