$باکووری کوردستان$
- دادگای تورک سزای 10 ساڵی زیندانیکردنی #ئایسەل توگلوک# سیاسەتمەداری کوردی پەسەند کرد.[2]
$رۆژهەڵاتی کوردستان$
- زیانلێکەوتوانی بومەلەرزەکەی ناوچەی خۆی و گوندەکانی دەورووبەری داوای هاوکاریی خێرا دەکەن. گودنشنیانی ئەو ناوچەیە ڕایانگەیاند، هاوکارییەکانی ڕژێمی ئێران کەمن و بەشی پێویستیی زیانلێکەوتوەکان ناکات.[2]
- بەڕێوەبەری تەندروستی پارێزگای #کرماشان# ئاشکرایکرد کە یەکەمین حاڵەتی تووشبوون بە کۆرۆنا له و پارێزگایە تۆمار کراوە.[5]
- هێزە ئیتلاعاتییەکان لە #ورمێ# لاوێکی کوردیان بە ناوی سیروان محەممەدی دەسبەسەر کرد و بۆ شوێنێکی نادیاریان ڕاگواست. دەسبەسەرکردنی ئەو لاوە کوردە بەبێ بەڵگەی یاسایی بووە و هەتا ئێستا هیچ زانیارییەک لەمەڕ چارەنووسی ناوبراو لەبەر دەستدا نییە. بە وتەی سەرچاوەیەکی ئاگادار، ئەو لاوە کوردە بە تۆمەتی ئەندامبوون لە یەکێک لە حیزبە کوردییەکانی دژبەری حکوومەتی ئێران دەسبەسەر کراوە.[8]
$باشووری کوردستان$
- 4 حاڵەتی نەخۆشی کڕۆنا لەناو خێزانێکی تورکمان لە #کەرکووک# ڕاگەیندرا و بەو هۆیەوە پڕۆسەی خوێندن لە شارەکە ڕاگیرا.[1]=KTML_Photo_Begin=https://www.kurdipedia.org/files/relatedfiles/2020/376665/0024.JPG=KTML_Photo_Alt=لە چالاکییەکانی ئەمڕۆ: 25-02-2020=KTML_Style=width:25%;height:20%;float:right;=KTML_Photo_Target_Link=https://www.kurdipedia.org/files/relatedfiles/2020/376665/0024.JPG=KTML_Photo_End=
- لە پارێزگای #سلێمانی# وەک خۆپاراستن لە نەخۆشیی کڕۆنا، پڕۆسەی خوێندن لە ڕۆژی #26-02-2020# بۆ ماوەی مانگێک ڕاگیرا. سەرچاوەکان باس لەوەدەکەن کە ئەم بڕیارە #مەسرور بارزانی#ی سەرۆک وەزیرانی تووڕەکردووە و گلەییی لە #قوباد تاڵەبانی# کردووە لەسەر ئەو بڕیارە.[1]
- ئەنجوومەنی وەزیرانی هەرێمی کوردستان بۆ پێشگیری لە بڵاوبوونەوەی کۆرۆنا بڕیاریدا لەسەرجەم ناوەندەکانی خوێندن لە سبەی چوارشەممەوە تاوەکو #23-03-2020# پشووی فەرمی بێت، #وەزارەتی پەروەردە#ش دەڵێت، پشووی فەرمی باخچە، قوتابخانە و پەیمانگە حکومی و ناحکومییەکان دەگرێتەوە.[4]
- شەوی ڕابوردوو لە هوتێلێکی شاری #هەولێر# دەیان هاووڵاتی مانیان لە خواردن گرت، ئەوەش بەهۆی تێکەڵکردنیان لەگەڵ ئەو هاووڵاتیانەی کە لە تازە ئێران گەڕاونەتەوە.[3]
- دوو کەس لە سلێمانی گومانی نەخۆشیی کڕۆنایان لێدەکرا، بەڵام پاش پشکنین دەرکەوت کە ئەو نەخۆشییەیان نییە.[1]
- یاد نەقشبەندی وتەبێژی بەرێوبەرایەتی تەندروستی سلێمانی لە لێدوانێکی ڕۆژنامەنووسیدا ڕایگەیاند: هیچ حاڵەتێکی ڤایرۆسی کۆرۆنا لە شاری سلێمانی بوونی نییه و دوو حاڵەتی گوماناویش دوای پشکنین بۆیان نێگەتیڤ دەرچوون و نێردراونەتەوە ماڵەوە.[5]
- ئامێری کیتی، کە تایبەتە بە پشکینی ڤایرۆسی کۆرۆنا لە لایەن ڕێخراوی تەندروستی جیهانییەوە بە هاوکاری وەزارەتی تەندروستی هەرێمی کوردستان دابین کراوە، ئێستاش دەستکراوە بە پشکنینی ئەو نمونانەی لە بەردەستی وەزارەتدان.[6]
- بۆ ڕێگریکردن لە بڵاوبوونەوەی ڤایرۆسی کۆرۆنا و لە پێناو سەلامەتیی تەندروستی هاووڵاتیان، قایمقامی شارۆچکەی #کەلار# بە بڕیارێک سەرجەم کافتریاکانی سنووری ئه و قەزایەی داخست.[6]
- لەکۆبوونەوەی ئەمڕۆی ئەنجومەنی وەزیران بڕیار درا سەرجەم بارهەڵگرەکانی سووتەمەنی و کەلوپەل و خۆراک کە لەئێرانەوە دێتە هەرێمی کوردستان بەفۆڕمی تایبەت و بەقافڵەی ئاسایش بهێنرێتە ئەو شوێنەی دەیەوێت بارەکەی لێداگرێت و بەهەمان شێوە بەقافڵەی ئاسایش بگەڕێتەوە بۆ دیوی ئێران.[3]
- لە شارۆچکەی #چەمچەماڵ# لە مەراسیمی ساڵرۆژی شەهیدبوونی #گەرمیان#، خەڵاتی شەهید گەرمیان بەخشرایە #مەزڵوم کۆبانی#.[2]
- دوازدەهەمین پیشانگەی نێودەوڵەتی هەولێر بەبەشداری 90 کۆمپانیا کرایەوە.[3]
- بەگوێرەی ڕاگەیەندراوێکی هاتووچۆی سلێمانی، بەهۆی باران ئەو سایدەی بەرەو پردی #قلیاسان# دەڕوات لە دادگای سلێمانیەوە، داڕوخا.[6]
- کۆمپانیای ئیعماری ئیماراتی کە یەکێکە لە گەورەترین کۆمپانیاکانی وڵاتەکە لە هەرێمی کوردستان دەست بەکارەکانی دەکاتەوە.[6]
$رۆژئاوای کوردستان$
- 8مین کۆنگرەی ئاسایی پارتی یەکێتی دیموکراتیک (#پەیەدە#) لە شاری ڕمێڵان لە ڕۆژی دووەمدا بەردەوامە. کۆنگرە بە دروشمی 'ئێمە بە یەکێتی دیموکراتیک داگیرکاری تێکدەشکێنین، بەرێوەبەرایەتی خۆسەر بەهێز دەکەین و سوریایەکی دیموکرات دروست دەکەین' بەردەوامە و 600 کەس لە باکوور و ڕۆژهەڵاتی سوریا بەشداریان تێدا کردووە. ڕۆژەڤی ئەمڕۆی کۆنگرەکە، باسکردنی بەرنامەی پارتەکە، ئەنجومەنی پارتەکە و پەیرەوی ناوخۆ دەبێت.[2]=KTML_ImageCaption_Begin==KTML_StyleDiv=width:30%;height:20%;float:left;=KTML_ImageCaption_Target_Link=https://www.kurdipedia.org/files/relatedfiles/2020/376665/0026.JPG=KTML_ImageCaption_Title=ئەنوەر موسلم و ئایشە حسۆ بە هاوسەرۆکانی پەیەدە هەڵبژێردران=KTML_ImageCaption_CaptionStyle=000000=KTML_ImageCaption_Caption=ئەنوەر موسلم و ئایشە حسۆ بە هاوسەرۆکانی پەیەدە هەڵبژێردران=KTML_ImageCaption_End=
- لە هەشتەمین کۆنگرەی ئاسایی پەیەدە دا دوای پەسەندکردنی پەیرەوی ناوخۆ و بەرنامەی سیاسی حزب، هەر یەک لە ئەنوەر موسلم و ئایشە حسۆ وەک هاوسەرۆکانی پەیەدە هەڵبژێردران.[2]
- سوپای داگیرکەری تورک و چەتەکانی فڕۆکەخانەی منخ و گوندەکانی ناوچەی شەرا لە #عەفرین# تۆپباران دەکەن.[7]
$دەرەوەی کوردستان$
- ئاژانسی هەواڵی فەرمیی سووریا سانا بڵاویکردەوە، ئەمڕۆ یەکەیەکی سەربازی سەر بە سوپای سووریا فڕۆکەیەکی بێفڕۆکەوانی تورکیای لە ناوچەی دادیخ لە باشووری ڕۆژهەڵاتی ئیدلب خستە خوارەوە.[6]