لە یادی 22 ساڵەی کیمیابارانی #هەڵەبجە#دا لە #16-03-2010# بەردی بناغەکەی دانراوە.
=KTML_Bold=دەربارەی زانکۆی هەڵەبجە=KTML_End=
زانکۆی هەڵەبجە یەکێکە لە زانکۆ حکومییەکانی باشووری کوردستان کە لە ساڵی 2011 لە شاری هەڵەبجەی پارێزگای هەڵەبجە دامەزراوە.زانکۆکە پێکهاتووە لە شەش کۆلێژی وەک (زانست، زانستە مرۆییەکان، پەروەردەی بنەڕەتی، پەروەردەی وەرزشی و زانستە وەرزشییەکان، یاسا و کارگێڕی ، پەروەردەی شارەزوور، و بەشی ئەندازیاری) . پرۆگرامەکان بۆ ماوەی چوار ساڵ دەخایەنێت و خوێندکاران لە کۆتایی ساڵی چوارەمدا بڕوانامەی بەکالۆریۆس لە بوارە هاوبەشەکانیان وەردەگرن. دوو کەمپی هەیە، کەمپی سەرەکی دەکەوێتە شاری هەڵەبجە و لاوەکییەکەی لە شارۆچکەی شارەزوورە. سەرۆکی ئێستای زانکۆی هەڵەبجە پڕۆفیسۆر د. مەهاباد کامیل عەبدوڵڵا.
=KTML_Bold=مێژوو=KTML_End=
پێش ساڵی 2010 هەڵەبجە فاکەڵتییەکی هەبوو، فاکەڵتی پەروەردەی بنەڕەتی کە بەشێک بوو لە زانکۆی سلێمانی و سەر بە زانکۆی سلێمانی بوو. پاشان لە 8ی تەمموزی 2010، لە ماوەی کابینەی شەشەمی حکومەتی هەرێمی کوردستان، ئەنجوومەنی وەزیرانی هەرێم بڕیاری ژمارە 1670ی دەرکرد و بەو هۆیەوە زانکۆی هەڵەبجەی ڕاگەیاند و بەم شێوەیە، فاکەڵتی پەروەردەی بنەڕەت زانکۆی سلێمانی جێهێشت و بوو بە بەشێک لە زانکۆی هەڵەبجە. وە لە شوباتی 2011 سەرۆکایەتی زانکۆی هەڵەبجە دەستی بە کارەکانی کرد.
=KTML_Bold=کەمپەکان=KTML_End=
زانکۆی هەڵەبجە دوو کەمپی هەیە؛ کەمپی سەرەکی دەکەوێتە لێواری شاری هەڵەبجە نزیک لە گوندی ئەبابەیلە. تا ڕادەیەک گەورەیە و هەموو بەشەکانی لێیە. کەمپەکەی تر دەکەوێتە شارۆچکەی شارەزوور کە تەنیا کۆلێژی پەروەردەی شارەزووری تێدایە [1]