لە شاری #سلێمانی# و لەنێو هۆڵی کۆلێژی وەرزشی #زانکۆی سلێمانی# یەکێتی موایتایی ئێراق خولێکی ڕاهێنەری ڕێکخست.
ڕۆژی هەینی #30-08-2024# یەکێتی موایتایی سلێمانی لەژێر چاودێری و سەرپەرشتی یەکێتی موایتایی ئێراق خولێکی ڕاهێنەری بۆ 250 فێرخواز ڕێکخست، لەو خولەدا کە وانەکانی بە شێوەی تیۆری و پراکتیکی بوو #بەرهەم محەمەد#ی ڕاهێنەری تیمی موایتایی یانەی پێشمەرگە و ڕاهێنەری هەڵبژاردەی ئێراق وانەکانی بە شێوەیەکی سەرکەوتوو وتەوە.
سەبارەت بە خولەکە بەرهەم محەمەدی ڕاهێنەر بۆ پێشمەرگە سپۆرت وتی، مەبەست لە ئەنجامدانی خولەکە برەودان و بەرەوپێشچوونی ئاستی یارییەکەیە لە شاری سلێمانی تا فێرخوازان و یاریزانان و ڕاهێنەران ئاستیان بەرەو پێشبچێت لەگەڵ تازەگەرییەکانی سەردەم و یاساکانی یاری موایتایی.
بەرهەم وتیشی یانەی وەرزشی پێشمەرگە پێگەیەکی بەهێزی لە یاری موایتایی هەیە چ لەسەر ئاستی ڕاهێنەری و یاخود یاریزانان و ئەنجامەکان و دەست کەوتەکانیش شاهیدی ئاست بەرزی تیمەکەی یانەی پێشمەرگەن لەسەر ئاستی نێو خۆی و نێودەوڵەتی دەدەن هەر بۆیە وەک ڕاهێنەری یانەی پێشمەرگە و هەڵبژاردەی ئێراق بە وانەبێژی ئەو خولە دیاری کراوین. [1]
Kurdipedia is not responsible for the content of this item. We recorded it for archival purposes.
This item has been written in (کوردیی ناوەڕاست) language, click on icon
to open the item in the original language!
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
بکە بۆ کردنەوەی بابەتەکە بەو زمانەی کە پێی نووسراوە!
This item has been viewed 880 times
Write your comment about this item!