$باکووری کوردستان$
- پارێزگاری دەوڵەتی تورک لە #ئامەد# لە 13 گوند و مەزرای ناوچەی لیجە و لە 9 گوند و مەزرای ناوچەی هەزرۆ و لە گوندێکی ناوچەی کاراز هاتوچۆکردنی لە هاووڵاتییان قەدەغە کرد. قەدەغەکارییەکە لە کاتژمێر 6:00ی ئەم بەیانییەوە دەستیپێکردووە و تاوەکو بڵاوکردنەوەی ڕاگەیاندراوێکی تر لەلایەن پارێزگاری دەوڵەتی تورکەوە لە ئامەد بەردەوامیی دەبێت. هاوکات لەگەڵ ڕاگەیاندنی قەدەغەی هاتووچۆ لەو ناوچانەدا، سەربازانی سوپای تورک دەستیان بە ئەنجامدانی ئۆپەراسیۆنی سەربازی کردووە.[4]
$رۆژهەڵاتی کوردستان$
- هێرش بۆسەر #کۆڵبەر#ان لەلایەن هێزە ئەمنیەکانی ئێرانەوە بەردەوامە و لە دوو ڕۆژی ڕابردوودا لەسەر سنوورە دەستکردەکانی نێوان ڕۆژهەڵات و باشوری کوردستان چوار کۆڵبەر بە تەقەی ڕاستەوخۆ بریندارکراون.[5]
- کۆڵبەرێکی کورد به ناوی عوسمان ڕەمەزانی خەڵکی گوندی داوودئابادی سەر به شاری #سەردەشت#، لە ئاوی ڕووباری نۆکاندا خنکا.[6]
- دوو سەربازی ئەرتەشی ئێران لە خاڵی سیفری سنووری ناوچەی خان لەیلی شاری #قەسری شیرین# بە هۆی تەقینەوەی یەکێک لە مینە بە جێماوەکانی شەڕی ئێران و عێراق، بریندار بوون و بە هۆی کاریگەری بوونی برینەکەیانەوە، گیانیان لە دەس دا.[6]
- هاووڵاتییەکی کورد به ناوی ئەنوەر سەعیدی، خەڵکی شاری #جوانڕۆ#، به بێ ئیزنی یاسایی لە لایەن هێزە ئیتلاعاتییەکانەوە دەستبەسەر کرا. به وتەی سەرچاوەیەکی ئاگادار، هێزە ئیتلاعاتییەکان ئەم هاووڵاتییە کوردەیان له بەشی کڵاشی جوانڕۆ دەستبەسەر کردووە و لە کاتی لێپرسینەوەدا، ئەشکەنجەیان داوە.[6]
- کۆڵبەرێکی لاو به ناوی ئەمیر تاهیری، تەمەن 20 ساڵە خەڵکی گوندی گرگرە سەر بە شاری چاڵدیران، به هۆی سەرمابردووییەوە گیانی لە دەست دا.[6]
$باشووری کوردستان$
- لەو 60 کەسەی کە ڕۆژی هەینی لە سەکۆی ئازادیی سلێمانیی دەسگیرکران، 23 کەسیان کە تاوەکو ئەمڕۆ ئازادنەکراون، ئەمڕۆ گواستراونەتەوە بۆ دادگای سلێمانی و وتەیان لێ وەردەگیرێت. پاشتر 14 کەسیان ئازادکران و بڕیاریشە سبەی ئەوانی تر ئازادبکرێن.[5]
- لە گوندیکی سنووری #چەمچەماڵ# چەکداریکی #داعش# بەناوی (مناور ماجد وسنی) ناسراوە بە ئەبوعوبەیدە لەلایەن ئاسایشی ڕۆژئاوای #سلێمانی#-ەوە دەستگیرکرا کە چەندین لێپرسراوێتی جیاوازی هەبووە.[2]=KTML_ImageCaption_Begin==KTML_StyleDiv=width:30%;height:20%;float:right;=KTML_ImageCaption_Target_Link=https://www.kurdipedia.org/files/relatedfiles/2018/165064/0014.JPG=KTML_ImageCaption_Title=کۆبوونەوەی پارتی و یەکێتی لە ماڵی نێچیرڤان بارزانی=KTML_ImageCaption_CaptionStyle=000000=KTML_ImageCaption_Caption=کۆبوونەوەی پارتی و یەکێتی لە ماڵی نێچیرڤان بارزانی=KTML_ImageCaption_End=
- کۆبوونەوەی باڵای شاندی یەکێتی و پارتی لە ماڵی #نێچیرڤان بارزانی# لە #هەولێر# دەستپێکرد کە لەلایەن نێچیرڤان بارزانی لەپارتی و #کۆسرەت ڕەسول عەلی# لەیەکێتی سەرپەرشتی دەکرێت. لەکۆبوونەوەکەی ئەمڕۆدا گفتوگۆ لەبارەی پێکهێنانی کابینەی نۆیەمی حکومەتی هەرێمی کوردستان و تەواوکردنی کابینەی نوێی حکومەتی عێراق و بارودۆخی #کەرکووک# و دانانی پارێزگارێک له و شارە دەکرێت، لەکۆبوونەوەکەی ئەمڕۆدا، ڕێگە بە میدیاکاران نادرێت کۆبوونەوەکە ڕوماڵ بکەن.[2]
- هونەرمەندی شانۆکار #تەڵعەت سامان# بە ڕووداوی هاتوچۆ لەنێوان #پیرمام# و هەولێر کۆچی دوایی کرد.[1]
- ژان ئیڤ لودریان، وەزیری دەرەوەی فەڕەنسا گەیشتە هەولێر.[1]
- بەمەبەستی دەستپێکردنەوەی گەشتە ئاسمانییەکانی نێوان فڕۆکەخانەی نێودەوڵەتی سلێمانی و تورکیا وەفدێکی هێڵی ئاسمانی تورکیا سەردانی فڕۆکەخانەی سلێمانیان کردو بڕیاردراوە ڕۆژی 24ی ئەم مانگە یەکەم گەشت دەستپێبکاتەوە.[3]
- ئەحمەد عەسکەری سەرۆکی لیژنەی نەوت و غاز لە ئەنجومەنی پارێزگای کەرکووک لە چاوپێکەوتنێکی دواڕۆژدا باس لەوەدەکات: ڕۆژانە نزیکەی 100 هەزار بەرمیل نەوتی کەرکووک لەرێگەی بۆری هەرێمەوە هەناردە دەکرێت، دەڵێت: 51 ملیۆن دۆلاری کەرکووک لای هەرێمی کوردستانه و سکاڵاش تۆمارکراوە.[2]
- پۆلیسی هەولێر دوو تۆمەتباری کێشەی کۆترەکەی هەولێری دەستگیرکرد، کەبەهۆیەوە کوڕ و باوکێک کوژران.[3]
$دەرەوەی کوردستان$=KTML_Photo_Begin=https://www.kurdipedia.org/files/relatedfiles/2018/165064/0006.JPG=KTML_Photo_Alt=لە تۆڕە کۆمەڵایەتییەکانەوە: 14-01-2019=KTML_Style=width:30%;height:20%;float:left;=KTML_Photo_Target_Link=https://www.kurdipedia.org/files/relatedfiles/2018/165064/0006.JPG=KTML_Photo_End=
- دۆناڵد تڕەمپی سەرۆکی ئەمریکا لە تویتێکدا ڕایگەیاند: ئەگەر تورکیا هێرش بکاتە سەر کورد، ئەوا لە ڕووی ئابوورییەوە تێکی دەشکێنین و باسیش لە ناوچەیەکی پارێزراو دەکات بۆ ڕۆژاوای کوردستان بە قوڵایی 20 میل. ئەم تویتەی تڕەمپ بەشێوەیەکی زۆر بەرفراوان بە تۆڕە کۆمەڵایەتییەکاندا بڵاوبووە و خۆشحاڵی کورد و تووڕەییەکی زۆری تورکەکانی لێکەوتەوە.[1]
- دوای ئەوەی دۆناڵد ترەمپ، سەرۆکی ئەمریکا هەڕەشەی لە تورکیا کرد کە ئەگەر هێرش بکاتە سەر کوردانی ڕۆژئاوای کوردستان ڕووبەڕووی قەیرانی ئابوری دەکاتەوە، وتەبێژی سەرۆک کۆماری تورکیا وەڵامی دەداتەوە و دەڵێت: بەردەوام دەبین لە شەڕکردن دژی #پەکەکە#، #یەپەگە# و پەیەدە.[2]
- هونەرمەند #فەرهاد تونچ# لە کاتی گەڕانەوەیدا بۆ ئەڵمانیا لە فڕۆکەخانەی ئەتاتورک لە ئیستەنبول دەستگیرکرا.[4]
- وەزارەتی بەرگری ئەمریکا، ڕەزامەندی لەسەر پێشنیارێکی جۆن بۆڵتن، ڕاوێژکاری ئاسایشی نەتەوەیی دەربڕیوە سەبارەت بە ئەنجامدانی هێرشی سەربازی بۆ سەر ئێران ئەوەش بەپێی ڕاپۆرتێک کە ڕۆژنامەی وۆڵ ستریت جۆرناڵی ئەمریکی بڵاویکردووەتەوە.[2]
- کۆشکی سپی لە بەیاننامەیەکدا ڕایگەیاند: دۆناڵد ترەمپ سەرۆکی ئەمریکا داوای لە ئەنقەرە کردووە مامەڵەی خراپ لەگەڵ کوردەکانی ڕۆژئاوای کوردستان نەکات.[2]

ناوەندی ڕاگەیاندن و چاپەمەنیی هێزەکانی پاراستنی گەل (#هەپەگە#) بڵاویکردەوە، ڕۆژی 4ی کانوونی دووەمی 2019 / 15ی بەفرانبار بڵاومانکردەوە، کە لە کاتژمێر 2 دا چالاکییەک لە دژی یەکەی شاراوەی سوپای تورک لە ئیدر ئەنجامدراوە و بە لانیکەمەوە 5 سەربازی سوپای تورک لەو چالاکییەدا کوژراون.
ئێستاش بە پێی ئەو زانیارییانەی لە هەرێمەکەوە بە دەستمان گەیشتوون، ژمارەی سەربازە کوژراوەکانی سوپای تورک لەو چالاکییەدا لە دەورووبەری بنکەی سەربازیی ئاخور، کە لە دژی ئەو یەکە شاراوەیی سوپای تورک کە لە ئۆپەراسیۆن دا بوون و ئەنجامدرا، 12 سەرباز کوژراون.
ئاماژە بەوەشکراوە، تەرمی سەربازە کوژراوەکان بە کۆپتەر گواستراونەتەوە بۆ نەخۆشخانەکانی ناوچەکە.[1]
#14-01-2019#