ناونیشان: =KTML_Bold=دژایەتیکردنی زمانی کوردی لەلایەن داگیرکەری فارسەوە لە شارۆچکەی کۆتۆلی پارێزگای ورمێ=KTML_End=
بابەت: ڕامیاری
ڕێگریکردنی بەردەوام لە بەکارهێنانی زمانی کوردی لە شارێک کە خەڵکەکەی کوردن لە ڕوانگەی ئەوانەوە ئاکارێکە لە ئاستی لەناوبردنی شوناس و هەڵاواردنی نەژادی. لە ماوەی مانگەکانی ڕابردوودا دوو حاڵەتی دیکە لە هەڵسوکەوتی ناوەندە پەیوەندیدارەکان بە مەبەستی لابردنی ناوە کوردییەکان لەسەر دووکانەکان لە شاری #کۆتۆل# ڕوویداوە.بە جۆرێک خاوەنی دووکانێکی پێڵاو فرۆشی ناچار کراوە وشەی کوردستان لە ڕێنووسی کوردستانەوە بۆ (کردستان) بگۆڕێت. لە یەکێک لە حاڵەتەکانی دیکەدا سووپەرمارکێتێک ناچار کراوە کە وشەی #کۆبانێ# کە یەکێک لە شارەکانی ڕۆژاوای کوردستانە، لەسەر دووکانەکەی لا ببات.
ڕێگرییەکانی حکوومەت تەنیا لە بیاڤی زمانی کوردیدا نەماوەتەوە، بەڵکوو خەڵکی ئەم شارە و چالاکانی مەدەنی ساڵانێکە لەگەڵ ڕێگرییەکانی حکوومەت بۆ بەڕێوەبردنی هەر چەشنە فێستیڤاڵ و شانۆیەکی فەرهەنگی -هونەری کە بە زمانی کوردی بێت دەوەستنەوە. لە نوێترین حاڵەتدا لە #13-12-2024# پێش بەڕێوەچوونی شانۆیەکی هونەریی تەنز لە ساڵۆنی وەرزشیی کۆتۆل گیرا کە بڕیار بوو بە زمای کوردی بێت و پێشتریش لەلایەن فەرمانداریی کۆتۆ لەوە مۆڵەتی نووسراوی وەرگرتبوو. ئەم شانۆیە کە بڕیار بوو لەلایەن گرووپێکی هونەریی کوردەوە لەژێر ناوی بنەماڵ بەڕێوە بچێت، بە فەرمانی فەرمانداری کۆتۆل و تەنیا بەم وەڵامە کە نابێت لە کۆتۆل بەڕێوەبچێت هەڵوەشاوەتەوە.
=KTML_Bold=بخێر هاتن باژاڕێ کۆتۆلێ=KTML_End=
لە ڕێکەوتی #28-12-2024# لە ماوەی ڕۆژانی ڕابردوودا تابلۆی چوونەژوورەوەی شاری کۆتۆل کە لەسەریەوە بە زاراوەی کرمانجی بەخێرهاتنی خەڵک کرابوو، بە فەرمانی فەرمانداری (خۆی) لابردرا.
ئەم تابلۆی بەخێرهاتنە لەلایەن سڵێمان مامە شارەداری کۆتۆلێوە لە چوونەژوورەوەی خاڵی سنووریی ڕازی دانرابوو، سەرەڕای تێپەڕبوونی چەند ڕۆژ، ڕۆژی پێنجشەممە #26-12-2024# بە فەرمانی کەریم عەلینەژاد فەرمانداری خۆی، هێنرایە خوارەوە.
[1]
Kurdipedia is not responsible for the content of this item. We recorded it for archival purposes.
This item has been written in (کوردیی ناوەڕاست) language, click on icon
to open the item in the original language!
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
بکە بۆ کردنەوەی بابەتەکە بەو زمانەی کە پێی نووسراوە!
This item has been viewed 681 times
Write your comment about this item!