لەساڵی 1964 لەگوندی تاڵەبانی گچکەی سەر بەشارۆچکەی تەقتەق لەباشووری کوردستان لەدایکبووە.
تەمەنی منداڵی ولاوێتی خۆی لەگوندی مورتکەی گەورەی دەشتی هەولێر بەسەر بردووە.
خانەی مامۆستایانی کورِانی لەشاری هەولێر تەواو کردووە.
لە1985 کوردستانی جێهێشتووەو لەئێران وپاکستان، دوایش وەک پەنابەر لەساڵی 1986 گەیشتۆتەسوێد.
لەوڵاتی سوێد بۆ ماوەیەکی دوور ودرێژ سەرقاڵی کاری مامۆستایی بووە.
تاوەکو ئێستا چەندین بەرهەم کتێبی چاپکراوی نووسراو و وەرگێرِدراوی خستۆتەبەردەم خوێنەران. سەدان بابەت و وتاری بەزمانی کوردیی وعەرەبیی لەرۆژنامەو ماڵپەرِەکاندا بڵاوکردۆتەوە.