ناو: محەمەد
نازناو: حەمە ئاغای دەربەندفەقەرە - تالعی
ناوی باوک: میر سمایل میر نەوشیروان بەگی زەنگەنە
ساڵی لەدایکبوون: 1765
ساڵی کۆچی دوایی: 1832
شوێنی لەدایکبوون: گوندی #قەیتول#
شوێنی کۆچی دوایی: گوندی #دەربەندفەقەرە#
$ژیاننامە$
یەکێک لە شاعیرانی کلاسیکی کوردی بووە، نازناوی تالعی بووە، کوڕی میری گەورەی زەنگەنە میر سمایل بووە، ماوەیەک چووەتە ڕۆژهەڵاتی کوردستان و لە شاری #سنە# دانیشتووە، دواتر گەڕاوەتەوە بۆ باشوور و گوندی دەربەندفەقەری درووست ئاوەدان کردووەتەوە، خوێندەواری نەبووە، بەڵام شاعیر و هۆنەرێکی بەناوبانگی سەردەمی خۆی بووە، هاوسەردەمی شاعیری بەناوبانگ #ئەحمەد بەگی کۆماسی# بووە، هۆنراوەیان بۆ یەک نووسیوە، لەسەردەمی بابانەکاندا، لەگەڵ #عەبدولڕەحمان پاشای بابان# دا کێشە کەوتووەتە نێوانیان و هۆنراوەی بەناوبانگی (میرزام تەواری، میرزام تەواوری- شێروانەی بازی تەلان تەواری) بۆ نووسیوە، هۆنراوەکانی بەزاری گۆرانی-هەورامی نووسیوە، بە هۆنراوەی (گڵکۆی تازەی لەیل، گڵکۆی تازەی لەیل) ناوبانگی دەرکردووە. #عەلائەدین سوجادی# لە پەرتووکی #ڕشتەی مرواری# و #نەوشیروان مستەفا# لە پەرتووکی #بەدەم ڕێگاوە گوڵ چینین# دا باسیان کردووە. [1]
This item has been written in (کوردیی ناوەڕاست) language, click on icon
![](https://www.kurdipedia.org/images/flags/ku.png)
to open the item in the original language!
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
![](https://www.kurdipedia.org/images/flags/ku.png)
بکە بۆ کردنەوەی بابەتەکە بەو زمانەی کە پێی نووسراوە!
This item has been viewed 622 times
Write your comment about this item!