رێکخراوێکی کوردستانی غەیرە حکوومی (NGO) و سەربەخۆیە، لە پێناوی پێوانە و خۆێندن و دیار کردن وتۆمار کردنی ڕا و بۆچوون و تێگەیشتنەکانی خەڵکی کوردستان لە مەڕ پرسە سیاسی وئابووری ورۆشنبیری و کۆمەڵایەتی وئاکادیمی وزانستییە گرنگەکانی ژیان وژیاری گەلی کوردستان کار دەکات، بەرەو بەرهەم هێنان و ئەکتیڤ کردنی هزرێکی کراوە و لیبراڵ و نوێخوازیی کوردی لە چوارچێوەی هزری جیهانی نوێ دا.
رێکخراوی پۆینت بۆ ڕاپرسی و لێکۆڵینەوە ستراتیژییەکان (POOPSS) کە لە لایەن وەزارەتی ناوخۆی حکوومەتی کوردستانەوە بە پێی فەرمانی وەزاری ژمارە (743) لە بەرواری (23-01-2007) لە بەر ڕۆشنایی هەردوو ماددەی (4) و (5) لە یاسای ژمارە (15)ی ساڵی (2001)ی پەرڵەمانی کوردستان ڕێگەی پێ دراوە، کار لە پێناوی ورووژاندنی پرسە گرنگەکان و وەرگرتن و کۆکردنەوەی ڕای خەڵک بە هەموو چین و توێژەکانیانەوە لە مەڕ پرسەکان، بە ڕێگای دابەشکردنی فۆرمی تایبەت و بڵاوکردنەوەی ئەنجامەکان بە شێوەیەکی زانستی لە ڕۆژنامە و گۆڤار و ماڵپەڕەکانی ئینتەرنێت دا دەکات و بۆ چۆنیەتیی سوود وەرگرتن لە ئەنجامەکان لە گەڵ دامودەزگا حکوومی و ناحکوومی و ئەکادیمییەکان دا هەماهەنگی دەکات.