ناسراوە بە موقەدەم کاکەرەش، ساڵی 1971 لەگەرەکی شۆریجەی شاری #کەرکووک# لەدایکبووە، قۆناغەکانی خوێندنی سەرەتایی و ناوەندیی تەواوکردووە، بەلێهاتوویی و بەقارەمانێتی خۆی پلەکانی پێشمەرگایەتی و ئەفسەری بڕیووە تا پلەی موقەدەم شەهید یەکێکبوو لەوکەسایەتییە گەورەو لەخۆبوردووانەی لەهەموو ئەرک و فەرمانەکانیدا جێدەستی دیاربوو، بەردەوام لەهەوڵی چەسپاندنی یاساو پاراستنی هاووڵاتیاندا بوو، شەهیدی فەرماندە وەک ئەندازیارێکی لێهاتوو هەردەم کلتووری خۆشەویستی خەڵک و خاک و کلتووری خۆراگری و سەرسەختی بەرامبەر دوژمنانی ئازادیی و سەربەزیی و سەرفرازیی و دەرچووان لەیاساو تیرۆریستانی پێکەوە گرێدابوو، هەربۆیە لەخۆبوردووانە هەمیشە هەنگاوی یەکەمی هەڵمەتبردنی لەنێو هاورێکانیدا هەڵدەبژاردوو هەر لەوپێناوەشدا ڕۆژی #11-09-2007# لەناوچەی قەرەتەپەی سنووری هەرێمی کوردستان بوو بەیەکەم ئەفسەری شەهیدی دیاریکردنی سنووری هەرێم و بەدەستی ڕەشی تیرۆریستان شەهیدکرا.