جەلال میرزا کەریم
ئەم شاعیرە بەهرەدارە لەساڵی 1935دا لەشاری
سلێمانیسلێمانی لە خێزانێکی دیاری ئەو شارە هاتۆتە جیهانەوە و خوێندنی سەرەتایی و ناوەندی و ئامادەیی لەشارەکەی خۆی وەرگرتووە و بووەت لاوێکی هوشیار و رۆشنبیر و سەرەتای خەباتی رامیاری ئەو لاوە دڵسۆزەی گەڵ و نیشتمانەکەی دەگەڕێتەوە بۆ ساڵی 1955، کە بووەتە ئەندامی یەکێتی گشتی قوتابیان و هەر لەو قۆناغەدا دەستی داوەتە هۆنراوە هۆنینەوە و لەسەرەتادا کەوتبووە ژێر کاریگەری هۆنراوە ناسکە ئاوازە دارەکانی
گۆرانگۆران، بەڵام لەدواییدا کە بازووی شاعیریی بەهێز بووه، بووەتە خاوەن دەنگ و رێبازی خۆی و لەکاروانی خەباتی رامیاریشدا پتر تێ هەڵچووە و لەساڵی 1965دا لەسەر چالاکی رامیاری گیراوە و لەدوای بەرپابوونی شۆڕشی 14ی تەممووزی 1958دا ئەم تێکۆشەرە لەگەڵ چەند هاوڕێیەکیدا، گۆڤارێکی بەناوی
هیوای کوردستانهیوای کوردستان وەک ئۆرگانی یەکێتی گشتی قوتابیانی ئێراق- لقی سلێمانی دەرچوواندووە و لە کۆتایی مانگی نیسانی 1970دا یەکێک بووە لە دەستەی
ڕوانگەڕوانگە و یەکەم بەنیانیان لەگەڵ بەڕێزان حوسێن عارف و شێرکۆ بێ کەس و کاکە مەم بۆتانی و جەمال شارباژێری ئیمزا کردووە و دواتریش 3 ژمارەی لەبڵاوکراوەی روانگەی لەشێوەی پەڕتووکدا دەرچوواندووە و بەشی هەرە زۆر پێشکەوتنخوازەکان بەرهەمیان تێدا بڵاوکردەوە و وێژەیی کوردییان بەهۆنراوە و چیرۆکەوە بەرەو نوێکاری برد.
لەماوەی ژیانی 58 ساڵیدا ئەم بەرهەمانەی بەچاپ گەیاندووه:
1. کۆمەڵە هۆنراوەیەکی بەزمانی عەرەبی بەناوی الولادة لەساڵی 1982دا لە ئەمەریکا بەچاپ گەیاندووه
2. شانۆنامەی
سەنگەرسەنگەری لەهەمان ساڵدا هەر لە ئەمەریکا چاپی کردووه.
3. نامیلکەی
چرپەی ژانێکی نقووم بووچرپەی ژانێکی نقووم بووی هەر لە ئەمەریکا لەساڵی 1991دا بەچاپ گەیاندووه، کە ئەوسا لەدوای نسکۆی شۆڕشی ئەیلوولەوە لە وڵاتە یەکگرتووەکانی ئەمەریکادا دەژیا.
4. دیوانی
ڕێگا دوورەکانی چاومانڕێگا دوورەکانی چاومانی دوای گەڕانەوەی بۆ کوردستان لەساڵی 1992دا بەچاپ گەیاندووه.
لەڕۆژی
14-01-199314-01-1993دا بەنەخۆشی دڵ لەشاری
هەولێرهەولێر کۆچی دواییکرد.
[1]
شیعری جەلالی میرزا کەریم لە شیعری نوێی کوردیدا لە قۆناغی دوای (گۆران) و بەتایبەتی لە قۆناغی (روانگە)دا پلەی یەکەم وەدەگرێت و پێش هەموو ئەوانی دیکەی ئەو قۆناغە دەکەوێت، چی بە فراوانیی دیدی سیاسی و فەلسەفی و چی بە زمانی پاراوو وێنە شیعریی و دەربڕینی روون و قووڵ، شیعری ئەم شاعیرە چەندە ئاوێنەی سەردەمەکەی خۆی بوو، ئەوەندەو زیاتریش لە کات و جێ تێدەپەڕێنێت و بەرەو نەمری و هەمیشە زیندوویی دەچێت.
[2]