یانەی وەرزشیی ھەولێر، یەکێکە لە یانە بەناوبانگەکانی ئێراق و کوردستان، دەکەوێتە شاری ھەولێر پایتەختی ھەرێمی کوردستان_ئێراق، یانەی ھەولێر لە ساڵی 1968 دامەرزاوە کە تیاییدا ھەریەکە لە یارییەکانی تۆپی پێ و تۆپی دەست و تۆپی بالە و بەرزکردنەوەی قوورسایی و گۆڕەپان و مەیدان بۆ کوران و کچان و پایسکیلسواری و بادمنتون (ڕیشە) و پێشوو یاری شەترەنج ئەنجام دەدرێت، یانەی ھەولێر یاریگەیەکی نێودەوڵەتیی ھەیە بە ناوی شەھیدی وەرزشوانانی کوردستان #فرانسۆ هەریری# و لە ھەمان کاتدا ھۆڵێکی وەرزشیی ھەیە ھەمان ناو لەخۆ دەگرێت و نەخۆشخانەیەکی وەرزشی کە تایبەتە بە چارەسەرکردنی وەرزشوانانی ھەیە.
حکوومەتی ھەرێمی کوردستان و پارێزگای ھەولێر لە ڕووی دارایی و دابینکردنی ھەموو پێداویستییەکان ھەولێر پشتگیرییەکی تەواوی ئەم یانەیە دەکەن. ھەولێر یانەیەکی جەماوەرییە، ھاندەرێکی زۆری ھەیە لە کوردستان، لە ھەموو کاتێکی خۆشی و ناخۆشی پاڵپشتی ئەم یانەیە دەکەن، بەڵام دوای چەندین یاری بەدەستنەھێنانی ئەنجامی باش یانەی ھەولێر و سووکایەتی پێکردنێکی زۆر لەلایەن ھاندەری یانەکانی خواروی ئێراق لە 16-12-2016 یانەی ھەولێر کشانەوەی خۆی لە خولی ئێراقی ڕاگەیاند. دواتر لە لە 20-08-2018، دوای بردنەوەی لە یانەی دیفاع مەدەنی بە ئەنجامی (4-0) بەفەرمی سەرکەوتەوە بۆ خولی نایابی ئێراقی بۆ وەرزی 2018-2019.
$دەستکەوتەکان لە تۆپی پێ$
لە یاری تۆپی پێ یانەی وەرزشی ھەولێر چەندین دەستکەوتی مێژوویی بە دەست ھێناوە لەوانە:
چوار جار خولی نایابی ئێراق.
سێ جار خولی نایابی کوردستان.
دوو جار بەدەست ھێنانی پلەی دووەم لە جامی یەکێتی ئاسیا 2012-2014.
دوو جار پلەی یەکەم لە خولی پلە یەکی ئێراق.
یانەی ھەولێر بووە یەکەم یانە لە ھەرێمی کوردستان و ئێراق کە یاریزانی پیشەگەر بھێنێتە ڕیزەکانی ھەریەک لە (ئیسماعیل و بۆکینای سینیگالی) و (سامۆرایی کینی) و (بۆرخا و خۆرخێی ئیسپانی)
یانەی ھەولێر چوار جار بووەتە پاڵەوانی خولی نایابی ئێراقی (کە سێ جاریان لەسەر یەک بووە) ، و ھەروەھا یانەی ھەولێر چەندین جار بەشداری پاڵەوانییەتی جامی یەکێتی ئاسیایی دا کردووە کە دووجار پلەی دووەمی بەدەست ھێناوە کە لە ساڵانی 2012، 2014 بووە، یانەی ھەولێر لە خولی نایابی کوردستانیش بەشدارە کە سێ جار بووەتە پاڵەوان…
$گۆڕەپان و مەیدان$
یاری گۆڕەپان و مەیدان یاریزانە پاڵەوانەکانی ئەم یانەیە بوونە ئەستێرەی سەرەکی ھەڵبژاردەی ئێراق لە گۆڕەپان و مەیدان بە تایبەتیی لە دوایین پاڵەوانییەتی یانەکانی عەرەبی کە لە ئوردن بەڕێوەچوو و ھەروەھا لەپاڵەوانییەتی عەرەبی کە ھەڵبژاردەی ئێراق بەشداریی تێیدا کرد بوو، کچە زێڕینی یانەی ھەولێر (گوڵستان مەحموود) توانی دوو ملوانکەی زێڕ بە دەست بھێنێت، ھەروەھا لەپاڵەوانییەتی ئاسیا لە ھۆڵی داخراو کە لە ڤێتنام ئەنجام درا، کچە زێڕینی شاری ھەولێر (گوڵستان مەحموود) توانی ملوانکەی زیو بە دەست بھێنێت و لە ھەمان کاتدا دوای 25 ساڵ توانی ژمارەی پێوانەیی ئێراقی بشکێنێت،
$بەرزکردنەوەی قوورسایی$
یانەی ھەولێر لە کاتی دامەزراندنییەوە تا ئێستا 2023 لە زۆربەی یارییەکان لە ناوەوە و دەرەوەی کوردستانی ئێراق چەندین دەستکەوتی بەدەست ھێناوە، لە یاری بەرزکردنەوەی قوورسایی بە تێکڕای مێژوو چەندین ئەستێرەی یانەی ھەولێر لە ھەڵبژاردەکانی ئێراق وەرگیراون، لە ھەمان کاتدا یانەی ھەولێر لە چەندین پاڵەوانییەتی نوێنەرایەتی ئێراقی کردووە بە تایبەتیی لەپاڵەوانییەتی یانەکانی عەرەبی کە لە ئوردن لە ساڵی 2006 ئەنجام درا کاتێک توانیان پلەی سێیەم لەم پاڵەوانییەتییە بە دەست بھێنن و ھەروەھا ئەستێرەی یانەی ھەولێر لە بەرزکردنەوەی قوورسایی (سوارە محەمەد پیربال) پاڵیوارو بوو بۆ بەشداریکردن لەپاڵەوانییەتی ئۆڵۆمپیادی پەکین.
$شەتڕەنج$
لە یاری شەترەنج کە پێشتر یارییەکی سەرەکی بوو لە یانەی ھەولێر، تێیدا نوێنەرایەتیی ئێراق کردووە لە چەندین پاڵەوانییەتی عەرەبی و ئاسیایی، لە ساڵی 2001 نوێنەری ئێراق بوو لەپاڵەوانییەتی عەرەبی بۆ یانەکان کە تێیدا توانیان پلەی دووەم بە دەست بھێنن بە جیاوازی یەک خاڵ لەگەڵ خاوەن پلەی یەکەمی ئەم پاڵەوانییەتییە، لە ھەردوو یاری تۆپی بالە و تۆپی دەست دوای ئەوەی توانیان بۆ چەندین جار خولی ئێراق بە دەست بھێنن، لە ھەمان کاتدا بەشدارییان لەپاڵەوانییەتییەکانی عەرەبی و ئاسیایی کردووە.
$پایسکیلسواری$
لە یاریی پایسکیلسواری یانەی ھەولێر چەندین نازناوی بە دەست ھێناوە و چەندین ساڵ پاڵەوانی ئێراق و کوردستان بووە و ھەروەھا بەشداریی لەپاڵەوانییەتی یانەکانی عەرەبی کردووە.
$دەستەی کاڕگێڕی یانەی #هەولێر#$
دکتۆر وەلید عارەب، سەرۆکی یانە
سەڵاحەدین سیامەند، جێگری سەرۆکی یانە
تەھا قادر، سکرتێری یانە
ئاڵا دێدەوان، ئەمینداری دارایی
#سەفین کانەبی# ، ئەندام
#دیدار حامد# ، ئەندام
بێجان ئیبراھیم، ئەندام
پشتیوان شبیب، ئەندام
ڕێبین ڕەمزی، بەڕێوبەری ڕاگەیاندنی یانەی ھەولێر