لە شاری سلێمانی لە کوردستانی عێراق و لە ساڵی (1922)دا "کۆمەڵەی کوردستان" بە سەرۆکایەتی "مستەفا عەزیز یامەلەکی" دامەزرا. ئامانجی ئەو کۆمەڵە بریتی بوو لە یارمەتی دان و کۆمەک کردنی شێخ مەحمودی حەفید کە دژی ئینگلیز و بۆ مافەکانی کورد ڕاپەڕینی دەکرد. ئەو کۆمەڵەیە ڕۆژنامەی "بانگی کوردستان"یان دەردەکرد. هەر ئەو کۆمەڵەیە یاداشتنامەیەکیان لە (01-10-1924)دا نارد بۆ "عوسبەتولئومەم" و تیایدا بەرەوڕووی داواکاری تورکیا وەستانەوە سەبارەت بە ولایەتی موسڵ.