📊 بابەت 375,034 | وێنە 59,478 | پەڕتووک PDF 11,113 | فایلی پەیوەندیدار 43,996 | 📼 ڤیدیۆ 168 | 🗄 سەرچاوەکان 14,913
لەم کاتەدا 12 میوان لەسەر ماڵپەڕی کوردیپێدیا ئامادەیە!
🏠|📧|دەربارە!|پەڕتووکخانە|📅
🏠 دەستپێک|📧 پەیوەندی|💡 دەربارە!||
|
📅 ئەمڕۆ 13-07 لە مێژوودا
📅کڕۆنۆلۆژیای رووداوەکان
📅 رۆژەکان
📆13-07-2020
📆12-07-2020
📆11-07-2020
📆10-07-2020
📆09-07-2020
📆08-07-2020
📆07-07-2020
📂 زۆرتر ...
📅13 July
📝 بەڵگەنامەکان
📊 ئامار و راپرسی
✌️ شەهیدان
💚 ئەنفالکراوان
☪ قوربانیی شەڕی دەوڵەتی ئیسلامی - داعش
😞 قوربانیی شەڕی ناوخۆ
👩 قوربانیی توندوتیژی
📅 رۆژی لەدایکبوون
📅 رۆژی کۆچی دوایی
📅 12-07-2020
رۆژهەڵاتی کوردستان
- هاووڵاتییەکی کورد بە ناوی دیاکۆ تارا کوڕی رەسووڵ خەڵکی گوندی کێلەسیپانی بەخشی لاجانی پیرانشار، لەلایەن هێزە ئەمنییەتییەکانەوە دەسبەسەر کرا. هێزە ئەمنییەتییەکان پاش دەسبەسەرکردنی ئەو هاووڵاتییە کوردە، ناوبراویان بۆ شوێنێکی نادیار ڕاگواستووە.[7]
- لە شاری ورمێ، لە رێورەسمی شایی کوڕ و کچەکەیاندا، دایک و باوکی بووک و زاواکە تووشی کۆرۆنا بوون و هەر چواریان گیانیان لەدەستدا.[1]
باشووری کوردستان
- نۆ هەزار و 201 کەس لە هەرێمی کوردستان تووشی ڤایرۆسی کۆرۆنا بوون و 316 کەسیش گیانی
✌️ عەبدوڵڵا قادری ئازەر
خەڵکی نەغەدە و ئەندامی کۆمیتەی ناوەندیی حیزبی دێموکراتی کوردستان بوو. رۆژی 13-07-1989 لە ڤیەننا لەگەڵ قاسملۆ و فازیل مەلا مەحمود لەلایەن داگیرکەری ئێرانەوە تیرۆر کران.
✌️ فازیل مەلا مەحمود مەلا رەسوڵ
لە ساڵی 1947 لە شاری سلێمانی لە دایک بووە. لە قۆناغی خوێندنی ناوەندی زییندانی کراوە. لە سەرەتایی لاویەتیی جموجۆڵی رۆشنبیری و سیاسی هەبووە و وەک چەپیەکی ماوی خەباتی کردووە. لە هەفتاکاندا یەکێک بووە لە دامەزرێنەرانی یەکێتی نیشتمانی کوردستان. لە نیوەی هەفتاکاندا بەرەو ئەوروپا دەکەوێتە رێ و لە نەمسا جێگیر دەبێ و پەرە بە خوێندنی خۆی دەدا. لە ساڵی 1985 لە بەرلین بڕوانامەی دکتۆرای بە دەست هێنا لە زانستی سیاسەتی نێو دەوڵەتی. دامەزرێنەری گۆڤاری (مینبەر ئەلحیوار) بوو لە بەیروت ساڵی 1986. چەندین کتێبی نوسی
✌️ عەبدولرەحمان قاسملوو
لە22ی دیسامبری 1930 زایینیدا لەشاری ورمێ لەبنەماڵەیەکی خاوەن مڵکی دەست رۆیشتوودا لەدایک بوو. خوێندنی سەرەتایی و ناوەندی، پێشان لەورمێ و دوایە لە تاران تەواوکرد.
ساڵی 1324 تێکۆشانی سیاسیی خۆی بەدامەزراندنی یەکیەتیی لاوانی دێموکرات لەشاری ورمێ دەست پی کرد. ساڵی 1946 کۆماری کوردستان لەمەهاباد رووخا. بەدوای ئەو دا ئەویش بۆ خوێندن چووەتاران. ساڵی 1327 بۆ درێژەپێدانی خوێندن چوو بۆ پاریس. گەیشتنی بەپاریس هاوکات بوو لەگەڵ تەقەکردن لە شا لە زانستگەی تاران (25ی رێبەندانی 1327) کەبوو بەهۆی لەنێو چوونی ئاز
📄 خوێندنی لیبراڵ | 🏷️ پۆل: بڵاوکراوەکان (گۆڤار، رۆژنامە و ...) | زمانی بابەت: 🏳️ کوردیی ناوەڕاست | 👁️‍🗨️
رۆژنامەیەکی ئەهلی خوێندکاری و گەنجا بوو، لە مانگی دەی 2002 یەکەمین ژمارەی چاپ و بڵاوکراوەتەوە، کە کۆمەڵێک لەخوێندکارانی زانکۆکانی سلێمانی و سەڵاحەدین بەڕێوەیان دەبرد.
لەدوای رۆژنامەی هاوڵاتی، دووەمین رۆژنامەی ئەهلی کوردستانییە، سەرەتا دوو هەفتە جارێک دەرچووە بە هەشت لاپەڕە، پاشان بووە بە دوانزە لاپەڕەو دواتریش بووە بە 16 لاپەڕە، لەساڵی 2007یشدا بوو بەهەفتانە، بەڵام پاش دەرچوونی چەند ژمارەیەکی کەم بەهەفتانە بەهۆی گیروگرفتی مادییەوە راگیرا.
رۆژنامەکە کۆمەڵێک خوێندکاری رۆژنامەنووس خۆبەخشانە کاریان تێدا دەکرد، پشتی بەفرۆش دەبەست، کە لە هەردوو زانکۆی سلێمانی سەڵاحەدین و پەیمانگاو ئامادەییەکانی کەلار، ئامادەییەکانی دەربەندیخان و هەڵەبجە بەشێوەیەکی زۆرباش دەفرۆشدا، ئەوە جگە لەوەی لەزۆربەی قەزاکانی پارێزگای سلێمانی دەفرۆشرا.
هاوکارییەکانی چاپخانەی رەنج هۆکارێک بوون بۆ مانەوەو دانەخرانی رۆژنامە، کەبەدرێژای ئەو پێنج ساڵە بەردەوام پشتگیرو هاوکارێکی گرنگی رۆژنامەکە بووە، هەروەها پاشان بەهۆی فەندەکانی رێکخراوی فریاگوزاری میللی نەرویجیەوە () کۆمەک دەکرا.
یەکەمین سەرنووسەری سەرهەنگ حەمە عەلی بووەو شاباز جەمال بەڕێوەبەری نوسین بووە، خاوەن ئیمتیازەکانی، ئالان عەتوف یەک ژمارە، ئارام شێخ محەمەد چەند ژمارەیەک، شاسوار عەبدول واحید و پاشان کاروان مەهدی.
بەڵام لەکۆتایی ساڵی 2004 ەوە تا ساڵێ 2007 ستافێکی تر بەڕێوەیان بردووە، شاسوار عەبدولواحید خاوەن ئیمتیاز، ئەیوب کەریم سەرنووسەر، کاروان مەهدی جێگری سەرنووسەر وریا حەمە تاهیر بەڕێوەبەری نووسین، ساڵح قادرو شۆڕش خالید دەستەی نووسەران، کە دواتر کاروان مەهدی بوو بەخاوەنی ئیمتیاز، وریا حەمەتاهیر بوو بەجێگری سەرنووسەر، شۆڕش خالید بوو بە بەڕێوەبەری نووسین.
رۆژنامەکە لە مانگی دوانزەی 2007 بەهۆی گیروگرفتی مادییەوە راگیرا، هەرچەند ستافەکە توانیبوویان رۆژنامەکە فراوان بکەن بۆ دەزگایەکی رۆژنامەوانی و چاپ خوێندکاری و گەنجانە، بە ناوی دەزگای گەنجان کە ماڵپەڕی گەنجان تایبەت بوو بەهەواڵی رۆژانە، بەشی کتێب کەتوانی یەک یەک کتێب چاپ بکات. بەشی پاشکۆو پۆستەر کە چەند پاشکۆیەکی رۆژنامەوانی چاپکرد، لەرۆژی جیهانی لاوانیش لەساڵێ 2007 بە پۆستەر یادەکەی کردووە.
بەشی سیمینارو ۆرک شۆپیش توانی چەنک کۆڕێک لە سلێمانی و هەولێرو سازبدات.
ئەمەش ستراتیژو سیستمی بەڕێوەبەری رۆژنامەی خوێندنی لیبراڵە کە ئەوکات ئامادەکرابوو بەهیوای رێکوپێک بەڕێوەبردنی رۆژنامەکە.
ستراتیژو سیستمی بەڕێوەبەری رۆژنامەی خوێندنی لیبراڵ
1. پێناسە:
خوێندنی لیبراڵ رۆژنامەیەکی ئەهلییە کۆمەڵێک قوتابی وگەنجی سەربەخۆ لەسەرتاسەری کوردستاندا دەریدەکەن.
خوێندنی لیبراڵ گرنگی دەدات بەسیستمی پەروەردەو فێرکردن وناوەندەکانی خوێندن و کێشەو گرفتەکانی گەنج وتواناو بوونی خوێندکارو گەنج لە کۆمەڵگەدا.
2. دروسبوون وگرنگی خوێندنی لیبراڵ:
بوونی بۆشاییەک لەکۆمەڵگەدا لەگرنگی نەدان بەتوێژی قوتابی /خوێندکار و گەنج/لاو وەک توێژێکی گرنگ وکاریگەرو ئەکتیڤ لەکۆمەڵگەدا، قسەنەکردن لەکێشەو گرفتەکانیان و رۆشنایی نەخستنەسەریان، لاوازی لەبوونی کەناڵێکی ئازادو سەربەخۆی تایبەت بۆ دەربڕینی گرفت و واقعی قوتابی وگەنج و سانسۆر خستنەسەر بڵاوکردنەوەی بیروبۆچونەکانیان بەشێوەیەکی ئازادانەو سەربەخۆو رەخنەگرانە لەئۆرگانە تایبەت بەگەنجان وخوێندکارییانەی کەهەبوون سەرەتایەکە بۆ دروستبوونی رۆژنامەی خوێندنی لیبراڵ.
بۆ دەربڕینی بیروڕای خوێندکارو گەنج لەسەر سیستمی پەروەردەو ناوەندەکانی خوێندن و پەیوەندییە کۆمەڵایەتییەکانی گەنج، ئاکتیڤ بوون و بەشداریکردنی ئەم توێژە لە رووداوو گۆرانکارییەکانی کۆمەڵگەدا خوێندنی لیبراڵ لەرووی بواری راگەیاندنەوە وەک ئامرازێکی بەدیهێنانی ئەو ئامانجانە هاتەبوون.
3. ئامنجەکانی خوێندنی لیبراڵ:
1. رۆشنایی خستنەسەر واقیع و کێشەو گرفتەکانی دام ودەزگاکانی پەروەردەو توێژی خوێندکارو گەنج لەکۆمەڵگەدا.
2. کارکردن بۆ دروستکردن وبەهێزکردنی ناسنامەیەکی سەربەخۆ بۆ توێژی خوێندکارو گەنج وە دروستکردنی گوتارێکی رەخنەگرانە لەناو توێژی خوێندکارو گەنجدا.
3. دروستکردنی کەناڵێک و زەمینەسازکردن بۆ دروستکردنی گفتوگۆو دایەلۆگ لەنێوان خوێندکاران و گەنجاندا لەسەر کێشەکانی پەیوەند بەخۆیان ومەسەلە گرنگەکانی کۆمەڵگا.دروستکردنی گفتوگۆ لەنێوان گەنجان و خوێندکاران لەلایەک وبەپرسان لەلایەکی ترەوە.
4. وشیارکردنەوەی توێژی خوێندکارو گەنج.
5. کارکردن بۆکرانەوەی خوێندکارو گەنج بەرووی کلتوری پێشکەوتوو مۆدێرن، رزگاربوون لەدابونەریتی چەقبەستووی کۆمەڵگا.
6. ئاگادارکردنەوەی کۆمەڵگا لەکێشەو گرفتەکانی گەنج و دەزگا پەروەردەییەکان.
7.برەودان بەمیدیای ئازاد وەک پێکهاتەیەکی کۆمەڵگای مەدەنی لەکۆمەڵگادا بەگشتی و توێژی خوێندکارو گەنج بەتایبەتی لەڕووی چەندایەتی و چۆنایەتییەوە.
4. چالاکییەکان بۆ بەدەستهێنانی ئەوئامانجانە:
1. دەرکردنی رۆژنامەکە.
2. لەرووداوو گۆڕانکارییەکانی تایبەت بەگەنج وخوێنکاردا خوێندنی لیبراڵ پاشکۆی تایبەت دەردەکات.
3. لەرووداوو گۆڕانکاری وکێشەو گرفتەکانی گەنج وخوێندکارو ناوەندەکانی خوێندندا خوێندنی لیبراڵ راپرسی ئەنجامدەدات.
4. سازکردن و ئەنجامدانی بۆنەی تایبەت بەگەنج و حوێندکار وەککۆرش، سیمینار، گفتوگۆی کراوە..هتد.
5. بواری ماددی رۆژنامەکە:
بۆبەردەوامیدان بەرۆژنامەی خوێندنی لیبراڵ و برەوپێدانی، رۆژنامەکە پێویستی بەسەرچاوەی ماددی بەردەوام هەیە، بەوبڕوایەوە کەدابین کردنی ئەم پێویستییە کاریگەری نەخاتەسەر ئامانجە ستراتیژیەکانی ئەم پڕۆژەیە، لەم گۆشەنیگایەوە رۆژنامەکە پشت بەم سەرچاوانە دەبەستێت:
1. لایەن ورێکخراوی ناحکومی وسەربەخۆ.
2. یارمەتیدانی بۆ میدیای ئازاد.
3. کۆمەک و یارمەتی بێمەرجی کەسایەتی ولایەنی خەمخۆر بۆ پرۆژەیەکی لەمجۆرەو توێژی خوێندکارو گەنج.
4. توانای ماددی ناوخۆی رۆژنامەکە وەک داهاتی فرۆشی رۆژنامەکەو هاوکاری ماددی کەسی پەیوەندیدار لەستافی رۆژنامەکەدا (خاوەن ئیمتیاز).
5. ریکلامی بازرگانی وەک سەرچاوەیەکی ماددی لەرۆژنامەیەکی ئەهلیدا.
6. پیکهاتەی رۆژنامەکە:
1. هەواڵ:
خوێندنی لیبراڵ ئەو هەواڵانە بڵاودەکاتەوە کەپەیوەندی راستەوخۆی بەگەنج و خوێندکارو سیستمی پەروەردەو فێرکردن ودامەزراوەکانی خوێندنەوە هەیە، ئەو هەواڵانەی لەدەز\ا راگەیاندنەکانی تر بەپێی پێویست تیشکی ناخرێتەسەرو بڵاوناکرێنەوەو پەردەپۆش دەکرێن.
2. رێپۆرتاژو بەدواداچوون:
- هەموو ئەو رووداوو کێشانەی کەروودەدەن و جێی سەرنجی خوێندکارانن و پێویستی بەقسە لەسەر کردنی خوێندکاران ومامۆستایان وبەرپرسان هەیە.
- ئەو رووداوو کێشەو بابەتانەی کەپەیوەندیدارن بەژیانی گەنج و دامەزراوەکانی گەنجەوە.
3. چاوپێکەوتن:
چاوپێکەوتن لەخوێندنی لیبراڵدا سێ ئاست وەردەگرێت:
1. چاوپێکەوتن لەئاستی خوێندکاران وگەنجاندا.
2. چاوپێکەوتن لەئاستی بەرپرسان و مامۆستایاندا.
3. چاوپێکەوتن لەئاستی رۆشنبران.
• چاوپێکەوتن ئەنجام دەدرێت بۆ گەیاندنی کێشەو داواکارییەکانی گەنج و خوێنکار، وەڵامی بەرپرسان.
• تێڕوانین و سەرنج و هەڵوێستی رۆشنبیران لەمەڕ کێشەو گرفتەکانی خوێندکارو گەنج و دامەزراوە پەروەردەییەکانی کۆمەڵگا.
• چاوپێکەوتن لەگەڵ خوێندکارو گەنجی بەهرەمەند، هەروەها تێڕوانینی خوێندکاران وگەنجان دەربارەی کێشەو گرفتەکانی خۆیان وکۆمەڵگا.
4.ووتار:
خوێندنی لیبراڵ ئەو وتارانە بڵاودەکاتەوە کەگوزارشت لەکێشەو گرفتەکان و بیروبۆچوونی گەنجان وخوێندکاران دەکات خودی گەنجان وخوێندکاران دەینوسن. وتاری ئەو مامۆستاو رۆشنبیرانەی کەدەیانەوێت سەرنج وتێڕوانینی خۆیان لەمەڕ سیستمی پەروەردەو ناوەندەکانی خوێندن و کێشەو گرفتەکانی گەنجاندا بخەنەڕوو.
5. ئەدەب و هونەر:
ئەو بابەتە هونەری وئەدەبیانە بڵاو دەکرێنەوە کەگوزارشت لە ژیانی گەنج و خوێندکاران دەکات، هەروەها بابەتی وەرگێڕان لەبواری ئەدەب و هونەردا لەسەر سینماکارو مۆسیقارو ئەدیبە جیهانییەکان و بوارە هونەرییەکانی تر.
6. وەرزش:
لەبەرئەوەی گەنج وخوێندکار توێژێکن لەکۆمەڵگا گرینگیدانێکی تایبەتیان بەبوواری وەرزش هەیە، بۆیە ئەم بوارە لەخوێندنی لیبراڵدا بۆ ئاگاداربوونی ئەم توێژەیە لەرووداوو گۆڕانکارییەکان ئەگەر بەشێوەیەکی کەمیش بێت لەوبوارەدا.
1. وێنە:
بەشێکی گرنگی رۆژنامەی خوێندنی لیبراڵ پێکدەهێنێ. ئەو وێنانە بڵاودەکرێنەوە کەپەیوەندی راستەوخۆیان بەبابەتەکەوە هەبێت و گوزارشت لەبابەتەکە بکات، وێنەکان راستگۆیی زیاتر دەبەخشنە بابەتەکەو بڕوا لای خوێنەر دروست دەکات. ئەو وێنانە بڵاوناکرینەوە کەلەگەڵ بنەماکانی مافی مرۆڤدا یەکناگرێتەوە.
2. ریکلام:
ریکلامیش یەکێکە لەپێکهاتەکانی رۆژنامەکە بەو پێیەی رۆژنامەی خوێندنی لیبراڵ رۆژنامەیەکی ئەهلییەو وەک سەرچاوەیەکی مادی بەکاری دەهێنێت.
7. پێوەرەکان بۆ وەگرتنی رۆژنامەنووس:
1. بێلایەن بێت، واتە ئایدیای هیچ خزب و رێکخراوێک لەناو رۆژنامەکەدا بڵاونەکاتەوە.
2. پێویستە شارەزایی لەبواری رۆژنامەنووسیدا هەبێت و ئارەزووی کارکردنی هەبێت.
3. کەسایەتییەکی هەبێت لەکۆمەڵگادا، ناوبانگی خۆیی و رۆژنامەکە بپارێزێت.
4. پیچویستە پابەندی ئەو ئەرکانە بێت کەخوێندنی لیبراڵ دایناوە بۆ سەرجەم پۆستە رۆژنامەنووسییەکان کەلەسیستمی بەرێوەبردنی خوێندنی لیبراڵدا ئاماژەی پێکراوە، لەکاتی جێبەجێ نەکردنی یان کەمتەرخەمی کردن لەوئەرکانە، توشی بەرپرسیارێتی دەبێت.
5. نابێت لەرۆژنامەیەکی تری خوێندکاری یان گەنجانەدا کاربکات بەوپێیەی خوێندنی لیبراڵ رۆژنامەیەکی تایبەتمەندە بەبواری گەنج و خوێندکار.
6. ئەو کەسانەی ناتوانن خاڵی (5) جێبەجێ بکەن دەتوانن بەپەیوەست (عقد) کاربکەن لەگەڵ خوێندنی لیبراڵدا.
7. هەرکەسێک سەرەتا پەیوەندی دەکات بەخوێندنی لیبراڵەوە بەقۆناغی هەڵسەنگاندندا دەڕوات، ئینجا دوای ئەو قۆناغە دەبنە کەسێک لەستافی سەرەکی رۆژنامەکە.
8. پابەندبوون بەو پێوەرە ئیتیکیانەی کەخوێندنی لیبراڵ دایناوە بۆ کادرە رۆژنامەنووسییەکانی.
8.پێوەرە ئیتیکیەکانی خوێندنی لیبراڵ:
1. کۆکردنەوەو وەرگرتنی زانیاری بەشێوەیەکی دروست و نەزیهانە.
2. نەدرکاندنی ئەو سەرچاوانەی زانیاریت پێدەدەن، دەیانەوێت بەنهێنی بمێنێتەوە.
3. پاراستنی ژیانی تایبەتی و کەسێتی خەڵک و نەزڕاندنی ناوبانگی هیچ کەس.
4. رێزگرتن لەبەها گشتییەکان و کلتورە جیاوازەکان.
5. رێزگرتن و هێرش نەکردنەسەر هیچ ئایین و مەزهەب و ئایدیۆلۆژیایەکی سیاسی.
6. جیاوازی نەکردن لەنێوان رەگەزو ئیتنیکە جیاوازەکاندا.
7. نابێت هیچ کەسێک باجی خوێندنی لیبراڵ بۆ مەبەستی شەخسی بەکاربهێنێت، لەکاتی وازهێنان لەکارکردن پێویستە بەشێوەیەکی فەرمی وازهێنانی خۆی رابگەیەنێت و باجی رۆژنامەکە بگەرێنێتەوە.
9. پێوەرەکان بۆ بڵاوبوونەوەی بابەتی رۆژنامەنووسی:
1. بابەتەکە راستەوخۆ یان ناراستەوخۆ پەیوەندی بەدنیای خوێندکارو گەنجەوە هەبێت، بەشێوەکی بابەتی نوسرابێت.
2. نوێ بێت و گوزارشت لەبابەتێکی نێو دامەزراوەکانی خوێندن یاخود کۆمەڵگە بکات کەجێی سەرنج و باسی خەڵک بێت.
3. نابێت بابەتەکە خزمەت بەهیچ رێکخراوێکی گەنجان وخوێندکاران یاخود ئایدیایەکی سیاسی بکات،مەبەست لێی گەیاندنی پەیامی رێکخراوێک بێت لەرێگەی خوێندنی لیبراڵەوە.
4. ئەو بابەتانەی دەگەنە رۆژنامەکە لەرێگەی لیژنەیەکی سەرپەرشتیارییەوە دەبینرێت و پاشان سەرنووسەر بڕیاری بڵاوبوونەوەی یان بڵاونەبوونەوەی دەدات. لەکاتی بڵاونەکردنەوەی بابەتەکەدا، بابەتەکە ناگەڕێنرێتەوە بۆ نووسەرەکەی.
5. زیاتر گرنگی بەو بابەتانە دەدرێت کەکار لەسەر مۆدێنیزەکردنی دامودەزگاکانی خوێندن و توێژی خوێندکارو گەنج بەئاراستەی کلتورو بیرکردنەوەیەکی هاوچەرخانەو پێشکەوتوو نوسراوە.
سیستمی بەڕێوەبردنی رۆژنامەی خوێندنی لیبراڵ
دەستەی باڵای بەڕێوەبردن:
دەستەی باڵای بەڕێوەبەردن لەپێنج کەس لەستافی سەرەکی پێکهاتووە بۆ گفتوگۆ کردن و بڕیاردان لەسەر بابەتە چارەنوسسازو گرنگەکانی تایبەت بەرۆژنامەکە.
تایبەتمەندییەکانی لیژنەکە:
1. لیژنەکە لەپێنج کەس پێکدێت لەستافی سەرەکی رۆژنامەکە(خاوەن ئیمتیاز، سەرنووسەر، جێگری سەرنووسەر، بەڕێوەبەری نوسین، کەسێک لەدەستەی نووسەران).
2. لیژنەکە سێ مانگ جارێک کۆبوونەوەی ئاسایی خۆی ئەنجامدەدات بۆ قسەکردن لەسەر رۆژنامەکەو پلانی کارکردنی داهاتوو، جگەلەو کۆبوونەوەیە لەبارودۆخی تایبەتدا کەپێویست بەکۆبونەوەبکات لیژنەکە کۆدەبێتەوە.
3. پیویستە ئەندامانی دەستەی باڵای بەڕێوەبردن لەرێگەی راپۆرتێکەوە قسەو گفتوگۆکانیان ئامادەبکەن و لە کۆبوونەوە ئاساییەکەدا گفتوگۆی لەسەر بکەن.
4. ئەو پلانانەی لەکۆبوونەوەکاندا گفتوگۆی لەسەر دەکرێت پێویستە لەلایەن دەستەی باڵاوە بەدواداچوونی بۆبکرێت بۆ جێبەجێکردنی یاخود دەرئەنجامەکانی.
ئەو بوارانەی دەستەی باڵا گفتووگۆی لەسەر دەکات:
1. گفتوگۆکردن لەسەر ستراتیژو ئامانجی رۆژنامەکە.
2. لایەنی ماددی رۆژنامەکە: لەکاتی وەرگرتنی ماددە(پارەو پێداویستی تری ماددی) لەکەسان و لایەن و رێکخراوەکان لیژنەکە بڕیاری لەسەر دەدات.
3. دانان یان لابردنی دەستەی نووسەران لەلایەن دەستەی باڵاوە یەکلایی دەکرێتەوە.
4. گۆڕانکاریکردن لەکاتی دەرچوونی رۆژنامەکەو زیادکردنی لاپەڕەو گۆڕانکاری لەقەبارەو رەنگدا دەستەی باڵا بڕیاری لەسەر دەدەات.
دەستەی بەرێوەبردنی رۆژنامە:
1. خاوەن ئیمتیاز:
بەرپرسیارە لەدابینکردنی بودجەی دارایی رۆژنامەکە.
خاوەن ئیمتیاز دەتوانێت لەرێگەی ژمێریاری رۆژنامەکەوە ئاگاداری تەواوی بودجەو وردەکارییەکاری و خەرجییەکانی رۆژنامەکە بێت.
2. سەرنووسەر:
پێویستە سەرنووسەر ئاگاداری نزیک و راستەوخۆی هەبێت لەرۆژنامەکەوە، بەبینینی ئەوبابەت و هەواڵانەی لەرۆژنامەکەدا بڵاودەکرێنەوە.
ئەنجامدانی گۆڕانکاری پێویست بۆ داڕشتنی بەرنامەی باشتر بۆ رۆژنامەکە. سەرنووسەر بڕیاری کۆتایی بڵاوبوونەوە یان بڵاونەبوونەوەی بابەتەکان دەدات بەحکومی ئەوەی لێپرسراوێتی یاسایی لەسەرشانە، بەمەرجێک سەرنووسەر بابەتی بێت لەبڕیارداندا.
3. جێگری سەرنووسەر:
هاوکاریکردنی سەرنووسەر لەکارەکانیدا، سەرپەرشتیکردنی ستافی رۆژنامەکە، بەشداریکردن لەبڕیارە گرنگەکانیتایبەت بە رۆژنامەکە.
4. بەڕێوەبەری نوسین:
سەرپەرشتیکردن و دیاریکردن و کۆکردنەوەی بابەتە رۆژنامەوانیەکان لەماوەی دیاریکراوی خۆیدا گرنگترین ئەرکەکانی بەڕێوەبەری نوسینە. ئامادەبوونی لەگەڵ نەخشەسازی رۆژنامەکە بۆ نەخشەسازی رۆژنامەکە لەکاتی دیاریکراوی خۆیدا، هاوبەشی بڕیاردانە لەگەڵ سەرنووسەردا.
5. دەستەی نووسەران:
ئەو کەسانەی سیفەتی دەستەی نووسەرانیان هەیە لەخوێندنی لیبراڵدا ئەم ئەرک و مافانەیان هەیە:
1. ئەنجامدانی بەدواداچوون و ئامادەکردنی راپۆرت.
2. سەیرکردن و هەڵسەنگاندنی ئەو بابەت وریپۆرتاژانەی بۆ رۆژنامەکە ئامادەدەکرێت.
3. ئامادەبوونی لەکاتی نەخشەسازی رۆژنامەکە.
4. چاککردنی ئەو رێپۆرتاژو هەواڵانەی بۆ رۆژنامەکە ئامادە دەکرێت و پێویستی بەئیشکردنێکی زانستیانەتر هەیە.
5. پابەندبوون بەبڕیارەکانی رۆژنامەکە.
6. پێشنیارو بۆچونەکانی بەهەند وەردەگیرێت، پێشنیارەکانی دەخرێتە بەردەم دەستەی باڵای بەڕێوەبردنی رۆژنامەکە.
🗄 سەرچاوەکان

⁉️ تایبەتمەندییەکانی بابەت - Meta-data
🏳️ زمانی بابەت: 🏳️ کوردیی ناوەڕاست
📰 جۆری بڵاوکراوە: 📰 رۆژنامە
🗺 وڵات - هەرێم: ⬇️ باشووری کوردستان

⁉️ تایبەتمەندییە تەکنیکییەکان
©️ خاوەنی ئەم بابەتە بەسوپاسەوە، مافی بڵاوکردنەوەیی بە کوردیپێدیا بەخشیوە! یان بابەتەکە کۆنە، یاخود بابەتەکە موڵکی گشتییە.
✨ کوالیتیی بابەت: 94% ✔️
94%
✖️
 30%-39%
خراپ👎
✖️
 40%-49%
خراپ
✖️
 50%-59%
خراپ نییە
✔️
 60%-69%
باش
✔️
 70%-79%
زۆر باشە
✔️
 80%-89%
زۆر باشە👍
✔️
 90%-99%
نایاب👏
94%
✔️
ئەم بابەتە لەلایەن: (هاوڕێ باخەوان)ەوە لە: Oct 8 2010 1:58PM تۆمارکراوە
✍️ ئەم بابەتە بۆ دواجار لەلایەن: (بەڕێوەبەری سیستم)ەوە لە: Nov 30 2013 11:08PM باشترکراوە
☁️ ناونیشانی بابەت
🔗
🔗
⚠️ ئەم بابەتە بەپێی 📏 ستانداردەکانی کوردیپێدیا هێشتا ناتەواوە و پێویستیی بە داڕشتنەوەی بابەتی و زمانەوانیی زۆرتر هەیە!
👁 ئەم بابەتە 8,541 جار بینراوە

📚 فایلی پەیوەستکراو - ڤێرشن
جۆر ڤێرشن 💾📖🕒📅 👫 ناوی تۆمارکار
📷 فایلی وێنە 1.0.127 KB Oct 8 2010 1:58PMهاوڕێ باخەوان
✍️ ئەم بابەتە باشتر بکە!
☰ زۆرتر
⭐ بۆ ناو لیستی کۆکراوەکان
💬 رای خۆت دەربارەی ئەم بابەتە بنووسە!

✍️ گۆڕانکارییەکانی بابەتەکە!
🏷️ Metadata
RSS

📷 گووگڵی وێنەی بابەتی هەڵبژێردراو بکە!
🔎 گووگڵی بابەتی هەڵبژێردراو بکە!
⠪ بەشکردن
Facebook
Twitter
LinkedIn
Whats App
Viber
SMS
Facebook Messenger
E-Mail
👍
⭐ نرخاندنی بابەت
⭐⭐⭐⭐⭐ نایاب
⭐⭐⭐⭐ زۆر باشە
⭐⭐⭐ باش
⭐⭐ خراپ نییە
⭐ خراپ

خوێندنی لیبراڵ

📚 فایلی پەیوەندیدار: 0
🖇 بابەتە پەیوەستکراوەکان: 1
👫 کەسایەتییەکان
1.👁️شاسوار عەبدولواحید
📂[ زۆرتر...]

Kurdipedia.org (2008 - 2020) version: 12.07
| 📩 contact@kurdipedia.org | ✔️CSS3 | ✔️HTML5
| کاتی ئافراندنی لاپەڕە: 0,39 چرکە!
☎ +9647701579153 +9647503268282
| ☎ +31654710293 +31619975574