- هێزێکی گەورەی یەکێتیی نیشتمانیی کوردستان هێرشی کردە سەر چیاکانی خەجەلەرزۆک، کوێرەنگ، قەیوان، دووبرا، باڵخ، حەسەن بەگ، ئوڵاغلو، گۆجار، جادەی ئەزمەر، گۆیژە، بەشێک لە دۆڵی سەفرە و زەروونی ناوچەی سلێمانی، لە ئەنجامدا 114 پایەگای دوژمنیان گرت و بە دەیان جاشیان کوشت، دەستکەوتیش سەدان پارچە چەک بوو. وابڕیار بوو کە هێزەکانی ئێرانیش هاوکات لەگەڵ هێرشی پم دا، هێرش بکاتە سەر نێوچەکانی گردە ڕەش، ماوەت، گمۆ و چوارتا بەڵام ئێران بەڵێنەکەی خۆی بەجێ نەهێنا و هێزەکانی یەکێتیی نیشتمانیی کوردستانی کرد بە تووشی شەڕێکی بەرەیی گەورەی نابەرامبەرەوە و لە ئەنجامدا دەیان پێشمەرگە شەهید بوون و زۆربەی ئەو نێوچانەی کە یەکێتیی نیشتمانیی کوردستان ڕزگاری کردبوون داگیرکەری عەرەبی ئێراق داگیری کردنەوە.
- دژە هێرشی داگیرکەری عەرەبی ئێراق بۆسەر جادەی گشتی ئەزمەر - سلێمانی و قۆپی دووبرا، دوژمن توانی کۆنتڕۆڵی جادە گشتییەکە بکاتەوە.