ناڤ: ئازاد
ناڤێ بابی: وەهاب
ناسناڤ: خانەقینی
ساڵا ژدایکبوونێ: 1958
جهێ ژدایکبوونێ: #خانەقین#
ڕوژا وەغەرا داویێ: #01-05-2006#
جهێ وەغەرا داویێ: باشوورێ کوردستانێ - باژێڕێ #سلێمانی#
$ژیاننامە$
ناڤێ تمامی یێ هونەرمەندێ وەغەر کری ئازاد وەهاب عەبدولڕەحمان بوویە و ل ساڵا 1958 یا زایینی ل باژێڕوکێ خانەقین یا سەر ب پارێزگەها دیالە، کو بەشەکا هەرە زورا ئاکنجیێن وێ کوردن، ژدایک بوویە و ژبەر حەزەکە ئێک جار زوور یا وی ژبو هونەر و ب تایبەت هونەرێ کوردی ل ساڵا 1977ێ دە چوویە ناڤ دنیایا هونەر و هەژمارەک زور ستران و سروودێن نشتیمانی شوڕشگێڕی گوتینە و ڤەهاندینە، کو زوربەیا ئەوان هۆزان و سترانا ڤەدگەڕێن ژبو فۆلکلۆرێ لۆڕی.
هونەرمەند ئازار وەهاب ل دەستپێکا ژیانا لاوینییا خودە و د ژییێ 19 ساڵی و ب دیاری کری ل ساڵا 1979 دچیتە چیا و پەیوەندی ب شوڕەشا کوردی ڤە دکەت، چەند ساڵەکان پشتی ئەڤێ پەیوەندیێ و د ساڵا 1984 بوویە ئەندامێ تیپا موزیکا شەهید کارزان.
هەروەسا ئازاد وەهاب ژبلی کارێ هونەری وەکە پێشکەش کار ل ڕادیۆیا دەنگێ گەلی کوردستان یا سەر ب ئۆرگانێن حزبا یەکێتی نشتیمانی کوردستان کارێ خوە کرییە و ل بوارێ دۆکیومێنت کرنا دیروکا ڕاگهاندنا (ی. ن. ک)ێ دە جهێ دەستێ وی دیار بوویە و ئەڤ دیروکا هەنێ کو مە لسەرڤە ائیماژە پێکری ل ساڵا 1975 هەیا ساڵا 1991 و ل چارچێوێ پەرتووکەکێ دە بناڤێ (مادێنا، مێژوو و بیبلۆگرافیای ڕاگەیاندنی یەکێتیی نیشتمانیی کوردستان) نڤیسیە.
ب مخابنی ڤە ل ڕێکەفتا 01-05-2006 ژبەر نەخۆشیێ و ب مەرگێ سروشتی هونەرمەندێ پێشمەرگە ئازاد وەهاب عەبدولڕەحمان ل باژێڕێ سلێمانی گیانێ خوە ژدەستدا و ل گوڕستانا شەهیدان یا باژێڕێ سلێمانیێ ب ئامادە بوونا کەس و کار، دۆست و هەڤال و هەڤسەنگەرێن وی هاتە بخاک سپاردن.[1]