ئەمڕۆ یادی 37ەمین ساڵی کۆچی دوایی #ئیدریس بارزانی#یە کە لە ڕوژێکی وەک ئەمڕۆدا بزاڤی ڕزگاریخوازی کوردی یەک لە سەرکردە دیارەکان و ئەندازیاری ئاشتی لەدەست دا.
لە ڕۆژی #31-01-1987# ئیدریس مەلا مستەفا بارزانی کۆچی دوایی کرد. ئیدریس بارزانی مل بە ملی سەرۆک #مەسعوود بارزانی# ڕۆڵێکی گرنگی لە بزاڤی ڕزگاریخوازی کورد و کوردستان و خەبات دژی داگیرکەراندا هەبووە. سەرۆک مەسعوود بارزانی دەربارەی ئیدریس بارزانی برای دەڵێت: ئیدریس بارزانی کەسێکی زۆر گەورە بوو، گەورەیی ئەو لە تێگەیشتن و پێگەیشتنی ئەو بووە، هەموو سیفاتەکانی #مەلا مستەفا بارزانی# لەناو ئەودا هەبوون، مرۆڤێکی ئاشتیخواز بوو و هیچ جارێک حەزی لە تۆڵەسەندنەوە نەبووە.
زۆرێک لە سەرکردەکانی کورد باس و پەسنی ئیدریس بارزانی دەکەن، ڕەوانشاد مام #جەلال تاڵەبانی#، دەربارەی ئەو کەسایەتییە وتویەتی: ئیدریس بارزانی کەسێکی ژیر بوو و پاشەڕۆژێکی وەک ئەمڕۆی دەدیت.
#نێچیرڤان بارزانی# کاتێک باسی باوکی دەکات، دەڵێت: سەرەڕای ئەوەی کە ئەرکی باوکم گران بوو، خۆی لە خوێندنەوەی پرتووک دور نەدەکرد و زۆربەی هۆزانەکانی، خانی و جزیری و وەفایی لەبەر بوون.
هەر دەربارەی ئیدریس بارزانی دا، #د. ڕۆژ نووری شاوەیس# دەڵێت: ئەو مرۆڤیکی کوردپەروەر و نەتەوەیی بوو، فەرق و جیاوازی لەنێوان کوردەکانی هەر چوار پارچەی کوردستاندا نەدەکرد.
#فازڵ میرانی#یش دەڵێت: کلیلی چارەسەر کردنی هەموو کێشەکان لە دەستی ئیدریس بارزانی دا هەبوو.
سیاسەتمەدار #مەحموود عوسمان#یش دەربارەی ئیدریس بارزانی دەڵێت: ئەو مرۆڤێکی شەڕخواز نەبوو، حەزی لە شەڕ نەبوو، بە تایبەت شەڕی کورد و کورد.
هەروەها حەمید ئەفەندی، پێشمەرگەی #شۆڕشی ئەیلول#یش دەڵێت: ئیدریس بارزانی کەسێکی زۆر ژیر بوو و بیر و هزر و مێشکێکی سەربازی و ئیداری بەهێزی هەبوو.[1] [2]
Kurdipedia is not responsible for the content of this item. We recorded it for archival purposes.
This item has been written in (کوردیی ناوەڕاست) language, click on icon
to open the item in the original language!
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
بکە بۆ کردنەوەی بابەتەکە بەو زمانەی کە پێی نووسراوە!
This item has been viewed 424 times
Write your comment about this item!