ساڵی 1962 لەگوندی کوڵەجۆی ناوچەی زەندئابادی #کفری# لەدایکبووەو سەرکەوتوانە قۆناغەکانی خویندنی بریوە و دەرچوی ئامادەیی پیشەسازی #سلێمانی#یە و لەو ماوەیەشدا ڕۆڵی گرنگی بینیوە لەکۆکردنەوەی ژمارەیەکی زۆری خویندکاران لەدەوری ڕیکخستنە نهینییەکان، لە 1978 پەیوەندیکردووە بەریکخستنەکانی (ی.ن.ک) و لە 1980 ڕیکخراوی شەهید (بەنرخ)ی لەناوچەی زەندئاباد دروستکردووە، ساڵی 1983 بووە بە پیشمەرگەوە لەسنووری لقی دووی یەکیتیی شۆرشگیرانی کوردستان، پاشان گواستراوەتەوە بۆ سنووری تیپی (51)ی #گەرمیان# و لە 1984 لەسورداش بەشداریی خولی پەیمانگای کادیرانیکردووە، ساڵی 1985 کراوەبە کارگیری ناوچەی شۆرشگیران لەتیپی (53)ی شیروانە، لەشاڵاوەکانی 1988 خێزانەکەی و (2) براو (2) خوشکی ئەنفالکراون.
لەراپەرینی 1991 بەشداریی ڕزگارکردنی گەرمیانی کردووەو پاشان کراوەبە سەرتیپ لەبەتالیۆنی زەندئابادو لە دامەزراندنی سوپای یەکگرتووی کوردستان کراوە بەجێگری فەوج، ساڵی 1997 جارێکی تر گەراوەتەوە ڕیزەکانی ڕێکخستن و بووە بەکارگێری کۆمیتەی ڕێکخستنی #کەلار#و سەرپەرشتیاری کۆمیتەی ڕێکخستنی زەندئاباد، ساڵی 2000 بووەتە لێپرسراوی کۆمیتەی ڕێکخستنی کفری، بەشداری چالاکانەی هەبووە لەپرۆسەی ئازادیی عیراق و ڕزگارکردنی ناحییەکانی قەرەتەپەو جەبارەو #جەلەولا#و سەعدییەو شارەبان ڕۆڵێکی باشیشی هەبووە لەپێکهێنانی کۆمیتەکانی جەبارەو قەرەتەپەو بۆ ماوەیەکیش سەرپەرشتیاری هەردوو کۆمیتەکە بووەو دواتر کراوەتە کارگێری مەڵبەندی (11)ی گەرمیان و لێپرسراوی ناوەندی گەرمیانی ڕێکخراوە دیموکراتییەکان بووەو لەهەڵبژاردنە ناوخۆییەکانی ڕێکخستنەکانی (ی.ن.ک) دا لە 2006 هەڵبژێردراوە بەجێگری مەڵبەندی ڕێکخستنی (26)ی کفری.
بەداخەوە لە #11-12-2008# لەکردەوە تیرۆریستییەکەی ناو چێشتخانەی عەبدوڵڵا لە #کەرکووک# شەهیدبوو.
Этот пункт был написан в (کوردیی ناوەڕاست) языке, нажмите на значок
, чтобы открыть элемент на языке оригинала!
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
بکە بۆ کردنەوەی بابەتەکە بەو زمانەی کە پێی نووسراوە!
Эта статья была прочитана раз 4,489