لەدایک و بابێکی هەژار، لە21-05-1922 لە گوندی تافانی ناوچەی قەراخ هاتۆتەدنیاوە.
ساڵی 1967 لەلایەن دەسەڵاتدارانی (دەوڵەتی کۆلۆنیالی ئێراق) وە بەبیانوی ئەوەی کەبەئامێری بێتەل هاوکاری شۆڕش دەکات، دەگیرێت و ماڵەکەی دەپشکنن و حەوشەی ماڵەکەی هەڵدەکەنن، بۆ بێتەلەکە دەگەڕێن، پاشان ڕەوانەی (هەیئەی #کەرکووک#) ی دەکەن و بۆ ماوی (شەش) مانگ دەنگوباسی نامێنی و بێسەر و شوێن دەکرێت. پاش ئەوە بەردەرێت و چەند جارێکی تریش لەسەر کوردایەتی دەگیرێت. لەم ساڵانەی دووایشدا دەستەڵاتدارانی دەوڵەتی ئێراقی داگیرکار کاسیەتەکانی لەتۆمارگەو بازاڕدا یاساخ دەکەن و ناهێڵن بفرۆشرێن. فەریق مرۆڤێکی کارکەر و لەشسوک بووە، ساڵی 1954 بۆ بژێوی ژیانی خێزانەکەی، لە (پردی عەلافان) لەدەرەوەی #سلێمانی#، چایخانەیەک دەکاتەوە و کاری چایچێتی دەکات. لەساڵانی هەفتاکاندا، ماستاو دەفرۆشت، یان بەخۆی و جەزۆ قاوەکەیەوە لە ناوبازاڕ قاوەی دەفرۆشت.
لە 18-06-1987 دڵە گەورەکەی هونەرمەند بەمەرگێکی کوتوپڕ لەلێدان کەوت. لە #گردی سەیوان# بەخاک سپێردرا.[1]
ئەڤ بابەت ب زمانا (کوردیی ناوەڕاست) هاتیە نڤیساندن، کلیک ل ئایکۆنا
بکە ژ بو ڤەکرنا ڤی بابەتی ب ڤی زمانا کو پی هاتیە نڤیساندن!
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
بکە بۆ کردنەوەی بابەتەکە بەو زمانەی کە پێی نووسراوە!
ئەڤ بابەتە 18,565 جار هاتیە دیتن