شاعیری گەورەی کورد کە خاوەنی یەکەم سروودی پێشمەرگایەتی بووە و چەندین هەڵبەست و شعری نەتەوایەتی و ئاواز ی بەرهەمهێناوە لە 20 ئابی ساڵی 1933 لە شاری #کۆیە# لە گەڕەکی #بەفری قەندی# لەدایک بووە و لە ساڵی 1946 ەوە دەستی کردووە بە خەباتی سیاسی و نواندنی چالاکی و سەرەتا لەگەڵا کۆمەڵەی پێشکەوتنی خوێندەورای دەستی کردووە بەچالاکی سیاسی و دوای برینی چەندین پلەی حزبی لە حەفتاکانی سەدەی ڕابردوو دەست لە کاری حیزبایەتی دەکێشێتەوە و وەک کەسێکی نەتەوەیی لە کاروچالاکییەکانی بەردەوام دەبێت.
خالید دلێر جگە لە نووسینی چەندین پەرتووک و نووسراو لە ڕۆژنامە و گۆڤارەکان =KTML_Mark_Begin=زیاتر لە 30 ئاوازی گۆرانی و 11 سروودی نیشتمانی داناوە=KTML_Mark_End=.
سروودەکانی پێشمەرگەی بەهەڵمەتین پاڵەوانی میللەتین، ، نەورۆزە جەژنی ئیشکەرە، سڵاو لەکاکی دوورەوڵات و چەندین سروودی دیکە دەبوونە ورەی پێشمەرگە و کاریگەرییەکی مەزنی هەبووە لەسەر ڕۆڵەکانی نیشتمان.
دوای ململانێیەکی سەخت لەگەڵ نەخۆشی لە 16/17-12-2011 لە شاری #سلێمانی# کۆچی دوای دەکات و بە ئادەبوونی بەرپرسانی حکومی و حزبی و هونەرمەندان و شاعیران و ڕۆشنبیران تەرمی شاعیری کۆچکردوو لە گۆرستانی #کەکۆن# و لە تەنیشت گۆری #دڵدار#ی دانەری سروودی #ئەی ڕەقیب# بەرانبەر چیای سەرکەشی #باواجی# بەخاک سپێردرا.[1]