لە باشووری کوردستان، لە #کەلار# لەدایک بووە.
خوێندنی سەرەتایی و ناوەندی و ئامادەیی لە کەلار و #کفری# و کۆلیژی کارگێڕی و ئابووری (بەشی ئابووری) لە زانستگەی بەغدا تەواوکردووە.
چەند ساڵێک لە کارگێڕی ئامار لە #کەرکووک# و #سلێمانی# و #هەولێر#، کارمەند بووە.
لە ساڵی 1980ەوە کوردستانی جێهێشتووە و لە 1981ەوە نیشتەجێی سویدە.
چەند پەرتووکێکی چاپ و بڵاوکردووەتەوە، کە وەرگێڕان و دیدار و لێکۆڵینەوەن و لە ڕۆژنامە و گۆڤارە کوردییەکانی وڵات و ئەوروپا و ماڵپەڕە کوردییەکاندا، وتار و نووسینی جیاوازی بڵاو کردووەتەوە.[1]