ناونیشانی بابەت: #سلێمانى#.. نۆژەنکردنەوەى بارەگاى مەلیک مەحموود لە قۆناغى کۆتاییدایە
ئامادەکردنی: #هەڵمەت بتوێنی#
بارەگای مەلیک مەحموود لە شارى سلێمانى، کە یەکێکە لە خانووە کەلەپوورییەکان، کارى نۆژەنکردنەوەى بۆ دەکرێت و بەڕێوەبەرى شوێنەوارى سلێمانییش دەڵێت: لە کۆى زیاتر لە سەد خانووى شوێنەواریى ناو شارى سلێمانى زۆربەیان ڕووخاون.
حسێن حەمە غەریب، بەڕێوەبەرى شوێنەوارى سلێمانى، بە (باسکورد) ی ڕاگەیاند: خانووى بارەگاى #شێخ مەحموودی حەفید#، چەند ساڵێک پێش ئێستا بڕیارى نۆژەنکردنەوەى درا، بەڵام بەهۆى قەیرانەکانەوە کارکردن تێیدا وەستێنرا، بەڵام ماوەیەکە ڕێکخراوی CDO بودجەی تەواوکاریان بۆ خەرج کرد و ئێستا بە سەرپەرشتیی بەڕێوەبەرایەتییەکەمان کارکردن تێیدا گەیشتووەتە قۆناغى کۆتایی.
وتیشى: بەتەواوبوونى خانووەکە، بەشێکى مێژوو و کەلەپوورى مەلیک مەحموود لە فەوتان دەپارێزرێت و زۆربەى ئەو شتانەی پەیوەندیىان بەوەوە هەیە، لەو خانووەدا دەپارزرێت و دەبێتە شوێنێکى گرنگى گەشتیاریی شوێنەوارى.
بەڕێوەبەرى شوێنەوارى سلێمانى باسى لەوەش کرد: بەداخەوە لە کۆى 106 خانووى کەلەپوورى ناو شارى سلێمانى، زۆربەیان بەهۆى نەبوونى بودجە بۆ نۆژەنکردنەوەیان ڕووخاون و تەنیا بەشێکى کەم لە بودجە بۆ نۆژەنکردنەوەیان تەرخان کراوە، لەوڕووەوە داواکاریمان داوەتە لایەنى پەیوەندیدار.[1]
Kurdipedia is not responsible for the content of this item. We recorded it for archival purposes.
This item has been written in (کوردیی ناوەڕاست) language, click on icon
to open the item in the original language!
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
بکە بۆ کردنەوەی بابەتەکە بەو زمانەی کە پێی نووسراوە!
This item has been viewed 733 times
Write your comment about this item!