$باکووری کوردستان$
- ئاسایشی #ئامەد# لە هەڵمەتێکدا هەزار و 432 کەسی پشکنی و لێپرسینەوەیشی لەگەڵ هەزار و 393 کەس ئەنجامدا.[4]
$رۆژهەڵاتی کوردستان$
- دووکاندارەکانی شارەکانی #بانە# و #پیرانشار#، بە مەبەستی دەربڕینی ناڕەزایی لە دژی بێکاریی و داخستنی دەروازە سنوورییەکان مانیان لە کارکردن گرت و دووکان و بازاڕیان داخست.[2]
- #ئیبراهیم عەزیزی#، ئەندامی دەفتەری سیاسی حزبی کۆمەڵەی ئێران جەختیکردەوە، کە گەلی ڕۆژهەڵاتی کوردستان پشتوانی عەفرینە، ڕاشیگەیاند، کە ئەوان ئامادەن هێزی پێشمەرگە بنێرنە عەفرین، داواشی لە حکومەتی هەرێم کرد سنورەکانیان بەڕووی ڕۆژئاوای کوردستاندا ئاوەڵا بکەن.[2]
$باشووری کوردستان$
- لە باشوری کوردستان خۆپیشاندانی سەرتاسەریی بۆ پشتیوانیی عەفرین دەستیپیکرد.[3]
- پارتی ڕێگرییکرد لە ئەنجامدانی ئەو چالاکییەی، کە بڕیاربوو لە شارۆچکەی #سۆران# بۆ پشتیوانیی عەفرین ئەنجام بدرێت.[2]
- #حەیدەر عەبادی# سەرۆک وەزیرانی عێراق لیژنەیەکی باڵای لە وەزارەتی ناوخۆو بەرگری ڕەوانەی #کەرکووک# کردووە بۆ بەدواداچوون لەبارەی دۆخی ئەمنی شارەکەوە.[1]
- دژە تیرۆری عێراق تەئکید دەکاتەوە، بەهەموو هێزو توانایەوە ڕووبەڕووی هەر هێزێک دەبنەوە هەوڵ بدات لەشارەکە نزیکبێتەوە، پۆلیسی شارەکەش ئاماژە بەوە دەکات، دۆخی سەنتەری کەرکووک و دەوروبەری ئارامە.[1]
$رۆژئاوای کوردستان$
- فڕۆکە جەنگییەکانی سوپای تورک گوندی عەرەبوێران بۆردوومان دەکەن و لە گوندی حاجیلکا-ش شەڕی سەخت لەنێوان شەڕڤانان و هێزە داگیرکەرەکاندا ڕوودەدات.[2]
- لە #عەفرین# منداڵێکی تەمەن پێنج ساڵان بە ناوی #ئیبراهیم ڕەشید# کرایە ئامانجی هێرشی سوپای تورک و شەهیدبوو.[2]
- سوپای تورک و چەتەکانی بەردەوامن لە ئەنجامدانی تاوانی دژەمرۆیانە لە دژی هاوڵاتیانی عەفرین، لە کردەوەیەکی دیکەدا چوار هاوڵاتیی گوندنشینی بەتەمەنیان بەیەکەوە بەستووەتەوە و لە دەوریان مینیان چاندووە.[2]
- سەرەڕای هەموو هێرشەکانی دەوڵەتی تورک بۆسەر کاروانی هاوڵاتیانی #جزیرە# و فورات، کە بەرەو عەفرین بۆ پشتگیریی بەرخۆدان بەرێکەوتبوون، ئەو هاوڵاتیانە گەیشتنە عەفرین و کەمێک پێش ئێستا بەشداری ڕێپێوانی گەورە بۆ پشتگیریی بەرخۆدانی عەفرین بوون.[2]
- شاندێکی ژنانی سێ پارچەی کوردستان بە مەبەستی پشتگیریکردنی بەرخۆدانی سەردەم لە عەفرین، بەرەو ڕۆژئاوای کوردستان بەڕێکەوتن.[2]
- لە دەوروبەری گوندی ئۆمەرای سەربە شەرای کانتۆنی عەفرین، شەڕێکی سەخت لە نێوان شەرڤانانی یەپەژە و یەپەگەدا و هێزە داگیرکەرەکاندا ڕوودەدات و ژمارەیەکی زۆر لە سەرباز و چەتەکانی سوپای تورک لەو شەڕەدا کوژراون.[2]
- سوپای تورکیا بە بڵاوکردنەوەی گرتەیەکی ڤیدیۆیی ڕایگەیاند، هێرشی ئاسمانیان کردووەتە سەر کاروانێک لەو ئۆتۆمبێلانەی ویستوویانە بچنە عەفرین. تورکیا دەڵێت، ئەم کاروانە هەڵگری چەک و تەقەمەنی بووە بۆ شەڕڤانان. بەڵام چەند کەس لە بریندارەکان کە بۆ نەخۆشخانە گواستراونەتەوە، دەڵێن، ئەوان سڤیل بوونەوە و تەنیا ویستوویانە بەو شێوەیە پاڵپشتی لە عەفرین بکەن. ڕەتیشیدەکەنەوە چەک و تەقەمەنیان بۆ عەفرین گواستبێتەوە. بەگوێرەی سەرچاوە خۆجێیەکان، کاروانەکە لە شارەکانی #قامشلۆ# و #کۆبانێ#-وە بۆ عەفرین دەڕۆیشت بۆ ئەوەی پاڵپشتی خۆیان بۆ خەڵکی ئەو هەرێمەی ڕۆژئاوای کوردستان دەرببڕن.[4]

#24-02-2018#