[1]

بافڵ جەلال تاڵەبانی سەرۆکی یەکێتیی نیشتمانیی کوردستان، لە پەیامێکدا پیرۆزبایی لە دکتۆر مەسعود پزیشکیان سەرۆککۆمارى نوێى ئێران دەکات و راشیدەگەیەنێت: لەم دەرفەتەدا پەرەپێدانی پەیوەندییەکان و برایەتیی لەمێژینەی نێوان گەلی کورد و کۆماری ئیسلامیی ئێران دووپاتدەکەینەوە.

=KTML_Bold=دەقی پەیامەکە=KTML_End=
بەڕێز دکتۆر مەسعود پزیشکیان، سەرۆککۆمارى نوێى ئێران
‏بەبۆنەی هەڵبژاردنتان وەک سەرۆککۆماری نوێی کۆماری ئیسلامیی ئێران، پیرۆزباییەکی گەرمتان ئاڕاستە دەکەم و هیوای سەرکەوتنتان بۆ دەخوازم.
‏لەم دەرفەتەدا پەرەپێدانی پەیوەندییەکان و برایەتیی لەمێژینەی نێوان گەلی کورد و کۆماری ئیسلامیی ئێران لەچوارچێوەی پاراستنی بەرژەوەندی و بەها باڵاکانی نێوانمان دووپاتدەکەینەوە.
‏یەکێتیی نیشتمانیی کوردستان بەپەرۆشەوە چاوەڕێی هاریکاری و کاری پێکەوەییە لە بوارە جیاوازەکان و گەشەپێدانی هەماهەنگییەکان.
‏دڵنیاین کۆماری ئیسلامیی ئێران بە سەرکردایەتیی بەڕێزتان رۆڵێکی گرنگ دەگێڕێت لەپێناو پاراستنی سەقامگیریی ناوچەکە و پتەوکردنی پەیوەندییەکان لەگەڵ وڵاتانی دراوسێ و دۆست. [1]

‏#بافڵ تاڵەبانی#
‏سەرۆکی #یەکێتیی نیشتمانیی کوردستان#
=KTML_Bold=تێبینی: ئەم بەڵگەنامەیە کێشەی ڕێنووس و ڕێزمانیی هەیە، کوردیپێدیا بەمەبەست هیچ دەستکارییەکی نەکردووە!=KTML_End=

سەرۆکی #حکومەتی هەرێمی کوردستان#، پیرۆزبایی لە مەسعود پزیشکیان دەکات و رایدەگەیەنێت، ئێران دراوسێیەکی گرنگی هەرێمی کوردستان و عێراقە.
ئەمڕۆ شەممە #06-07-2024#، #مەسرور بارزانی#، سەرۆکی حکوومەتی هەرێمی کوردستان، پیرۆزبایی لە مەسعود پزیشکیان دەکات، بە بۆنەی هەڵبژاردنی بە سەرۆکی نوێی کۆماری ئیسلامی ئێران.
سەرۆکی حکوومەت لە پەیامەکەدا ئاماژەی بەوە کردووە، ئێران دراوسێیەکی گرنگی هەرێمی کوردستان و عێراقە.
مەسروور بارزانی روونی کردووەتەوە، بە هیوای قووڵکردنەوەی هاوئاهەنگیی نێوانمان لەسەر بنەمای دراوسێیەتی و ڕێز و بەرژەوەندی هاوبەش. [1]

=KTML_Bold=تێبینی: ئەم بەڵگەنامەیە کێشەی ڕێنووس و ڕێزمانیی هەیە، کوردیپێدیا بەمەبەست هیچ دەستکارییەکی نەکردووە!=KTML_End=

#قوباد تاڵەبانی# جێگری سەرۆکی ئەنجومەنی وەزیرانی هەرێمی کوردستان، پەیامێکی پیرۆزبایی ئاڕاستەی دکتۆر مەسعود پزشکیان سەرۆککۆماری نوێی ئێران دەکات و هیوای گەشەسەندنی زیاتری پەیوەندییەکان دەخوازێت.
=KTML_Bold=دەقی پەیامەکە=KTML_End=
بەبۆنەی هەڵبژێرانی وەک نۆیەمین سەرۆک کۆماری ئیسلامیی ئێران بە گەرمی پیرۆزبایی لە بەڕێز دکتۆر مەسعود پزشکیان دەکەین.
هیوادارین لەسەردەمی بەڕێزیاندا پەیوەندیی دۆستانەی نێوان هەردوو وڵاتی عێراق و ئێران و بە تایبەتیش پەیوەندیی نێوان هەرێمی کوردستان و کۆماری ئیسلامی لە بوارە جیاوازەکاندا گەشەی زیاتر بەخۆیەوە ببینێت. [1]

=KTML_Bold=تێبینی: ئەم بەڵگەنامەیە کێشەی ڕێنووس و ڕێزمانیی هەیە، کوردیپێدیا بەمەبەست هیچ دەستکارییەکی نەکردووە!=KTML_End=

مەکتەبی سیاسیی پارتی دیموکراتی کوردستان، پرسەنامەیەک ئاراستەی هونەرمەندی ناسراو وەلید مەعرووف دەکات.

=KTML_Bold=ئەمەی خوارەوەش دەقی پرسەنامەکەیە.=KTML_End=
بەڕێز/ #وەلید مەعروف#
بە دڵگرانییەکی زۆرەوە هەواڵی کۆچی دوایی دایکی بەڕێزتانمان بیست، بە خەمناکییەوە پرسە و سەرەخۆشی خۆمان ئاراستەی ئێوە و کەسوکار و بنەماڵە بەڕێزەکەتان دەکەین، خۆمان بەهاوبەشی خەمتان دەزانین.
ئومێدەوارین دڵنەوایی و هاوخەمی ئازیز و دۆست و خزمانتان ببێتە مایەی سەبووری و ئارامگرتنتان و لە خەم و نیگەرانیتان کەم بکاتەوە و لە کۆستی دیکە بە دووربن. [1]

مەکتەبی سیاسیی #پارتی دیموکراتی کوردستان#
#06-07-2024#
=KTML_Bold=تێبینی: ئەم بەڵگەنامەیە کێشەی ڕێنووس و ڕێزمانیی هەیە، کوردیپێدیا بەمەبەست هیچ دەستکارییەکی نەکردووە!=KTML_End=

بەبۆنەی هەڵبژاردنی مەسعوود پزیشکیان بە سەرۆککۆماری ئێران، #نێچیرڤان بارزانی#، سەرۆکی هەرێمی کوردستان پەیامی پیرۆزبایی ئاراستە کرد و ڕایگەیاند: چاومان لە برەودان بە پەیوەندیی لەمێژینەی دۆستانە و بەردەوامیی هاریکاریی هاوبەشە.
ڕۆژی شەممە، (#06-07-2024#) نێچیرڤان بارزانی، سەرۆکی هەرێمی کوردستان لە تۆڕی کۆمەڵایەتیی ئێکس، پیرۆزبایی لە مەسعوود پزیشکیان، سەرۆککۆماری هەڵبژێردراوی نوێی ئێران کرد و گوتی: بەبۆنەی هەڵبژاردنییەوە بە سەرۆککۆماری ئیسلامیی ئێران، بە ناوی خۆم و گەلی کوردستانەوە، پیرۆزبایی لە بەڕێز مەسعوود پزیشکیان دەکەم، هیوای سەرکەوتنی بۆ دەخوازم.
لە پەیامەکەیدا، سەرۆکی هەرێمی کوردستان ڕایگەیاندووە: لە هەرێمی کوردستان و عێراق چاومان لە برەودان بە پەیوەندیی لەمێژینەی دۆستانە و بەردەوامیی هاریکاریی هاوبەشە لەگەڵ کۆماری ئیسلامیی ئێراندا لەسەر بنەمای بەرژەوەندیی هاوبەش و دراوسێیەتیی باش. [1]

=KTML_Bold=تێبینی: ئەم بەڵگەنامەیە کێشەی ڕێنووس و ڕێزمانیی هەیە، کوردیپێدیا بەمەبەست هیچ دەستکارییەکی نەکردووە!=KTML_End=